ധൈര്യശാലിയെന്ന് സോഷ്യൽ മീഡിയ, കരടിയിൽ നിന്ന് അതിസാഹസികമായി നായയെ രക്ഷിച്ച് പതിനേഴുകാരി, 17 year old girl fights off a bear to save her dogs, San Gabriel Valley in California, viral video

03 June 2021, 07:44 AM IST

പ്രദേശത്തെ ഇടുങ്ങിയ മതിലിന് മുകളിലൂടെ രണ്ട് കുട്ടികളുമായി നടന്നുവരികയായിരുന്നു. പൊടുന്നനേയാണ് നാല് നായ്ക്കൾ കരടികൾക്ക് നേരെ ചാടി വീഴുന്നത്.

വളർത്തുനായ്ക്കളെ ഒരുപാട് വാത്സല്യത്തോടെ കാണുന്നവരാണ് നമ്മളിൽ പലരും. അവർക്ക് ഒരാപത്ത് വന്നാൽ ആരും കയ്യും കെട്ടി നോക്കി നിൽക്കാറില്ല. കാലിഫോർണിയയിലെ സാൻ ഗബ്രിയേൽ വാലിയിൽ നടന്ന ഒരു സംഭവത്തിന്റെ വീഡിയോ ഇപ്പോൾ സാമൂഹിക മാധ്യമങ്ങളിൽ വൈറലാണ്. ഭീമാകാരനായ ഒരു കരടിയിൽ നിന്നും തന്റെ വളർത്തുനായയെ രക്ഷിക്കുന്ന പതിനേഴുകാരിയാണ് ദൃശ്യത്തിലുള്ളത്.

തിങ്കളാഴ്ചയാണ് ഞെട്ടിക്കുന്ന സംഭവം നടന്നത്. പ്രദേശത്തെ ഇടുങ്ങിയ മതിലിന് മുകളിലൂടെ രണ്ട് കുട്ടികളുമായി നടന്നുവരികയായിരുന്നു. പൊടുന്നനേയാണ് നാല് നായ്ക്കൾ കരടികൾക്ക് നേരെ ചാടി വീഴുന്നത്. നായ്ക്കളുടെ കുരകേട്ട് കുട്ടിക്കരടികൾ മതിലിന് മുകളിലൂടെ തന്നെ പിന്തിരിഞ്ഞോടുന്നതും രണ്ട് നായ്ക്കൾ റോഡിലൂടെ അവയ്ക്ക് പിന്നാലെ പോവുകയും ചെയ്യുന്നു. ഈ സമയം അമ്മക്കരടി മതിലിന് മുകളിൽ നിന്നുകൊണ്ട് മറ്റൊരുനായയുമായി ഏറ്റുമുട്ടലിനൊരുങ്ങുകയുമായിരുന്നു.

ഈ സമയത്ത് ഓടിവരുന്ന പെൺകുട്ടി കൈകൊണ്ട് കരടിയെ മതിലിനപ്പുറത്തേക്ക് തള്ളിയിടുകയായിരുന്നു. പിന്നാലെ മറ്റുനായ്ക്കളെ പിന്തിരിപ്പിക്കുകയും കൂട്ടത്തിലെ ചെറിയെ നായയെ എടുത്തുകൊണ്ട് അതിവേഗത്തിൽ സുരക്ഷിതസ്ഥാനത്തേക്ക് തിരിഞ്ഞോടുകയും ചെയ്യുകയായിരുന്നു. പ്രദേശത്തെ ഒരു വീട്ടിൽ ഘടിപ്പിച്ചിരുന്ന സിസിടിവി ദൃശ്യങ്ങളാണ് ഇപ്പോൾ പുറത്തുവന്നിരിക്കുന്നത്.