മലപ്പുറം കൊടിഞ്ഞിയില്‍ ക്വട്ടേഷന്‍ ഗുണ്ടകളും നാട്ടുകാരും തമ്മില്‍ സംഘര്‍ഷം. നാട്ടുകാരുമായി കൊമ്പുകോര്‍ത്ത ഗുണ്ടകളെ നാട്ടുകാര്‍ കൈകാര്യം ചെയ്തു. രണ്ട് ദിവസം മുമ്പായിരുന്നു സംഭവം.
കൊടിഞ്ഞിയിലെ സ്വകാര്യ സ്ഥാപനത്തിന്റെ ഉടമ തന്റെ വീടിന് കാവലായി നിര്‍ത്തിയിരുന്ന ഗുണ്ടകളെയാണ് നാട്ടുകാര്‍ കൈകാര്യം ചെയ്തത്. സ്വകാര്യ സ്ഥാപനത്തില്‍ പണം നിക്ഷേപിച്ചവരും ഉടമയും തമ്മില്‍ നേരത്തെ ചില തര്‍ക്കങ്ങളുണ്ടായിരുന്നു. നിക്ഷേപം നടത്തിയവര്‍ പണം തിരിച്ചുചോദിച്ച് തുടങ്ങിയതോടെ ഇവരെ നേരിടാനായാണ് ഉടമ ക്വട്ടേഷന്‍ സംഘത്തിന്റെ സഹായം തേടിയത്.
വീടിന് കാവല്‍നിന്നിരുന്ന ക്വട്ടേഷന്‍ സംഘം ഇതിനിടെ നാട്ടുകാരുമായി കൊമ്പുകോര്‍ത്തു. ഒരു യുവാവിനെ മര്‍ദിക്കുകയും ചെയ്തു. ഇതറിഞ്ഞെത്തിയ നാട്ടുകാരാണ് ഗുണ്ടകളെ കൈകാര്യം ചെയ്തത്. നാട്ടുകാര്‍ സംഘടിച്ചതോടെ ക്വട്ടേഷന്‍ സംഘത്തിലെ ചിലര്‍ ഓടിരക്ഷപ്പെട്ടു. ബാക്കിയുള്ളവരെ പോലീസെത്തി കസ്റ്റഡിയിലെടുത്തു. ഈ സംഭവങ്ങളുടെയെല്ലാം വീഡിയോ ദൃശ്യങ്ങളും പുറത്തുവന്നിട്ടുണ്ട്. അതിനിടെ, പിന്നീട് പ്രദേശത്ത് എത്തിയ ക്വട്ടേഷന്‍ സംഘം നാട്ടുകാരെ വെല്ലുവിളിക്കുന്ന ദൃശ്യങ്ങളും കഴിഞ്ഞദിവസം സാമൂഹികമാധ്യമങ്ങളില്‍ പ്രചരിച്ചിരുന്നു.
RELATED STORIES
IN CASE YOU MISSED IT
.jpg?$p=e1effa9&f=1x1&w=100&q=0.8)
.jpg?$p=7505fce&q=0.8&f=16x11&w=104)
.jpg?$p=8b03612&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..