• News
  • Views
  • Videos
  • Movies
  • Sports
  • Money
  • Women
  • Crime
  • Auto
  • Tech
  • Youth
More
  • News
  • Features
  • Social Media
  • Interview
  • Campus Pick

ഒറ്റക്കാലിൽ നെഞ്ചും വിരിച്ച് നിന്നപ്പോഴും അനീതിന്റെ മുഖത്ത് ആത്മവിശ്വാസമായിരുന്നു

Mar 15, 2019, 08:25 PM IST
A A A

ശരീരത്തിന്റെ ഭാരം ക്രമീകരിക്കുമ്പോള്‍ അത് കാലിനെയും സ്വാധീനിക്കും. കടുത്ത വേദന സഹിച്ചുതന്നെയാണ് പരിശീലനം തുടരുന്നത്.രാവിലെ രണ്ടുമണിക്കൂറും വൈകീട്ട് മൂന്ന് മണിക്കൂറുമാണ് പരിശീലന സമയം

# കെ. സതീഷ് ചന്ദ്രൻ
Aneeth
X

ഏഴുവര്‍ഷം മുന്‍പാണ് വിധി അപകടത്തിലൂടെ അനീതിന്റെ ജീവിതത്തെ മാറ്റിയത്. തന്റെ പുത്തന്‍ ബൈക്കില്‍ യാത്ര ചെയ്യുന്നതിനിടയില്‍ വെള്ളയമ്പലത്തിനടുത്ത് കാറിടിച്ച് അപകടമുണ്ടായി. ഇടതുകാലിനുണ്ടായ ഗുരുതരമായ പരിക്കില്‍ മുട്ടിനുമുകളില്‍ കാല്‍ മുറിച്ചുമാറ്റി.

23-ാം വയസ്സില്‍ കാല്‍ നഷ്ടപ്പെട്ടപ്പോള്‍ പെട്ടെന്നത് താങ്ങാനായില്ലെന്ന് ഈ ചെറുപ്പക്കാരന്‍ പറയുന്നു. എന്നാലിപ്പോള്‍ കഠിന പ്രയത്‌നത്തിലൂടെ ആഗ്രഹിച്ചതെല്ലാം ഒന്നിനുപിറകെ ഒന്നായി നേടിയതിന്റെ സന്തോഷം അനീത് തുറന്നുപറയുന്നു. മലയിന്‍കീഴ് ശാന്തുമ്മൂല നയനയില്‍ എസ്.എസ്.അനീത് (30) ബി.കോം. ബിരുദധാരിയാണ്. മൂന്നുവര്‍ഷം മുന്‍പ് പി.എസ്.സി. പരീക്ഷയില്‍ വിജയിച്ച് ജോലി നേടി. സംസ്ഥാന തൊഴില്‍ വകുപ്പില്‍ എല്‍.ഡി. ക്ലാര്‍ക്കായി തൊഴില്‍ഭവനില്‍ ജോലി ചെയ്യുന്നു.

ദീര്‍ഘകാലത്തെ പ്രണയം അപകടത്തിനുശേഷവും തുടര്‍ന്നു. രണ്ടരവര്‍ഷം മുന്‍പ് അഞ്ജു, അനീതിന്റെ ജീവിതസഖിയായി. ഒരുവര്‍ഷം മുന്‍പ് ആരംഭിച്ച കടുത്ത പരിശീലനത്തിനൊടുവിലാണ് അനീത് ഇപ്പോഴത്തെ വിജയം കരസ്ഥമാക്കിയത്. കേരള സ്റ്റേറ്റ് ബോഡി ബില്‍ഡിങ് അസോസിയേഷന്‍ അംഗപരിമിതര്‍ക്കായി നടത്തിയ ജില്ലാ, സംസ്ഥാനതല ശരീരസൗന്ദര്യ മത്സരത്തില്‍ അനീതിനായിരുന്നു ഒന്നാംസ്ഥാനം. ഇക്കഴിഞ്ഞ 10-ന് തൃശ്ശൂര്‍ വാടാനപ്പള്ളിയിലായിരുന്നു സംസ്ഥാനതല മത്സരം.

കഴിഞ്ഞ സിവില്‍ സര്‍വീസ് ബോഡി ബില്‍ഡിങ് മത്സരത്തില്‍ പങ്കെടുത്തുവെങ്കിലും അവസാന നിമിഷം അംഗപരിമിതര്‍ക്ക് മത്സരമില്ലെന്ന കാരണത്താല്‍ ഒഴിവാക്കി. ശരീര സൗന്ദര്യത്തിനുള്ള പരിശീലനം അനീതിനെ സംബന്ധിച്ച് കടുപ്പമേറിയതാണ്. രാവിലെ രണ്ടുമണിക്കൂറും വൈകീട്ട് മൂന്ന് മണിക്കൂറുമാണ് പരിശീലന സമയം. ശരീരത്തിന്റെ ഭാരം ക്രമീകരിക്കുമ്പോള്‍ അത് കാലിനെയും സ്വാധീനിക്കുമെന്ന് അനീത് പറയുന്നു. കടുത്ത വേദന സഹിച്ചുതന്നെയാണ് പരിശീലനം തുടരുന്നത്.

പരിശീലകന്‍ ആനന്ദ് പങ്കജിന്റെയും മലയിന്‍കീഴിലെ മസില്‍ഫാക്ടറിയെന്ന സ്ഥാപനത്തിന്റെയും പിന്തുണയാണിതിന് പിന്നിലെന്ന് അനീത്. 2012 ജൂണ്‍ 21-നായിരുന്നു അനീതിന് അപകടം സംഭവിച്ചത്. സ്വകാര്യ സ്ഥാപനത്തില്‍നിന്ന് രാത്രി ജോലികഴിഞ്ഞ് വരുമ്പോഴാണ് പെട്ടെന്നു തിരിഞ്ഞ കാറിടിച്ച് അപകടമുണ്ടായത്. കാറോടിച്ചിരുന്ന സ്ത്രീ ഇതുവരെ തന്നെ കാണാന്‍പോലും കൂട്ടാക്കിയില്ലെന്ന് അനീത് പറയുന്നു.

കെ.എസ്.ആര്‍.ടി.സി. ജീവനക്കാരനായിരുന്ന പരേതനായ സുരേന്ദ്രനാണ് അനീതിന്റെ അച്ഛന്‍. അമ്മ: ശശികല. സഹോദരന്‍: അനൂപ്. ശരീരസൗന്ദര്യ മത്സരത്തിനുള്ള തയ്യാറെടുപ്പില്‍ കൃത്യമായ സമയത്ത് നിയന്ത്രണത്തോടെയുള്ള ആഹാരക്രമം ആവശ്യമാണ്. ജോലിക്കിടയിലും ഇത് കൃത്യമായി നടക്കുന്നത് തന്റെ ഭാര്യയുടെ ശുഷ്‌ക്കാന്തിയാണെന്ന് അനീത് പറയുന്നു. രണ്ടര വര്‍ഷം മുന്‍പാണ് മങ്കാട്ടുകടവ് തൈവിള സ്വദേശിയായ അഞ്ജുവിനെ അനീത് വിവാഹം ചെയ്തത്. പരിമിതികളെ അതിജീവിച്ച് ശരീരസൗന്ദര്യ മത്സരത്തില്‍ ദേശീയ, അന്തര്‍ദേശീയ മത്സരങ്ങളില്‍ പങ്കെടുക്കണമെന്ന ദൃഢനിശ്ചയത്തിലാണ് ഈ ചെറുപ്പക്കാരന്‍.

Content Highlights: Inspiring Story Of Handicaped Aneeth Who Win On Body Building Competition

PRINT
EMAIL
COMMENT
Next Story

അമ്മയുടെ കഷ്ടപ്പാടിന്‍റെ വിലയറിഞ്ഞ് സന ഇനി ഡോക്ടറാവും

പുലാമന്തോള്‍: അയല്‍പക്കത്ത് വീട്ടുജോലി ചെയ്തും ഇടയ്ക്കുകിട്ടുന്ന തൊഴിലുറപ്പ് .. 

Read More
 
 
 
  • Tags :
    • Handicaped
    • Body Building Competition
    • Aneeth
More from this section
Sana Shobana
അമ്മയുടെ കഷ്ടപ്പാടിന്‍റെ വിലയറിഞ്ഞ് സന ഇനി ഡോക്ടറാവും
photoshoot
ആർക്കാണ് ഒരു ചെയ്ഞ്ച് ഇഷ്ടമല്ലാത്തത്, വൈറലായി എഴുപത്തിനാലുകാരന്റെ സ്റ്റൈലിഷ് ഫോട്ടോഷൂട്ട്
pratheesh
ഈ പുസ്തക സ്റ്റാൻഡുകൾക്കുണ്ട് ‌പ്രതീഷിന്റെ ജീവന്റെ വില
The Almirah
ഈ അലമാര നിറയെ ഞങ്ങളുടെ വികാരങ്ങളാണ്- 'ദി അല്‍മിറ' യുമായി ശര്‍മിള
Irshad
ഇനി കൂലിവേലയോട് വിട പറയാം, അടുത്തവർഷം ഇർഷാദ് ഡോക്ടറാവും
News+ Latest News Today's special Local News Gulf Crime Good News News in Pics News in Videos Kerala India World NRI
Views Columns Features Special Pages Interviews In-Depth Social Politics Web Exclusive Cartoon
Leisure Movies Sports Music Travel Books Magazines Kids Free E-book Game Zone Sudoku
Learn / Earn Money Auto Tech Careers Education Agriculture Youth Environment Science University News How To
Lifestyle Women Food MyHome Health Spirituality Astrology
Multimedia Videos Live TV Mojo News Web Shows Audio Photostories Zoom In Gallery
Our Network English Edition Print Gulf NRI Mathrubhumi News TV Kappa TV Club FM Seed Silver Bullet FindHome Media School MBIFL Redmic
E- Paper
Subscription
Buy Books
Magazines
Classifieds
Archives
 
  • E- Paper
  • Subscription
  • Buy Books
  • Magazines
  • Classifieds
  • Archives
© Copyright Mathrubhumi 2021. All rights reserved.
Mathrubhumi

Click on ‘Get News Alerts’ to get the latest news alerts from Mathrubhumi

About Us Contact Us Privacy Policy
Terms of Use Archives
Ad Tariff Download App Classifieds
Buy Books Subscription e-Subscription
 
         
© Copyright Mathrubhumi 2021. All rights reserved.