ഇടുക്കിയില്‍ ലഹരി നിശാപാര്‍ട്ടി നടത്തിയ വാഗമണ്ണിലെ റിസോര്‍ട്ടില്‍ പൊലീസ് റെയ്ഡ്. അറുപതോളം പേരെ പൊലീസ് കസ്റ്റഡിയിലെടുത്തു. എല്‍.എസ്.ഡി സ്റ്റാംപ് ഉള്‍പ്പെടെയുള്ള ലഹരിവസ്തുക്കളും പിടികൂടി.
വാഗമണ്ണില്‍ നിശാപാര്‍ട്ടി നടക്കുന്നുവെന്ന രഹസ്യ വിവരം ജില്ലാ പോലീസ് മേധാവിക്ക് ലഭിച്ചിരുന്നു. നാര്‍ക്കോട്ടിക് സെല്ലിന്റെ നേതൃത്വത്തില്‍ രണ്ട് ദിവസമായി ക്ലിഫ് ഇന്‍ റിസോര്‍ട്ട് നിരീക്ഷണത്തിലായിരുന്നു.
വലിയ സംഘമായി ആളുകള്‍ റിസോര്‍ട്ടിലേക്ക് നീങ്ങുന്നത് ശ്രദ്ധയില്‍ പെട്ടതോടെയാണ് ഇന്നലെ രാത്രി പോലീസ് സംഘം റിസോര്‍ട്ടില്‍ റെയ്ഡ് നടത്തിയത്. അറുപതോളം പേര്‍ പാര്‍ട്ടിയില്‍ പങ്കെടുക്കാനായി എത്തിയതായി കണ്ടെത്തിയ പോലീസ് എല്ലാവരെയും കസ്റ്റഡിയിലെടുത്തു. ഇതില്‍ ഇരുപത്തഞ്ചോളം പേര്‍ സ്ത്രീകളാണ്.
സിപിഐ പ്രാദേശിക നേതാവിന്റെതാണ് റിസോര്‍ട്ട്. ഇവിടെ മുന്‍പും ലഹരി പാര്‍ട്ടി നടന്നിരുന്നതായി പോലീസിന് വിവരം ലഭിച്ചിരുന്നു. സിനിമാ സീരിയല്‍ രംഗവുമായി ബന്ധമുള്ളവരും പിടിയിലായതായി സൂചനയുണ്ട്.
RELATED STORIES
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=74dd70a&f=1x1&w=100&q=0.8)
.jpg?$p=8a7b7b1&q=0.8&f=16x11&w=104)
.jpg?$p=4df5a19&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..