ചോദ്യം തുടങ്ങുമ്പോള്‍ മുഖ്യമന്ത്രി കടക്ക് പുറത്തെന്ന് പറയുന്ന സമീപനമാണ് മുഖ്യമന്ത്രിയുടേതെന്ന് എന്ന് കെ.എം ഷാജി എംഎല്‍എ. കോവിഡ് വ്യാപനത്തിന്റെ ഘട്ടംമുതല്‍ മുഖ്യമന്ത്രി നടത്തിയിരുന്ന പതിവു പത്രസമ്മേളനം വ്യാഴാഴ്ചയോടെ നിര്‍ത്തിയതിനെക്കുറിച്ച് പ്രതികരിക്കുകയായിരുന്നു കെഎം ഷാജി. പ്രതിപക്ഷ ആരോപണം ശക്തമാകുകയും സര്‍ക്കാര്‍ നടപടി വിവാദത്തിലാകുകയും ചെയ്ത ഘട്ടത്തിലാണ് മുഖ്യമന്ത്രിയുടെ പിന്മാറ്റം. മാതൃഭൂമി ന്യൂസ് സൂപ്പര്‍ പ്രൈം ടൈം ചര്‍ച്ചയില്‍ സംസാരിക്കുകയായിരുന്നു കെ.എം ഷാജി.
മുഖ്യമന്ത്രി പിണറായി വിജയനെ ഒരു പി.ആര്‍ ഗ്രൂപ്പ് മിനുക്കിയെടുത്ത് ആളുകളെ തെറ്റിദ്ധരിപ്പിക്കും വിധം അവതരിപ്പിക്കുകയാണ് ചെയ്യുന്നത്. ആ കൂട്ടില്‍ നിന്ന് മുഖ്യമന്ത്രി പുറത്ത് വരേണ്ടത് അനിവാര്യമാണ്. ചോദ്യങ്ങള്‍ വരാന്‍ തുടങ്ങിയപ്പോള്‍ മുഖ്യമന്ത്രി കടക്ക് പുറത്ത് എന്ന നിലപാടിലേക്ക് നീങ്ങുകയാണ്. സ്വാഭാവിക പരിണാമം ആണത്. ചോദ്യങ്ങള്‍ തുടങ്ങുമ്പോള്‍ അദ്ദേഹം പിന്‍മാറുന്നു. ഞാന്‍ പറയുന്നത് നിങ്ങള്‍ കേള്‍ക്കുക എന്ന സമീപനമാണ് മുഖ്യമന്ത്രിയുടേത്. ചോദ്യങ്ങള്‍ തുടങ്ങിയപ്പോള്‍ അദ്ദേഹം പത്ര സമ്മേളനവും നിര്‍ത്തി. ഇത് അദ്ദേഹത്തില്‍ നിന്ന് പ്രതീക്ഷിച്ചതാണെന്നും കെ.എം ഷാജി എം.എല്‍.എ പറഞ്ഞു
RELATED STORIES
.jpg?$p=a953eb2&f=1x1&w=100&q=0.8)
.jpg?$p=351d588&f=1x1&w=100&q=0.8)
IN CASE YOU MISSED IT
.jpg?$p=fad68fb&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..