സെൻട്രൽ ബാങ്കിൽ സ്പെഷ്യലിസ്റ്റ് ഓഫീസർ, 275 അവസരങ്ങൾ; കേരളത്തിൽ 3 പരീക്ഷാകേന്ദ്രങ്ങൾ
മുംബൈ ആസ്ഥാനമായുള്ള സെൻട്രൽ ബാങ്ക് ഓഫ് ഇന്ത്യ, സ്പെഷ്യലിസ്റ്റ് ഓഫീസറുടെ വിവിധ തസ്തികകളിലേക്ക് അപേക്ഷ ക്ഷണിച്ചു. 275 ഒഴിവുണ്ട്.
തസ്തികകളും ഒഴിവും
ഐ.ടി. ഓഫീസർ-82, സോഫ്റ്റ്വേർ ഡിവലപ്പർ-19 (ജാവാ ഡിവലപ്പർ-13, ഡോട്ട്നെറ്റ് -6), മൊബൈൽ ഡിവലപ്പർ (ആൻഡ്രോയ്ഡ്/ഐ.ഒ.എസ്.)-3, ഡേറ്റാബേസ് അഡ്മിനിസ്ട്രേഷൻ-11, ഡിജിറ്റൽ ചാനൽ മാനേജർ/ഡിജിറ്റൽ ആപ്ലിക്കേഷൻ സ്പെഷ്യലിസ്റ്റ്-23, ലിനക്സ്/സൊളാരിസ്/എസ്.എ.എൻ./സ്റ്റോറേജ്/എസ്.ആർ.ഇ/ഓപ്പൺ ഷിഫ്റ്റ്-14, വിൻഡോസ്/എ.ഡി.-5, ക്ലൗഡ് മാനേജർ-5, ഇൻഫർമേഷൻ സെക്യൂരിറ്റി ആൻഡ് ഐ.ടി. ഗവേണൻസ്/റിസ്ക്ക്-38, നെറ്റ്വർക്ക് അഡ്മിനിസ്ട്രേറ്റർ/നെറ്റ്വർക്ക് സെക്യൂരിറ്റി-5, പ്രൊഡക്ഷൻ സപ്പോർട്ട്/ആർ.ഒ.സി./ഡിജിറ്റൽ സപ്പോർട്ട്-26, എന്റർപ്രൈസ്/ഇന്റഗ്രേഷൻ/പബ്ലിക് ക്ലൗഡ് ആർക്കിടെക്ട് -6, ഡെവ്സെ കോപ്സ് (DevSecOps)-4, വെബ് സെർവർ/വെബ് ലോജിക് അഡ്മിനിസ്ട്രേറ്റർ-3, ഡേറ്റാ ആർക്കിടെക്ട്-2, ഡേറ്റാ എൻജിനിയർ/ഡേറ്റാ ക്വാളിറ്റി-15, ഡേറ്റാ സയന്റിസ്റ്റ് -6, ജെൻ എ.ഐ.-2, റിസ്ക് മാനേജർ-4, ടാക്സേഷൻ/ സി.എ.-2.
യോഗ്യത
ബി.ഇ./ബി.ടെക്./എം.സി.എ./എം.ബി.എ/സി.എ./ബിരുദാനന്തരബിരുദവും ബന്ധപ്പെട്ട മേഖലയിലെ പ്രവൃത്തിപരിചയവും.
തിരഞ്ഞെടുപ്പ്
ഓൺലൈൻ പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് തിരഞ്ഞെടുപ്പ്. ഓൺലൈൻ പരീക്ഷയ്ക്ക് കേരളത്തിൽ കോഴിക്കോട്, തിരുവനന്തപുരം, എറണാകുളം എന്നിവിടങ്ങളിൽ പരീക്ഷാകേന്ദ്രങ്ങളുണ്ടാകും. പരീക്ഷയും അഭിമുഖവും ഏപ്രിലിൽ നടത്തും.
അപേക്ഷാഫീസ്
വനിതകൾക്കും എസ്.സി., എസ്.ടി. വിഭാഗക്കാർക്കും ഭിന്നശേഷിക്കാർക്കും 175 രൂപ, മറ്റുള്ളവർക്ക് 850 രൂപ. അപേക്ഷ ഓൺലൈനായി അയക്കണം.
വിശദവിവരങ്ങൾക്ക് https://centralbank.bank.in എന്ന വെബ്സൈറ്റ് സന്ദർശിക്കുക.
അപേക്ഷ സ്വീകരിക്കുന്ന അവസാന തീയതി: മാർച്ച് 23.
(തൊഴിൽവാർത്തയിൽ പ്രസിദ്ധീകരിച്ചത്)
Content Highlights: 275 Specialist Officer vacancies across various IT and Management roles., Selection process includes online exam and interview scheduled for April., Exam centers available in Kochi, Thiruvananthapuram, and Kozhikode., Online application deadline is March 23, 2024.