സിനിമയുടെ വ്യാജപതിപ്പുകള്‍ക്കെതിരേ സംവിധായകന്‍ റഫീക്ക് സീലാട്ട്. അദ്ദേഹം സംവിധാനം ചെയ്ത ജാക്കി ഷെരീഫ് എന്ന ചിത്രം ഏതാനും ദിവസങ്ങള്‍ക്ക് മുന്‍പാണ് ഒടിടി പ്ലാറ്റ്‌ഫോമില്‍ റിലീസ് ചെയ്തത്. തൊട്ടുപിന്നാലെ ചിത്രത്തിന്റെ വ്യാജ പതിപ്പ് ടെലിഗ്രം അടക്കമുള്ള ഓണ്‍ലൈന്‍ പ്ലാറ്റ്‌ഫോമുകളില്‍ ലഭ്യമായി. ഇത് കനത്ത തിരിച്ചടിയായി മാറിയെന്ന് റഫീക്ക് സീലാട്ട് മാതൃഭൂമി ഡോട്ട്‌ കോമിന് നല്‍കിയ അഭിമുഖത്തില്‍ പറഞ്ഞു. ചെറിയ ചിത്രങ്ങളുമായി വരുന്ന തങ്ങളെപ്പോലുള്ളവര്‍ക്ക് ഇതിനെ അതിജീവിക്കാന്‍ സാധിക്കില്ലെന്നും അദ്ദേഹം വ്യക്തമാക്കുന്നു.