യെദ്യൂരപ്പയ്ക്കെതിരെ POCSO കേസ്; സഹായം തേടിയെത്തിയപ്പോള്‍ ലൈംഗികാതിക്രമം നേരിട്ടെന്ന് പരാതി
ബെംഗളൂരു: കർണാടക മുൻ മുഖ്യമന്ത്രി ബി.എസ് യെദ്യൂരപ്പയ്ക്കെതിരെ പോക്സോ കേസ്. 17 വയസ്സുകാരിയുടെ അമ്മയുടെ പരാതിയിന്മേലാണ് നടപടി. ബെംഗളൂരു സദാശിവനഗർ പോലീസാണ് കേസെടുത്തത്.
വ്യാഴാഴ്ച വൈകുന്നേരത്തോടെ കുട്ടിയ്ക്കൊപ്പം സ്റ്റേഷനിലെത്തിയാണ് ഇവർ പരാതി സമർപ്പിച്ചത്. തുടർന്ന് വെള്ളിയാഴ്ച പുലർച്ചെ മുൻ മുഖ്യമന്ത്രിക്കെതിരെ കേസെടുത്തതായി പോലീസ് അറിയിച്ചു. 2024 ഫെബ്രുവരി രണ്ടിന് യെദ്യൂരപ്പയുടെ സഹായം തേടാൻ പോയതിനിടെയായിരുന്നു ലൈംഗികാതിക്രമമെന്നാണ് പരാതിയിൽ പറയുന്നത്.
അതേസമയം, ആരോപണങ്ങൾ തള്ളിക്കൊണ്ട് യെദ്യൂരപ്പയുടെ ഓഫീസ് രംഗത്തെത്തി. പരാതിക്കാരിയായ പതിനേഴുകാരി സ്ഥിരമായി ഇത്തരത്തിലുള്ള പരാതികൾ നൽകാറുണ്ടെന്നാണ് ഓഫീസിന്റെ ആരോപണം. 53 വ്യത്യസ്ത പരാതികളുടെ പട്ടികയും അവർ പുറത്തുവിട്ടു.
Content Highlights: B.S. Yediyurappa booked under POCSO Act