വയനാട് വന്യജീവി സങ്കേതം: ആവാസവ്യവസ്ഥയ്ക്ക് അധിനിവേശ മത്സ്യങ്ങളും ഭീഷണിയാവുന്നു


ജില്ലയിലെ പുഴകളിലും തോടുകളിലും ആഫ്രിക്കന്‍ മുഷികളുടെ സാന്നിധ്യം നേരത്തെയുണ്ടായിരുന്നെങ്കിലും ആദ്യമായാണ് വനത്തിനുള്ളിലെ ജലാശയങ്ങളില്‍ ഇവയുടെ സാന്നിധ്യം റിപ്പോര്‍ട്ട് ചെയ്യുന്നത്.

കുളത്തിൽ നിന്നും ആഫ്രിക്കൻ മുഷിയെ നീക്കം ചെയ്യുന്നു

സുല്‍ത്താന്‍ബത്തേരി: അധിനിവേശ സസ്യങ്ങള്‍ക്ക് പിന്നാലെ അധിനിവേശ മത്സ്യങ്ങളും വയനാട് വന്യജീവി സങ്കേതത്തിലെ ആവാസവ്യവസ്ഥയ്ക്ക് ഭീഷണിയാകുന്നു.

കേരളത്തില്‍ നിരോധിച്ചിട്ടുള്ള ആഫ്രിക്കന്‍ മുഷികളാണ് വന്യജീവി സങ്കേതത്തിലെ ജലാശയങ്ങളില്‍ നിറഞ്ഞിരിക്കുന്നത്. ജില്ലയിലെ പുഴകളിലും തോടുകളിലും ആഫ്രിക്കന്‍ മുഷികളുടെ സാന്നിധ്യം നേരത്തെയുണ്ടായിരുന്നെങ്കിലും ആദ്യമായാണ് വനത്തിനുള്ളിലെ ജലാശയങ്ങളില്‍ ഇവയുടെ സാന്നിധ്യം റിപ്പോര്‍ട്ട് ചെയ്യുന്നത്.

വന്യജീവി സങ്കേതത്തിലെ തദ്ദേശീയമായ മത്സ്യ സമ്പത്തിനെക്കുറിച്ച് പഠിക്കാനൊരുങ്ങിയപ്പോഴാണ് മുത്തങ്ങ വനത്തിനുള്ളിലെ കുളങ്ങളില്‍ ആഫ്രിക്കന്‍ മുഷികളുണ്ടെന്ന് ആദിവാസികളില്‍നിന്ന് വനംവകുപ്പ് ഉദ്യോഗസ്ഥര്‍ക്ക് വിവരം ലഭിച്ചത്. തുടര്‍ന്ന് നടത്തിയ പരിശോധനയില്‍ മുത്തങ്ങ റെയ്ഞ്ചിലെ രണ്ടു കുളങ്ങളില്‍നിന്നായി നല്ല തൂക്കമുള്ള 73 ആഫ്രിക്കന്‍ മുഷികളെ പിടികൂടി. ഇതോടെ മറ്റ് ജലസ്രോതസുകളിലും പരിശോധന നടത്തി, ഇവയെ ഉന്‍മൂലനം ചെയ്യാന്‍ വനംവകുപ്പ് അധികൃതര്‍ തീരുമാനിച്ചിട്ടുണ്ട്. വന്യജീവി സങ്കേതത്തിലെ മുത്തങ്ങ, കുറിച്യാട്, ബത്തേരി, തോല്‍പ്പെട്ടി റെയ്ഞ്ചുകളിലായി തടയണകളടക്കം 217 സ്വാഭാവിക ജലസ്രോതസുകളാണുള്ളത്. കഴിഞ്ഞ രണ്ടു തവണയുണ്ടായ പ്രളയസമയത്തായിരിക്കാം ആഫ്രിക്കന്‍ മുഷികള്‍ വന്യജീവി സങ്കേതത്തിലെ ജലസ്രോതസുകളിലേക്ക് എത്തിയതെന്നാണ് ഉദ്യോഗസ്ഥരുടെ നിഗമനം.

ചെറുമത്സ്യങ്ങളെയും ജലജീവികളെയും കൊന്നൊടുക്കുന്ന ആഫ്രിക്കന്‍ മുഷികള്‍ വനത്തിനുള്ളിലെ കുളങ്ങളിലും വെള്ളക്കെട്ടുകളിലുമുണ്ടായിരുന്ന നാടന്‍ മത്സ്യങ്ങള്‍ക്കും ജലജീവികള്‍ക്കും ഭീഷണിയാണ്.

പരിസ്ഥിതിക്കും ആവാസ വ്യവസ്ഥയ്ക്കും നാശംവിതയ്ക്കുന്ന ആഫ്രിക്കന്‍ മുഷിയെ സംസ്ഥാനത്തേക്ക് കൊണ്ടുവരുന്നതും വളര്‍ത്തുന്നതും വര്‍ഷങ്ങള്‍ക്ക് മുമ്പേ നിരോധിച്ചിട്ടുള്ളതാണ്.

Content Highlights: Wayanad wildlife sanctuary facing threats

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
pinarayi karnival

1 min

മുഖ്യമന്ത്രിയുടെ വാഹന വ്യൂഹത്തിലേക്ക് പുതിയ കാര്‍ വാങ്ങുന്നു; കിയ കാര്‍ണിവല്‍, വില 33.31 ലക്ഷം

Jun 25, 2022


satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


after rock bottom finally Aussie cricketers win Lankan hearts

3 min

1996 ലോകകപ്പ് ബഹിഷ്‌കരണവും മുരളിക്കേറ്റ അപമാനവുമെല്ലാം മറന്നു, ലങ്കയുടെ മനസ് കീഴടക്കി ഓസ്‌ട്രേലിയ

Jun 25, 2022

Most Commented