#MeeToo ല്‍ കുരുങ്ങിയവര്‍

 

ജതിന്‍ദാസ്
ജതിന്‍ദാസ്

ചിത്രകാരന്‍, പദ്മഭൂഷണ്‍ ജേതാവ് 

പ്രശസ്ത അഭിനേത്രിയും സംവിധായികയുമായ നന്ദിതാ ദാസിന്റെ പിതാവ്. പതിനാല് വര്‍ഷം മുന്‍പ് ജതിന്‍ദാസിന്റെ സ്റ്റുഡിയോയില്‍ വെച്ച് ലൈംഗികമായി അതിക്രമിച്ചൂവെന്ന ആരോപണവുമായി നിഷാ ബോറായെന്ന യുവതിയാണ് ആരോപണവുമായി എത്തിയത്. എന്നാല്‍ മീ ടൂ ക്യാമ്പിയിന്റെ വലിയ പിന്തുണക്കാരിയെന്ന നിലയില്‍ ആരോപണം ഉന്നയിച്ച യുവതിക്ക് പിന്തുണയുമായി നന്ദിതാദാസ് ഫെയിസ്ബുക്കില്‍ കുറിച്ചു. അതേ സമയം ആരോപണം ആഭാസകരമെന്നാണ് ആരോപണത്തിനെതിരേ ജതിന്‍ദാസിന്റെ പ്രതികരണം 
ഷാം കൗശല്‍
ഷാം കൗശല്‍

ബോളിവുഡ് സംഘട്ടന സംവിധായകന്‍ 

2006 ല്‍ ഒരു ചിത്രത്തിന്റെ ചിത്രീകരണത്തിനിടെ ലൈംഗികമായി അക്രമിക്കാന്‍ ശ്രമിച്ചൂവെന്നും അപമര്യാദയായി പെരുമാറിയുമെന്ന് ആരോപിച്ച് അസിസ്റ്റന്റ് ഡയറക്ടര്‍ നമീത പ്രകാശാണ് മീ ടൂ ക്യാമ്പയിനിലൂടെ രംഗത്തെത്തിയത്. എന്നാല്‍ താനെന്നും നല്ല മനുഷ്യനാകാണ് ശ്രമിച്ചിട്ടുള്ളതെന്നും ആരെയും വേദനിപ്പിക്കാന്‍ ആഗ്രഹിച്ചിട്ടില്ലെന്നും ആരെയെങ്കിലും വേദനിപ്പിച്ചിട്ടുണ്ടെങ്കില്‍ മാപ്പ് ചോദിക്കുന്നതായുമുള്ള പ്രതികരണമറിയിച്ച് ഇയാള്‍ രംഗത്തെത്തിയിരുന്നു. 
ഉത്സവ് ചക്രബര്‍ത്തി
ഉത്സവ് ചക്രബര്‍ത്തി

ഹാസ്യതാരം

ഇയാളുടെ നഗ്‌ന ചിത്രങ്ങള്‍ യുവതിക്ക് സാമൂഹിക മാധ്യമങ്ങളിലൂടെ അയച്ചെന്നും അവരുടെ ചിത്രങ്ങള്‍ ആവശ്യപ്പെട്ടന്നുമാണ് മീ ടൂ ക്യാമ്പയിനില്‍ പങ്കെടുത്ത് യുവതിയുടെ ആരോപണം. തുടര്‍ന്ന് ഇയാള്‍  ട്വിറ്ററീലൂടെ ക്ഷമാപണം നടത്തിയിരുന്നു. ഇതിനെത്തുടര്‍ന്ന് എ ഐ ബി ഇയാളുടെ വീഡിയോകള്‍ നീക്കം ചെയ്തു.

 
വിനോദ് ദുവാ
വിനോദ് ദുവാ

മാധ്യമപ്രവര്‍ത്തകന്‍

1998 ല്‍ അഭിമുഖത്തിനായി എത്തിയ തന്നോട് വിനോദ് ദുവ ലൈംഗികച്ചുവയോടെ സംസാരിച്ചൂവെന്നാണ് ചലച്ചിത്ര പ്രവര്‍ത്തകയായ നിഷിദ ജെയിന്‍ മീ ടൂ ക്യാമ്പയിനിലൂടെ ആരോപിച്ചത്്. ആരോപണത്തിനെതിരേ വിനോദ് ദുവാ പ്രതികരിച്ചിട്ടില്ല. എന്നാല്‍ പിതാവ് കുറ്റക്കാരനാണെങ്കില്‍ അത് ദുഖകരമാണെന്നും മീ ടൂ ക്യാമ്പയിനിന് എല്ലാ പിന്തുണയും നല്‍കുന്നെന്നും വ്യക്തമാക്കി വിനോദ് ദുവായുടെ മകള്‍ മല്ലിക ദുവാ പ്രതികരണവുമായെത്തിയിരുന്നു.  
വികാസ് ബാല്‍
വികാസ് ബാല്‍

ബോളിവുഡ് സംവിധായകന്‍

ബോളിവുഡ് താരം കങ്കണ റണാവത് ഇയാള്‍ക്കെതിരേ ലൈംഗികാരോപണം ഉന്നയിക്കുകയായിരുന്നു. ഇതിന് പിന്നാലെ സഹനടിയായ നയനി ദീക്ഷിത്തും മീ ടൂ ക്യാമ്പയിനില്‍ പങ്കെടുത്ത് ഇയാള്‍ക്കെതിരേ ആരോപണവുമായി എത്തിയത്. വികാസ് ബാല്‍ ലൈംഗികമായി സമീപിച്ചെന്നും തന്നോട് പലപ്പോഴും മോശമായിപ്പെരുമാറിയെന്നുമാണ് നയനിയുടെ ആരോപണം. ഇതേ തുടര്‍ന്ന് അടുത്ത ചിത്രമായ സുപ്പര്‍ 30യില്‍ നിന്നും ഹൃത്വിക് റോഷന്‍ പിന്മാറിയിരുന്നു. അതേ സമയം വികാസ് ബാല്‍ തനിക്കെതിരേ ഉയര്‍ന്ന ആരോപണങ്ങള്‍ നിഷേധിച്ചിട്ടുണ്ട്.
അലോക് നാഥ്
അലോക് നാഥ്

ചലച്ചിത്രതാരം 

പത്തൊമ്പത് വര്‍ഷം മുന്‍പ് തന്നെ മാനഭംഗപ്പെടുത്തിയെന്ന ആരോപണവുമായി തിരക്കഥാകൃത്തും സംവിധായകയുമായ വിന്റ നന്ദ രംഗത്തെത്തുകയായിരുന്നു. എന്നാല്‍ ഇവര്‍ക്കെതിരേ അലോക് നാഥ് മാനനഷ്ടകേസ് ഫയല്‍ ചെയ്തു. മാപ്പ് എഴുതി നല്‍കണമെന്നും ഒരു രൂപ നഷ്ടപരിഹാരമായി നല്‍കണമെന്നുമാണ് ഇയാള്‍ ആവശ്യപ്പെട്ടിരിക്കുന്നത്. 
അലന്‍സിയര്‍
അലന്‍സിയര്‍

മലയാള ചലച്ചിത്ര താരം

ആഭാസം എന്ന ചിത്രത്തിന്റെ  ലൊക്കേഷനില്‍ വെച്ച് ലൈംഗികാതിക്രമണം നേരിടുകയായിരുന്നെന്ന് വ്യക്തമാക്കി നടി ദിവ്യ ഗോപിനാഥ് പ്രാട്ടസ്റ്റിങ് ഇന്‍ഡ്യ എന്ന വെബ്്സൈറ്റില്‍ മീ ടൂ ക്യാമ്പയിനില്‍ പങ്കെടുത്തുകൊണ്ട് പ്രസിദ്ധപ്പെടുത്തിയിരുന്നു. എന്നാല്‍ പേരുവെളിപ്പെടുത്താതെയുള്ള ആരോപണം അടിസ്ഥാനമില്ലാത്തതാണെന്ന ആരോപണം ശക്തമായതോടെ ആരോപണമുന്നയിച്ച നടി താനാണെന്ന് വ്യക്തമാക്കി ഇവര്‍ ഫെയിസ്ബുക്ക് ലൈവില്‍ വെളിപ്പെടുത്തല്‍ നടത്തി. 
ചേതന്‍ഭഗത്
ചേതന്‍ഭഗത്

എഴുത്തുകാരന്‍ 

മീറ്റൂ ക്യാമ്പയിനിലൂടെ യുവതി പേര് വെളിപ്പെടുത്താതെ ചേതന്‍ഭഗതിനെതിരേ യുവതി ലൈംഗികാരോപണം ഉന്നയിച്ചിരുന്നു. ആരോപണം സത്യമാണെന്നും അതില്‍ ഖേദം പ്രകടിപ്പിക്കുന്നതായും വ്യക്തമാക്കിയിരുന്നു. എന്നാല്‍ കഴിഞ്ഞ ദിവസം തന്നെ അപമാനിക്കാനുള്ള ശ്രമമാണ് നടത്തുന്നതെന്ന് വ്യക്തമാക്കി ഇദ്ദേഹം ആരോപണം ഉന്നയിച്ച യോഗ പരിശീലക ഇറ ത്രിപാഡി 2013 ല്‍ അയച്ച ഇ-മെയില്‍ ട്വിറ്ററില്‍ പങ്കുവെച്ചു. 
ഗൗതം അധികാരി
ഗൗതം അധികാരി

മാധ്യമപ്രവര്‍ത്തകന്‍ 

ഡി എന്‍ യുടെ മുന്‍ എഡിറ്റര്‍ ഇന്‍ ചീഫ്.  ഇയാള്‍ക്കെതിരേ ഉയര്‍ന്ന ആരോപണങ്ങള്‍ നിഷേധിച്ചിരുന്നു. താന്‍ ജോലിയില്‍ നിന്ന് വിരമിച്ച് വര്‍ഷങ്ങള്‍ കഴിഞ്ഞെന്നും, ആരോപണത്തില്‍ പറയുന്ന തരത്തിലുള്ള സംഭവങ്ങള്‍ തന്റെ ഓര്‍മയില്‍ ഇല്ലെന്നുമാണ് ലൈംഗികാരോപണത്തെത്തുടര്‍ന്ന് പ്രതികരിച്ചത്.
കെ എസ് ശ്രീനിവാസ്
കെ എസ് ശ്രീനിവാസ്

മാധ്യമപ്രവര്‍ത്തകന്‍

ടൈംസ് ഓഫ് ഇന്‍ഡ്യ റെസിഡന്റ് എഡിറ്ററായിരുന്നു. മീ ടൂ ആരോപണത്തെത്തുടര്‍ന്ന് രാജി വെയ്ക്കുന്ന ആദ്യ മുതിര്‍ന്ന മാധ്യമപ്രവര്‍ത്തകനാണ് കെ എസ് ശ്രീനിവാസ്. ഏഴ് സ്ത്രീകളാണ് ലൈംഗികാരോപണവുമായി രംഗത്തെത്തിയിരിക്കുന്നത്. മാനസികമായി തങ്ങളെ തളര്‍ത്തുന്ന തരത്തിലുള്ള സന്ദേശങ്ങളും ചിഹ്നങ്ങളുമടക്കമാണ് ശ്രീനിവാസ അയച്ചിരുന്നതെന്നാണ് യുവതികളുടെ ആരോപണം. 
സി. ഗൗരിദാസന്‍ നായര്‍
സി. ഗൗരിദാസന്‍ നായര്‍

മാധ്യമപ്രവര്‍ത്തകന്‍

'ദ ഹിന്ദു' പത്രത്തിന്റെ കേരളത്തിലെ റസിഡന്റ് എഡിറ്റര്‍. ലൈംഗികാരോപണത്തെ തുടര്‍ന്ന് ഇയാള്‍ 
അവധിയില്‍ പ്രവേശിച്ചു. ഹിന്ദുസ്ഥാന്‍ ടൈംസിലെ സീനിയര്‍ അസിസ്റ്റന്റ് എഡിറ്റര്‍ യാമിനി നായരാണ് പേര് വെളിപ്പെടുത്താതെ മീ ടൂ ക്യാമ്പയിനില്‍ പങ്കെടുത്ത് ആരോപണം ഉന്നയിച്ചത്. 
പ്രശാന്ത് ഝാ
പ്രശാന്ത് ഝാ

മാധ്യമപ്രവര്‍ത്തകന്‍ 

ഹിന്ദുസ്ഥാന്‍ ടൈംസിന്റെ ബ്യൂറോ ചീഫായിരുന്നു. ലൈംഗികാതിക്രമണ ആരോപണത്തെ തുര്‍ന്ന് ബ്യൂറോ ചീഫ് സ്ഥാനം ഒഴിയുകയും റിപ്പോര്‍ട്ടറായി തുടരുകയും ചെയ്യുന്നു. ഇതേ സ്ഥാപനത്തിലെ തന്നെ മുന്‍ ഉദ്യോഗസ്ഥയാണ് ഇദ്ദേഹത്തിനേതിരേ മീ ടൂ ക്യാമ്പയിനിലൂടെ ആരോപണമുയര്‍ത്തിയത്. യുവതിയും പ്രശാന്ത് ഝായും തമ്മിലുള്ള വാട്സ് ആപ്പ് സന്ദേശങ്ങളുടെ സ്‌ക്രീന്‍ ഷോട്ടുകളടക്കമാണ് യുവതി ട്വറ്ററീലുടെ ക്യാമ്പയിനില്‍ പങ്കെടുത്തത്. 
എം.ജെ.അക്ബര്‍
എം.ജെ.അക്ബര്‍

കേന്ദ്ര ആഭ്യന്തര സഹമന്ത്രി

എം.ജെ.അക്ബറിനെതിരെ വിദേശ വനിതയടക്കം ഒരു ഡസനിലധികം സ്ത്രീകളാണ് മീ ടു ക്യാമ്പയിനിലൂടെ വെളിപ്പെടുത്തല്‍ നടത്തിയത്. മാധ്യമപ്രവര്‍ത്തകയായ പ്രിയാ രമണിയാണ് എം.ജെ.അക്ബറിനെതിരേ ആദ്യം ആരോപണവുമായി രംഗത്തെത്തിയത്. എന്നാല്‍ ആരോപണങ്ങള്‍ കെട്ടിച്ചമച്ചതാണെന്ന് വ്യക്തമാക്കി പ്രിയാരമണിക്കെതിരേ ഇയാള്‍ അപകീര്‍ത്തി കേസ് ഫയല്‍ ചെയ്തിരുന്നു. ഇപ്പോള്‍ അമ്പതിലധികം മാധ്യമപ്രവര്‍ത്തകരാണ് ഇയാള്‍ക്കെതിരേ ആരോപണവുമായി എത്തിയിരിക്കുന്നത്.

 

 

 

 

 

 

 

 

About Us Contact Us Archives
Privacy Policy Terms of Use Download App
Classifieds Feedback
Buy Books Subscription e-Subscription
         
© Copyright Mathrubhumi 2020. All rights reserved.