ആവശ്യമുള്ള സാധനങ്ങൾ

1. കടച്ചക്ക -1ചക്കയുടെ പകുതി
2. കടലമാവ്‌ -1കപ്പ്‌
3. അരിപ്പൊടി -2ടേബിൾ സ്പൂൺ
4. മഞ്ഞൾപ്പൊടി - കാൽ ടീസ്പൂൺ
5. മുളക്‌പൊടി -അര ടീസ്പൂൺ
6. അയമോദകം -ഒരു നുള്ള്‌
7. സോഡാപ്പൊടി -ഒരു നുള്ള്‌
8. ഉപ്പ്‌ -ആവശ്യത്തിന്‌
9. എണ്ണ -വറുക്കാൻ ആവശ്യത്തിന്‌ 

തയ്യാർ ചെയ്യുന്ന വിധം:

കടച്ചക്ക തൊലികളഞ്ഞ്‌ നാല്‌ ആയി മുറിച്ച്‌ നടുവിലത്തെ മൂക്ക്‌ കളഞ്ഞ്‌ കനം കുറച്ച്‌ അരിഞ്ഞ്‌ വെള്ളത്തിൽ കഴുകി കറകളഞ്ഞ്‌ ഉപ്പ്‌ പുരട്ടി വെയ്ക്കുക.

2മുതൽ 8വരെ ചേരുവകൾ ആവശ്യത്തിന്‌ വെള്ളം ചേർത്ത്‌ ഇഡ്ഡലി മാവ്‌ പരുവത്തിൽ മാവ്‌ തയ്യാറാക്കുക. ഈ മാവിൽ കടച്ചക്ക കഷ്ണങ്ങൾ ഒരാന്നായി മുക്കി എടുത്ത്‌ ചൂടായ എണ്ണയിൽ വറുത്ത കോരുക. ഇത്‌ നാല്‌ മണി കാപ്പിക്ക്‌ കൂടെ വിളമ്പാൻ വ്യത്യസ്തമായ സ്വാദുള്ള പലഹാരമാണ്‌.