ന്യൂഡല്‍ഹി: ചെറിയരോഗലക്ഷണം മാത്രം ഉള്ള കോവിഡ്-19 രോഗികളെ വീടുകളില്‍ തന്നെ ചികിത്സിക്കാന്‍ അനുമതി നല്‍കി കേന്ദ്ര സര്‍ക്കാര്‍ ഉത്തരവ്. ജില്ലാ മെഡിക്കല്‍ ഉദ്യോഗസ്ഥന്റെ മേല്‍നോട്ടത്തില്‍ ആയിരിക്കും വീട്ടിലെ ചികിത്സ. ആശുപത്രികളിലെ പരിമിതികള്‍ കാരണം ആണ് കേന്ദ്ര സര്‍ക്കാരിന്റെ പുതിയ തീരുമാനം. വൈറസ് സ്ഥിരീകരിക്കുന്നവരെ ഉടന്‍ ആശുപത്രിയിലേയ്ക്ക് മാറ്റണമെന്നാണ് കേന്ദ്രസര്‍ക്കാര്‍ നേരത്തേ പുറപ്പെടുവിച്ചിരുന്ന ഉത്തരവില്‍ പറഞ്ഞിരിക്കുന്നത്. എന്നാല്‍ വൈറസ് ബാധിതരുടെ എണ്ണം ദിനംപ്രതി വര്‍ധിക്കുന്നതിനാല്‍ കോവിഡിന്റെ ചെറിയ ലക്ഷണങ്ങള്‍ ഉള്ളവരെ വീടുകളില്‍ തന്നെ ചികിത്സിക്കാന്‍ ഉത്തരവിറക്കിയത്. വീടുകളില്‍ രോഗികള്‍ക്കും അവരുടെ കുടുംബാംഗങ്ങള്‍ക്കും സമ്പര്‍ക്കവിലക്കില്‍ കഴിയാനുള്ള സൗകര്യം ഉണ്ടായിരിക്കണം.
രോഗിയെ പരിചരിക്കാന്‍ 24 മണിക്കൂറും സഹായി ഉണ്ടായിരിക്കണം.സഹായിക്ക് നിരന്തരം ആശുപത്രിയുമായി ബന്ധപ്പെടാന്‍ കഴിയണം.പ്രൊട്ടോക്കോള്‍ പ്രകാരമുള്ള മരുന്നുകള്‍ രോഗിക്ക് പുറമേ സഹായിയും കഴിക്കണം എന്നും സര്‍ക്കുലറില്‍ വിശദീകരിച്ചിരിക്കുന്നു. വീടുകളില്‍ കഴിയുന്നതിനിടയില്‍ രോഗിക്ക് നെഞ്ചുവേദന, ശ്വാസംമുട്ടല്‍ എന്നിവ അനുഭവപ്പെട്ടാല്‍ ഉടന്‍ ആശുപത്രിയിലെ ഐസലേഷന്‍ വാര്‍ഡില്‍ എത്തണം എന്നും പറയുന്നു.
RELATED STORIES
.jpg?$p=aa62323&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=a3c1fa2&f=1x1&w=100&q=0.8)
.jpg?$p=d8cbf09&f=1x1&w=100&q=0.8)
IN CASE YOU MISSED IT
.jpg?$p=6a12f4a&f=1x1&w=100&q=0.8)
.jpg?$p=6837a57&q=0.8&f=16x11&w=104)
.jpg?$p=c0dff4c&q=0.8&f=16x11&w=104)
.jpg?$p=2922c1a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..