വിഷു ബമ്പർ ഉൾപ്പെടെ ഒന്നരലക്ഷത്തോളം രൂപയുടെ ലോട്ടറി ടിക്കറ്റ് മോഷ്ടിച്ചു; സംഭവം ബാലരാമപുരത്ത്

ബാലരാമപുരം: ലോട്ടറിക്കട കുത്തിത്തുറന്ന് വിഷു ബമ്പർ ഉൾപ്പെടെയുള്ള ഒന്നരലക്ഷത്തോളം രൂപയുടെ ലോട്ടറി ടിക്കറ്റ് മോഷ്ടിച്ചു. ബാലരാമപുരം കൊടിനടയിൽ പ്രവർത്തിക്കുന്ന കരമന ദുർഗാനഗർ സ്വദേശി നാരായണന്റെ ഉടമസ്ഥതയിലുള്ള ലക്ഷ്മി ലക്കി സെന്ററിൽനിന്നാണ് ലോട്ടറി ടിക്കറ്റുകൾ മോഷ്ടിച്ചത്.

വെള്ളിയാഴ്ച രാത്രി എട്ടരയോടെയാണ് കടയടച്ച് നാരായണൻ വീട്ടിൽ പോയത്. ശനിയാഴ്ച രാവിലെ കട തുറക്കാനെത്തിയപ്പോൾ പുറകിലത്തെ വാതിൽ കുത്തിപ്പൊളിച്ചനിലയിൽ കണ്ടെത്തിയതോടുകൂടി നടത്തിയ അന്വേഷണത്തിലാണ് ലോട്ടറി ടിക്കറ്റുകളും അലമാരയിൽ സൂക്ഷിച്ചിരുന്ന ആറായിരത്തോളം രൂപയും മോഷണംപോയതായി കണ്ടെത്തിയത്.

ബാലരാമപുരം പോലീസിൽ പരാതി നൽകിയതിനെ ത്തുടർന്ന് പോലീസ് സ്ഥലത്ത് പരിശോധന നടത്തി.

Content Highlights: Burglary at Lakshmi Lucky Center in Balaramapuram., Theft of Vishu Bumper lottery tickets worth 1.5 lakhs., Approximately 6,000 rupees in cash also stolen from the shop., Police investigation is currently underway following a formal complaint.