പുതിയ പെർമിറ്റ് നൽകരുത് | കോഴിക്കോട്ട് ഓട്ടോ സമരം, Auto Drivers protest in Kozhikode

16 November 2021, 11:46 AM IST

നഗരത്തിൽ ഓട്ടോറിക്ഷകൾക്ക് പുതിയ പെർമിറ്റ് നൽകുന്നതിൽ പ്രതിഷേധിച്ച് കോഴിക്കോട്ട് ഓട്ടോ തൊഴിലാളികളുടെ 24 മണിക്കൂർ പണിമുടക്ക്. ആവശ്യം ഉന്നയിച്ച് കൊണ്ട് കോഴിക്കോട് കെ.എസ്.ആർ.ടി.സി ടെർമിനലിന് മുന്നിൽ കഴിഞ്ഞ 16 ദിവസമായി തൊഴിലാളികൾ നിരാഹാരസമരം നടത്തുന്നുണ്ട്.

ഇവർക്ക് പിന്തുണ പ്രഖ്യാപിച്ച് കൊണ്ടാണ് പണിമുടക്ക്. ഇലക്ട്രിക്ക് ഓട്ടോകളും സി.എൻ.ജി. ഓട്ടോകളും നഗരത്തിൽ പുതിയതായി വരുമ്പോൾ സിസി പെർമിറ്റ് നൽകുന്നുണ്ടായിരുന്നു. ഇതാണ് മറ്റ് തൊഴിലാളികളെ പ്രകോപിപ്പിച്ചത്. എന്നാൽ കാലങ്ങളായി പെർമിറ്റ് കൈവശം വെച്ച് വലിയ വിലയ്ക്ക് മറിച്ച് വിൽക്കുന്നവരാണ് തങ്ങൾക്ക് എതിരെ വരുന്നത് എന്നാണ് ഇലക്ട്രിക്ക് - സി.എൻ.ജി. ഓട്ടോ തൊഴിലാളികൾ പറയുന്നത്.