സദ്യ വിളമ്പുന്നതിനിടെ ഉണ്ടായ തര്‍ക്കത്തെ ചൊല്ലി വിവാഹവേദിയില്‍ കൂട്ടത്തല്ല്. കൊല്ലം ആര്യങ്കാവില്‍ വധുവിന്റെയും വരന്റെയും കുടുംബങ്ങള്‍ തമ്മിലുണ്ടായ ഏറ്റുമുട്ടലില്‍ സ്ത്രീകളടക്കമുള്ളവര്‍ക്ക് പരിക്കേറ്റു. ആര്യങ്കാവ് പോലീസ് എത്തിയാണ് സംഘര്‍ഷം അവസാനിപ്പിച്ചത്.
മദ്യപിച്ച് വിവാഹത്തിനെത്തി സംഘര്‍ഷമുണ്ടാക്കിയ ഏഴുപേര്‍ക്കെതിരെ പോലീസ് കേസെടുത്തു. ബന്ധുക്കള്‍ തമ്മിലടിച്ചെങ്കിലും ആര്യങ്കാവ് സ്വദേശിനിയായ വധുവും കടയ്ക്കല്‍ സ്വദേശിയായ വരനും ഒന്നിച്ചു ജീവിക്കാന്‍ തീരുമാനിച്ച് വരന്റെ വീട്ടിലേക്ക് മടങ്ങി.
