ന്യൂഡല്‍ഹി: രാജ്യത്ത് കഴിഞ്ഞ 24 മണിക്കൂറില്‍ 380പേര്‍ മരിച്ചതോടെ ആകെ മരണം 9900 ആയി. 24 മണിക്കൂറില്‍ 10,667 പേര്‍ക്ക് രോഗം സ്ഥിരീകരിച്ചതോടെ രോഗബാധിതരുടെ എണ്ണം 3,43,091 ആയി. ഡല്‍ഹി ആരോഗ്യമന്ത്രി സത്യേന്ദ്ര ജയിനിനെ കോവിഡ് ലക്ഷണങ്ങള്‍ കണ്ടതിനെത്തുടര്‍ന്ന് ആശുപത്രിയില്‍ പ്രവേശിപ്പിച്ചു. ഇന്നലെ രാത്രി മുതലാണ് സത്യേന്ദ്ര ജയിനിന് കടുത്ത പനിയും രക്തത്തിലെ ഓക്‌സിജന്റെ അളവ് ക്രമാതിധമായി കുറയുന്ന അവസ്ഥയുമുണ്ടായത്.
ഇത്തരം ലക്ഷണങ്ങള്‍ ഉള്ളവര്‍ക്ക് കോവിഡ് ആണെന്ന പ്രാഥമിക വിലയിരുത്തലിലാണ് ഡല്‍ഹിയില്‍ ചികിത്സ നല്‍കുന്നത്. രാജീവ് ഗാന്ധി സൂപ്പര്‍ സ്‌പെഷ്യലിറ്റി ആശുപത്രിയിലാണ് ഇപ്പോള്‍ സത്യേന്ദ്ര ജയിനിനെ പ്രവേശിപ്പിച്ചിരിക്കുന്നത്. ആരോഗ്യനിലയില്‍ ആശങ്കപ്പെടേണ്ട കാര്യം ഇല്ലെന്നാണ് അധികൃതര്‍ വ്യക്തമാക്കിരിക്കുന്നത്. വൈകിട്ടോടു കൂടി പരിശോധന ഫലം ലഭിച്ചേക്കും. കോവിഡ് പോസിറ്റിവ് ആയാല്‍ ഉപമുഖ്യമന്ത്രി മനീഷ് സിസോദ്യ മുതല്‍ കേന്ദ്ര ആഭ്യന്തരമന്ത്രി അമിത് ഷാ വരെയുള്ളവര്‍ നിരീക്ഷണത്തില്‍ പോകേണ്ടിവരും.
RELATED STORIES
.jpg?$p=31e08d7&f=1x1&w=100&q=0.8)
IN CASE YOU MISSED IT
.jpg?$p=7505fce&q=0.8&f=16x11&w=104)
.jpg?$p=8b03612&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..