മണ്ണ് ഇടിഞ്ഞുവീണ് വീട് തകർന്നു, കോഴിപ്പുരയും 100 കോഴികളും മണ്ണിനടിലായി, Landslide Thiruvananthapuram, Landslide Vembayam, Heavy Rain in Kerala, Rain Alert Kerala

17 October 2021, 11:34 AM IST

രാത്രിയിലായിരുന്നു സംഭവം. മണ്ണ് ഇടിയുന്ന ശബ്ദം കേട്ട നാട്ടുകാർ സംഭവ സ്ഥലത്തേയ്ക്ക് ഓടിയെത്തുകയും വീട്ടുകാരെ ബന്ധു വീട്ടിലേക്ക് മാറ്റി പാർപ്പിക്കുകയും ചെയ്തതിനാൽ വലിയ അപകടം ഒഴിവായി.

ശനിയാഴ്ചത്തെ കനത്ത മഴയിൽ തിരുവനന്തപുരം വട്ടപ്പാറ കണക്കോട് പതിനാറാം കല്ലിന് സമീപം മണ്ണിടിഞ്ഞുവീണ് വീട് തകർന്നു. സരസ്വതി വികാസത്തിൽ സുഭാഷിൻ്റെ വീടിനു മുകളിലേക്കാണ് മണ്ണിടിഞ്ഞു വീണത്. വീടിനു പുറകു വശത്തുണ്ടായിരുന്ന 50 അടിയിലേറെ ഉയരം ഉള്ള മൺതിട്ടയാണ് ഇടിഞ്ഞു വീണത്. അപകടത്തിൽ വീടിനു പുറകു വശം പൂർണ്ണമായും തകർന്നു.

സുഭാഷിൻ്റെ വീടിനോട് ചേർന്ന് ഉണ്ടായിരുന്ന കോഴിപ്പുരയും 100 കോഴികളും മണ്ണിനടിലായി. തൊട്ടടുത്ത കൃഷണപ്രഭയിൽ ശ്രീകലയുടെ വീട് അപകടാവസ്ഥയിലാകുകയും കിണർ ഇടിഞ്ഞ് താഴുകയും ചെയ്തു. രാത്രിയിലായിരുന്നു സംഭവം. മണ്ണ് ഇടിയുന്ന ശബ്ദം കേട്ട നാട്ടുകാർ സംഭവ സ്ഥലത്തേയ്ക്ക് ഓടിയെത്തുകയും വീട്ടുകാരെ ബന്ധു വീട്ടിലേക്ക് മാറ്റി പാർപ്പിക്കുകയും ചെയ്തതിനാൽ വലിയ അപകടം ഒഴിവായി.

ഇടിഞ്ഞു വീണ മണ്ണിന് മുകളിൽ ശ്രീകലയുടെ കുടുംബ വീട് അപകട നിലയിലാണ്. പഞ്ചായത്ത് അധികൃതർ സംഭവ സ്ഥലം സന്ദർശിച്ചു.