341 ഒഴിവുകൾ, സ്റ്റാഫ് സെലക്ഷൻ കമ്മീഷൻ ASO LDCE 2026 വിജ്ഞാപനം പുറത്ത്

SSC ASO LDCE 2026 വിജ്ഞാപനം പുറത്തിറങ്ങി. കേന്ദ്ര സെക്രട്ടറിയറ്റ് സർവീസിലെയും (CSS) വിദേശകാര്യ മന്ത്രാലയത്തിലെയും (MEA) 341 ഒഴിവുകളിലേക്ക് ഡിപ്പാർട്ട്മെന്റൽ ഉദ്യോഗാർഥികൾക്ക് അപേക്ഷിക്കാം.

അസിസ്റ്റന്റ് സെക്ഷൻ ഓഫീസർ (ASO) തസ്തികയിലേക്ക് സ്ഥാനക്കയറ്റം ആഗ്രഹിക്കുന്ന സർക്കാർ ജീവനക്കാർക്ക് ലിമിറ്റഡ് ഡിപ്പാർട്ട്മെന്റൽ കോമ്പറ്റിറ്റീവ് എക്സാമിനേഷൻ (LDCE) ഒരു മികച്ച അവസരമാണ്. ഔദ്യോഗിക SSC വെബ്‌സൈറ്റ് വഴി 2026 ജൂലൈ 16 (രാത്രി 11:00) വരെ അപേക്ഷ സമർപ്പിക്കാം. ഓൺലൈൻ അപേക്ഷ പ്രക്രിയ ജൂൺ 25-നാണ് ആരംഭിച്ചത്.

പ്രധാന തീയതികൾ 

• പ്രിന്റ് ചെയ്ത ഫോമുകൾ സമർപ്പിക്കാനുള്ള വകുപ്പുകളുടെ അവസാന തീയതി: 2026 ജൂലൈ 23 (വൈകുന്നേരം 6:00)
• വിദേശത്ത്/ആൻഡമാൻ & നിക്കോബാർ/ ലക്ഷദ്വീപ് എന്നിവിടങ്ങളിൽ പോസ്റ്റ് ചെയ്ത ഉദ്യോഗാർഥികൾക്കുള്ള അവസാന തീയതി: 2026 ജൂലൈ 30 (വൈകുന്നേരം 6:00)
• കമ്പ്യൂട്ടർ അധിഷ്ഠിത പരീക്ഷ: 2026 ഓഗസ്റ്റ്

SSC ASO LDCE 2026 യോഗ്യതാ മാനദണ്ഡങ്ങൾ 
സ്റ്റാഫ് സെലക്ഷൻ കമ്മീഷൻ അസിസ്റ്റന്റ് സെക്ഷൻ ഓഫീസർ LDCE 2026 യോഗ്യരായ ഡിപ്പാർട്ട്മെന്റിലെ ഉദ്യോഗാർഥികൾക്ക് മാത്രമുള്ളതാണ്, നേരിട്ടുള്ള നിയമനമില്ല.

കേന്ദ്ര സെക്രട്ടറിയറ്റ് സർവീസിലെ (CSS) ഒഴിവുകൾക്ക്, അപേക്ഷകർ കേന്ദ്ര സെക്രട്ടറിയറ്റ് ക്ലറിക്കൽ സർവീസിലെ അപ്പർ ഡിവിഷൻ ഗ്രേഡ് ഓഫീസർമാരായി സേവനമനുഷ്ഠിക്കുന്നവരായിരിക്കണം. കൂടാതെ 2025 ജൂലൈ ഒന്ന് വരെ കുറഞ്ഞത് ആറ് വർഷത്തെ അംഗീകൃത സേവനം പൂർത്തിയാക്കിയിരിക്കണം.

വിദേശകാര്യ മന്ത്രാലയത്തിൽ (MEA) അപേക്ഷിക്കുന്ന ഉദ്യോഗാർഥികൾ അപ്പർ ഡിവിഷൻ ക്ലർക്കുമാരായി(UDCs) സേവനമനുഷ്ഠിക്കുന്നവരായിരിക്കണം, നിർദിഷ്ട നിർബന്ധിത പരിശീലനം വിജയകരമായി പൂർത്തിയാക്കിയിരിക്കണം, കൂടാതെ 2025 ജൂലൈ 1 വരെ കുറഞ്ഞത് ആറ് വർഷത്തെ അംഗീകൃത സേവനം ഉണ്ടായിരിക്കണം.

എങ്ങനെ അപേക്ഷിക്കാം? 

• ഔദ്യോഗിക SSC പോർട്ടൽ ssc.gov.in സന്ദർശിക്കുക.
• രജിസ്റ്റർ ചെയ്ത ക്രെഡൻഷ്യലുകൾ ഉപയോഗിച്ച് ലോഗിൻ ചെയ്യുക.
• ASO LDCE 2026 അപേക്ഷ ലിങ്ക് തിരഞ്ഞെടുക്കുക.
• ആവശ്യമായ വ്യക്തിഗത, സേവന സംബന്ധമായ വിവരങ്ങൾ പൂരിപ്പിക്കുക.
• ആവശ്യമായ രേഖകൾ അപ്ലോഡ് ചെയ്യുക.
• ഫോം ഓൺലൈനായി സമർപ്പിക്കുക.
• അപേക്ഷാ ഫോം ഡൗൺലോഡ് ചെയ്ത് പ്രിന്റ് എടുക്കുക.
• പ്രിന്റ് ചെയ്ത കോപ്പി, ആവശ്യമായ രേഖകളോടൊപ്പം, ഹെഡ് ഓഫ് ഡിപ്പാർട്ട്മെന്റ് അല്ലെങ്കിൽ ഹെഡ് ഓഫ് ഓഫീസർ വഴി കൈമാറുക.

Content Highlights: 341 total vacancies for CSS and MEA departments., Online application deadline: July 16, 2026., Restricted to departmental candidates with 6 years of service as of July 1, 2025., Computer-based examination scheduled for August 2026., Mandatory submission of printed forms through the Head of Department.