കാസര്‍കോട്ടെ ഏറ്റവും വലിയ പ്രചാരണ തുക കെ. സുരേന്ദ്രന്റേത്, K Surendran, Manjeswaram BJP Campaigning, BJP Kerala

10 June 2021, 07:51 AM IST

മഞ്ചേശ്വരത്ത് പത്രിക പിൻവലിക്കാൻ ബി.ജെ.പി കോഴ നൽകി എന്ന ആരോപണം കത്തിനിൽക്കുന്നതിനിടേയാണ് ഈ കണക്ക് പുറത്തുവന്നിരിക്കുന്നത്.

നിീയമസഭാ തിരഞ്ഞെടുപ്പിൽ കാസർകോട് ജില്ലയിൽ ഏറ്റവും കൂടുതൽ തുക ചിലവഴിച്ചത് കെ. സുരേന്ദ്രനെന്ന് കണക്കുകൾ. 23,75,445 രൂപയാണ് സുരേന്ദ്രന്റെ മഞ്ചേശ്വരത്തെ തിരഞ്ഞെടുപ്പ് ചിലവ്. കെ.സുരേന്ദ്രൻ തിരഞ്ഞെടുപ്പ് കമ്മീഷന് നൽകിയ അന്തിമ കണക്കാണിത്. മഞ്ചേശ്വരത്ത് പത്രിക പിൻവലിക്കാൻ ബി.ജെ.പി കോഴ നൽകി എന്ന ആരോപണം കത്തിനിൽക്കുന്നതിനിടേയാണ് ഈ കണക്ക് പുറത്തുവന്നിരിക്കുന്നത്. ആദ്യം ആറുലക്ഷത്തിൽ താഴെയുള്ള കണക്കാണ് അദ്ദേഹം സമർപ്പിച്ചിരുന്നത്. പാർട്ടി ഫണ്ടായി ലഭിച്ച 15 ലക്ഷം രൂപയും സ്വന്തം നിലയിൽ മുടക്കിയ 10500 രൂപയും തിരഞ്ഞെടുപ്പിന് വിനിയോഗിച്ചതായാണ് സുരേന്ദ്രന്റെ കണക്ക്.