25-ാം തീയതി മകന്റെ വിവാഹം, പണവും വസ്ത്രങ്ങളുമടക്കം ഉരുൾപൊട്ടലിൽ എല്ലാം നഷ്ടപ്പെട്ട് ഒരു കുടുംബം


അത്യാവശ്യ സാധനങ്ങൾ വാങ്ങാൻ കാഞ്ഞിരപ്പള്ളിക്ക് പോയതായിരുന്നു ജോസും കുടുംബവും. വിവരമറിഞ്ഞ് തിരിച്ചെത്തിയപ്പോഴേക്കും എല്ലാം പ്രളയമെടുത്തിരുന്നു.

ഉരുൾപൊട്ടലും മലവെള്ളപ്പാച്ചിലും കൂട്ടിക്കൽ എന്ന കൊച്ചുപട്ടണത്തെ എത്രമാത്രം ബാധിച്ചു എന്നറിയാൻ ചള്ളാവയലിൽ ജോസിന്റെ കുടുംബത്തിന്റെ അവസ്ഥ അറിഞ്ഞാല്‍ മതിയാവും. ഈ മാസം 21-ന് ​ഗൃഹപ്രവേശവും 25-ന് മൂത്ത മകന്റേയും നവംബറിൽ രണ്ടാമത്തെ മകന്റേയും വിവാഹവും നടക്കാനിരിക്കുകയായിരുന്നു. വിവാഹാവശ്യത്തിനായി സ്വരുക്കൂട്ടിയതെല്ലാം പ്രളയമെടുത്തു. ടൗണിൽത്തന്നെയുള്ള വീടിനോട് ചേർന്നാണ് ഒരു കടയും ന്യൂസ് പേപ്പർ ഏജൻസിയുമുണ്ടായിരുന്നത്. എല്ലാം നഷ്ടമായി.

അത്യാവശ്യ സാധനങ്ങൾ വാങ്ങാൻ കാഞ്ഞിരപ്പള്ളിക്ക് പോയതായിരുന്നു ജോസും കുടുംബവും. വിവരമറിഞ്ഞ് തിരിച്ചെത്തിയപ്പോഴേക്കും എല്ലാം പ്രളയമെടുത്തിരുന്നു. കയ്യിലുണ്ടായിരുന്ന അമ്പതിനായിരത്തോളം രൂപയടങ്ങിയ പഴ്സും ഇതിനിടയ്ക്ക് നഷ്ടമായി. ചടങ്ങുകൾക്കായി എല്ലാ ഒരുക്കങ്ങളും പൂർത്തിയാക്കിയപ്പോഴാണ് ഇങ്ങനെയൊരു ദുരവസ്ഥയുണ്ടായതെന്ന് ജോസിന്റെ ഭാര്യ പറഞ്ഞു.

വൻമല മൊത്തം ഇടിഞ്ഞുവന്നപ്പോൾ അച്ഛനും അമ്മയ്ക്കും ഒന്നും ചെയ്യാനായില്ലെന്ന് മകനും പറഞ്ഞു. രക്ഷപ്പെടാൻ തകർന്ന സാധനസാമ​ഗ്രികളുടെ മുകളിൽ കയറി നിൽക്കുകയായിരുന്നു അവർ. കരഞ്ഞുകൊണ്ടാണ് അവർ തന്നെ വിവരമറിയിച്ചതെന്നും അദ്ദേഹം പറഞ്ഞു.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


v muraleedharan

1 min

കേരളം കത്തുമ്പോള്‍ പിണറായി ചെണ്ടകൊട്ടി രസിച്ചു, ഒരുമഹാന്‍ കണ്ടെയ്‌നറില്‍ കിടന്നുറങ്ങി- വി മുരളീധരന്‍

Sep 24, 2022

Most Commented