പട്ടിക വന്നപ്പോൾ പ്രയാസമുണ്ടായി, പക്ഷേ മുണ്ഡനം ചെയ്യാന്‍ പോലും മുടിയില്ലാതായി - കെ.സി അബു, Kerala Assembly Election 2021, KC Abu, UDF Kerala Candidate List

16 March 2021, 02:53 PM IST

ഒരു ബാർബറോട് ചോദിച്ചപ്പോൾ അഞ്ചു വർഷം മുന്നേ ആയിരുന്നെങ്കിൽ നടന്നേനേ എന്നാണ് പറഞ്ഞത്. ബാർബർഷോപ്പുകാരൻ പോലും ഒഴിവാക്കിയിരിക്കുകയാണെന്നും സ്വതസിദ്ധമായ നര്‍മ്മത്തില്‍ അബു പറയുന്നു.

ഏറ്റവും കൂടുതല്‍ തവണ സ്ഥാനാര്‍ത്ഥി സാധ്യതാ പട്ടികയില്‍ വന്ന ആളാണ് പുതിയ കെ.പി.സി.സി വക്താവ് കെസി അബു. ഏറ്റവും ആദ്യം പട്ടികയില്‍ വെട്ടിമാറ്റുന്നതും തന്റെ പേരാണെന്നും അബു പറയുന്നു.

ഉത്സവപ്പറമ്പിൽ ചെണ്ടകൊട്ട് കേൾക്കുമ്പോൾ വെളിച്ചപ്പാടിന് ഉറഞ്ഞുതുള്ളാൻ തോന്നുന്നപോലെ ഓരോ തിരഞ്ഞെടുപ്പ് വരുമ്പോഴും ഞാൻ എന്റെ ബയോഡാറ്റ സമർപ്പിക്കും. സ്ഥാനാർത്ഥി പട്ടിക വന്നപ്പോൾ ചെറിയ പ്രയാസമൊക്കെയുണ്ടായി. പക്ഷേ ഇപ്പോഴത്തെ അവസ്ഥ എന്നുവെച്ചാൽ മുണ്ഡനം ചെയ്യാൻ തലയിൽ മുടിപോലുമില്ല എന്നതാണ്. ഒരു ബാർബറോട് ചോദിച്ചപ്പോൾ അഞ്ചു വർഷം മുന്നേ ആയിരുന്നെങ്കിൽ നടന്നേനേ എന്നാണ് പറഞ്ഞത്. ബാർബർഷോപ്പുകാരൻ പോലും ഒഴിവാക്കിയിരിക്കുകയാണെന്നും സ്വതസിദ്ധമായ നര്‍മ്മത്തില്‍ അബു പറയുന്നു.

ഇത്തവണ മാത്രമേ ഡെൽഹിയിൽ പോയിട്ടുള്ളൂ. ഇതോടുകൂടി ഒരു കാര്യം തീരുമാനിച്ചു, എന്റെ ബയോഡാറ്റ ഇനിയൊരാളേയും കാണിക്കില്ല എന്നും അദ്ദേഹം പറഞ്ഞു.