എൽ നിനോയിൽ കരിഞ്ഞുണങ്ങുമോ കേരളത്തിന്റെ കൃഷിയിടങ്ങൾ? വേണം മുന്നൊരുക്കങ്ങളും ജാഗ്രതയും

2026-ലെ ഇടവപ്പാതി കേരളത്തിലെത്തിയത് വലിയൊരു ആശങ്കയുടെ നിഴലിലാണ്. ജൂൺ ഒന്നിന് ലഭിക്കേണ്ട മഴ വൈകിയെത്തിയതും പസഫിക് സമുദ്രത്തിൽ രൂപംകൊള്ളുന്ന എൽ നിനോ പ്രതിഭാസം ഇന്ത്യൻ മൺസൂണിനെ ദുർബലപ്പെടുത്തുമെന്ന കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പും കർഷകരെ കടുത്ത പരിഭ്രാന്തിയിലാഴ്ത്തിയിരിക്കുന്നു. സാധാരണ ലഭിക്കേണ്ട മഴയുടെ 90 ശതമാനത്തിൽ താഴെ മാത്രമേ ഇത്തവണ ലഭിക്കാൻ സാധ്യതയുള്ളൂ എന്ന പ്രവചനം സംസ്ഥാനത്തിന്റെ കാർഷിക സമ്പദ്‌വ്യവസ്ഥയ്ക്ക് വലിയൊരു വെല്ലുവിളിയാണ്.

കേരളത്തിന്റെ പകുതിയോളം കൃഷിഭൂമിയും മഴയെ മാത്രം ആശ്രയിച്ചു നിലനിൽക്കുന്നതിനാൽ, മഴയുടെ കുറവ് മണ്ണിലെ ഈർപ്പം ഇല്ലാതാക്കാനും താപനില വർദ്ധിപ്പിക്കാനും കാരണമാകുന്നു. നെല്ല്, ഏലം, കുരുമുളക് തുടങ്ങിയ പ്രധാന വിളകളെല്ലാം ഭീഷണി നേരിടുന്ന ഈ സാഹചര്യത്തിൽ, ശാസ്ത്രീയമായ കൃഷിരീതികളും സർക്കാർ തലത്തിലുള്ള നയപരമായ ഇടപെടലുകളും സമന്വയിപ്പിച്ചുകൊണ്ടുള്ള ശക്തമായ മുന്നൊരുക്കങ്ങളും ജാഗ്രതയും കേരളത്തിന്റെ കാർഷിക മേഖലയെ സംരക്ഷിക്കാൻ അനിവാര്യമാണ്.

Content Highlights: Discover how the 2026 El Niño is impacting Kerala's monsoon and agriculture. essential adaptation strategies to protect crops.