സീരിയലുകളിലും ഷോട്ട്ഫിലിമുകളിലുമൊക്കെ മുഖം കാണിച്ചിട്ടുണ്ടെങ്കിലും മാളക്കാരനായ സുരേഷേട്ടന്റെ ആഗ്രഹം ഒരു സിനിമയില്‍ അഭിനയിക്കണമെന്നാണ്. പ്രായം 63 ആയി. പക്ഷേ സിനിമാ മോഹം മനസിലൊതുക്കാതെ മകനോട് പറഞ്ഞു. തത്കാലം സിനിമ നടന്നില്ലെങ്കിലും ഒരു ഫോട്ട് ഷൂട്ട് നടത്താമെന്നായി മകന്‍.

അങ്ങനെ ചുള്ളന്‍ ചെക്കനായി നടത്തിയ ഫോട്ടോഷൂട്ട് ഇപ്പോള്‍ സാമൂഹ്യമാധ്യമങ്ങളില്‍ ശ്രദ്ധ നേടുകയാണ്. ചുരുട്ട് പിടിച്ചും ഹാമറെടുത്തുമെല്ലാം നില്‍ക്കുന്ന ചിത്രങ്ങള്‍ ഏറ്റെടുത്തിരിക്കുകയാണ് സാമൂഹ്യമാധ്യമങ്ങള്‍. തന്റെ ഫോട്ട് ഷൂട്ട് വിശേഷങ്ങള്‍ മാതൃഭൂമി ഡോട്ട് കോമുമായി പങ്കുവെക്കുകയാണ് സുരേഷട്ടന്‍.