മുഖ്യമന്ത്രിക്ക് കനത്തസുരക്ഷ; കരിങ്കൊടി വീശി യൂത്ത് കോൺഗ്രസ്, അഭിവാദ്യം അർപ്പിച്ച് ഇടതുപ്രവർത്തകർ, CM Calicut Visit, Aftermath of Gold smuggling Kerala

12 June 2022, 10:44 PM IST

മുഖ്യമന്ത്രിയുടെ ഞായറാഴ്ചത്തെ കോഴിക്കോട് സന്ദർശനത്തിൽ നഗരത്തിൽ കനത്ത സുരക്ഷയായിരുന്നു ഒരുക്കിയത്

വൻ പോലീസ് സന്നാഹത്തിനും സുരക്ഷയ്ക്കുമിടയിലും മുഖ്യമന്ത്രി പിണറായി വിജയനെതിരെ പ്രതിഷേധവുമായി യൂത്ത് കോൺഗ്രസ് പ്രവർത്തകരെത്തി. കോഴിക്കോട് സരോവരം റോഡിൽ പ്രവർത്തകർ മുഖ്യമന്ത്രിക്കുനേരേ കരിങ്കൊടി കാണിച്ചു. മുഖ്യമന്ത്രിയുടെ ഞായറാഴ്ചത്തെ കോഴിക്കോട് സന്ദർശനത്തിൽ നഗരത്തിൽ കനത്ത സുരക്ഷയായിരുന്നു ഒരുക്കിയത്. പന്തീരാങ്കാവിൽവെച്ച് യുവമോർച്ച പ്രവർത്തകർ കരിങ്കൊടി കാണിച്ചിരുന്നു.

ആദ്യ പരിപാടിക്കായി എരഞ്ഞിപ്പാലത്താണ് മുഖ്യമന്ത്രി എത്തിയത്. കാരപറമ്പിൽവെച്ച് യുവമോർച്ച പ്രവർത്തകരും എരഞ്ഞിപ്പാലത്ത് യൂത്ത് കോൺഗ്രസ്- കെ.എസ്.യു പ്രവർത്തകരും കരിങ്കൊടി കാണിച്ച് പ്രതിഷേധിച്ചു. പ്രതിഷേധിച്ചവരെ പോലീസ് കസ്റ്റഡിയിലെടുത്തു. കോഴിക്കോട് സഹകരണ ആശുപത്രിയിൽ മുഖ്യമന്ത്രിയുടെ പരിപാടി നടക്കുന്ന വേദിയിലേക്ക് എത്തിയ യുവ മോർച്ച പ്രവർത്തകനെ കസ്റ്റഡിയിൽ എടുത്തിരുന്നു.