വാക്കുതർക്കം കൈയാങ്കളിയായി; ആറ്റിങ്ങലിൽ വിദ്യാർഥിക്ക് വെട്ടേറ്റു, തലയ്ക്ക് ഗുരുതര പരിക്ക്

തിരുവനന്തപുരം: ആറ്റിങ്ങലിൽ വിദ്യാർഥിക്ക് വെട്ടേറ്റു. ആറ്റിങ്ങൽ തോന്നയ്ക്കൽ സായി ഗ്രാം കോളേജിലെ രണ്ടാംവർഷ ബി.കോം. വിദ്യാർഥിയായ വിഘ്‌നേഷിനാണ് വെട്ടേറ്റത്. കോളേജിന് പുറത്ത് ബസ്‌സ്റ്റോപ്പിലായിരുന്നു സംഭവം.

പ്രദേശവാസികളായ രണ്ടുപേരും വിഘ്‌നേഷും തമ്മിലുള്ള വാക്കുതർക്കമാണ് ആക്രമണത്തിൽ കലാശിച്ചത്. തലയ്ക്ക് ഗുരുതരമായി പരിക്കേറ്റ വിഘ്‌നേഷിനെ തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി.