വെട്ടുകല്ലിൽ തീർത്ത കണ്ണൂർ സെൻട്രൽ ജയിലിന്റെ കൂറ്റൻ മതിലുകൾ ഇനി ജീവൻ തുടിക്കുന്ന ചിത്രങ്ങൾ കൊണ്ടലംകൃതമാവും. ആരെയും ഭീതിപ്പെടുത്തുന്ന ഈ മതിലുകളുടെ സ്വഭാവം മാറ്റുകയാണ് ചിത്രങ്ങൾ വരയ്ക്കുന്നതിലൂടെ ലക്ഷ്യമിടുന്നത്.
തെയ്യങ്ങളും പ്രകൃതിയും മ്യൂറൽ ചിത്രങ്ങളും ഇനി സന്ദർശകരെ വരവേൽക്കും. ജയിൽ കവാടത്തിലെ മതിലുകളിലാണ് ഇപ്പോൾ ചിത്രങ്ങൾ വരയ്ക്കുന്നത്. തുടർന്ന് മറ്റുഭാഗങ്ങളിലും ചിത്രങ്ങൾ വരയ്ക്കാൻ പദ്ധതിയുണ്ട്.
അന്തേവാസികൾക്ക് നേരത്തെ ചിത്രരചനയിൽ പരിശീലനം നൽകിയിരുന്നു. ഇത് വൻ വിജയമായിരുന്നു. പരിശീലനം ലഭിച്ച് പുറത്തിറങ്ങിയവർ തൊഴിലായും ചിത്രരചന സ്വീകരിച്ചിട്ടുണ്ട്. ചുവർചിത്രകാരി കെ.ഇ. സുലോചനയുടെ നേതൃത്വത്തിലാണ് ചിത്രരചന.
