തീവണ്ടിയില്‍ ഉടമസ്ഥനില്ലാത്ത ബാഗില്‍ നിന്ന് ലഭിച്ചത് തപാല്‍ സ്റ്റാമ്പുകളും ചരിത്രരേഖകളുടെ പകര്‍പ്പും

ആരെയും അതിശയിപ്പിക്കുന്ന തപാല്‍ സ്റ്റാമ്പുകളുടെയും ചരിത്ര രേഖകളുടെ പകര്‍പ്പുമായിരുന്നു ഉടമസ്ഥനില്ലാതെ പാലക്കാട് ജംഗ്ഷന്‍ റെയില്‍വേ സ്റ്റേഷനില്‍ കിടന്ന ആ ബാഗില്‍ ഉണ്ടായിരുന്നത്. മയക്കു മരുന്നുകളോ കുഴല്‍പ്പണമോ ആയിരിക്കും എന്ന് കരുതിയായിരുന്നു റെയില്‍വേ സംരക്ഷണ സേന ബാഗ് കസ്റ്റഡിയില്‍ എടുത്തത്. എന്നാല്‍ പരിശോധിച്ചപ്പോഴാണ് വിലപിടിപ്പുള്ള പുരാരേഖകളുടെ പകര്‍പ്പുകളും വിവിധ രാജ്യങ്ങളുടെ സ്റ്റാമ്പുകളും കാണുന്നത്. 1917-ല്‍ മഹാത്മാ ഗാന്ധിക്ക് ബ്രിട്ടീഷ് ഭരണാധികാരികള്‍ നല്‍കിയ ഉത്തരവുകളുടെ പകര്‍പ്പ് അടക്കം ഈ ബാഗില്‍ ഉണ്ട്. എന്നാല്‍ ഉടമസ്ഥനെ തിരിച്ചറിയുന്ന ഒരു രേഖയും ബാഗില്‍ ഇല്ലാത്തത് റെയില്‍വേ സംരക്ഷണ സേനയെ കുഴയ്ക്കുകയാണ്. ബറൗണി-എറണാകുളം എക്സ്പ്രസിലെ റിസര്‍വേഷന്‍ കോച്ചില്‍ നിന്നാണ് ഈ ബാഗ് ഉപേക്ഷിക്കപ്പെട്ട നിലയില്‍ കണ്ടെത്തിയത്. തപാല്‍ വകുപ്പിന്റെ പ്രദര്‍ശനങ്ങള്‍ക്കും മറ്റും പോകുന്ന ആരുടെയോ ആവും ബാഗ് എന്നാണു നിഗമനം. തെളിവുമായി വന്നാല്‍ ഇവ കൈമാറാന്‍ ഒരുക്കമാണെന്ന് റെയില്‍വേ സംരക്ഷണ സേന അറിയിച്ചു.

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Most Commented