വിനോബഭാവെയുടെ യാത്രാരേഖകള്‍ നിറഞ്ഞ മ്യൂസിയം; സന്ദര്‍ശകരെ കാത്ത് വിനോബ നികേതന്‍


ഭൂദാനപ്രസ്ഥാനത്തിന്റെ പ്രചാരണാര്‍ഥം വിനോബഭാവെ നടത്തിയ യാത്രകളുടെ ചിത്രങ്ങളാണ് മ്യൂസിയത്തിലെ പ്രധാന ആകര്‍ഷണം.

വിനോബ നികേതൻ ആശ്രമത്തിലെ മ്യൂസിയം

വിതുര: കോവിഡ് കാലം കഴിയാന്‍ കാത്തിരിക്കുകയാണ് മലയടി വിനോബനികേതനിലെ പുരാവസ്തു മ്യൂസിയം. ഭൂദാനപ്രസ്ഥാനത്തിന്റെ സ്ഥാപകന്‍ ആചാര്യ വിനോബഭാവെയുടെ സ്മരണയിലാണ് ആശ്രമത്തിന്റെയും മ്യൂസിയത്തിന്റെയും പ്രവര്‍ത്തനം. ആചാര്യയുടെ പ്രിയശിഷ്യ പരിവ്രാജക രാജമ്മയുടെ മേല്‍നോട്ടത്തിലാണ് മ്യൂസിയം. ഭൂദാനപ്രസ്ഥാനത്തിന്റെ പ്രചാരണാര്‍ഥം വിനോബഭാവെ നടത്തിയ യാത്രകളുടെ ചിത്രങ്ങളാണ് മ്യൂസിയത്തിലെ പ്രധാന ആകര്‍ഷണം. ഇന്ത്യയൊട്ടാകെ 11000 കിലോമീറ്റര്‍ യാത്രാരേഖകള്‍ സന്ദര്‍ശകരെ ഏറെ ആകര്‍ഷിക്കുന്നു. ഭരണാധികാരികളും ആധ്യാത്മിക നേതാക്കളുമുള്‍പ്പെടെയുള്ളവര്‍ ആശ്രമത്തില്‍ നടത്തിയ സന്ദര്‍ശനങ്ങളുടെ ചിത്രങ്ങളുടെ വലിയ ശേഖരവും ഇവിടെ കാണാം. ഗാന്ധിജി ഉപയോഗിച്ചിരുന്ന വസ്തുക്കളുടെ ശേഖരമാണ് മറ്റൊരു കാഴ്ച.

അദ്ദേഹത്തിന്റെ വസ്ത്രങ്ങള്‍, ക്യാമറ, ചെരുപ്പ്, ഡയറി തുടങ്ങിയവ ഇക്കൂട്ടത്തിലുണ്ട്. യാത്രകളിലുപയോഗിച്ചിരുന്ന ചെറിയ ചര്‍ക്കകള്‍, പ്രാര്‍ഥനാസദസ്സുകളില്‍ കൂട്ടായിരുന്ന കരതാളം, ദില്‍റുബാ തുടങ്ങിയ വാദ്യോപകരണങ്ങളും മ്യൂസിയത്തിലുണ്ട്. സ്ഥിരമായുപയോഗിച്ചിരുന്നതു കേടാകുമ്പോള്‍ താത്കാലികമായി ഉപയോഗിച്ചിരുന്ന വാച്ചും സന്ദര്‍ശകരെ ആകര്‍ഷിക്കുന്നു. കേന്ദ്ര മന്ത്രിയായിരുന്ന സുശീല നയ്യാരില്‍ നിന്ന് പരിവ്രാജക ഏറ്റുവാങ്ങിയ ഗാന്ധിജിയുടെ ചിതാഭസ്മവും മ്യൂസിയത്തില്‍ സൂക്ഷിക്കുന്നുണ്ട്. ആചാര്യ വിനോബഭാവെ ഉപയോഗിച്ചിരുന്ന വസ്തുക്കളും ആശ്രമശേഖരത്തിലുണ്ട്. യാത്രകളിലുപയോഗിച്ചിരുന്ന പാത്രങ്ങള്‍, വസ്ത്രങ്ങള്‍ എന്നിവ ഇക്കൂട്ടത്തിലുണ്ട്. വായിച്ചിരുന്ന വിഷ്ണുസഹസ്രനാമം, രചിച്ച ഗീതാപ്രവചനങ്ങള്‍ എന്നിവയും സൂക്ഷിച്ചിരിക്കുന്നു. അദ്ദേഹം പതിവായി ധരിച്ചിരുന്ന കറുത്തകണ്ണട ഏറെപ്പേരെ ആകര്‍ഷിക്കുന്നു. വിപുലമായ പുസ്തകശേഖരവും മ്യൂസിയത്തിലൊരുക്കിയിട്ടുണ്ട്.

vinobha nikethan
വിനോബഭാവെ ഉപയോഗിച്ചിരുന്ന വസ്തുക്കൾ മ്യൂസിയത്തിൽ സൂക്ഷിച്ചിരിക്കുന്നു

വിവിധ ഭാഷകളിലായി 20,000 ത്തിലധികം പുസ്തകങ്ങള്‍ ഇവിടെയുണ്ട്. നൂറ്റാണ്ടു പഴക്കമുള്ള താളിയോല ഗ്രന്ഥങ്ങളും കൂട്ടത്തില്‍ കാണാം. മാതൃഭൂമി ഉള്‍പ്പെടെയുള്ള ആഴ്ചപ്പതിപ്പുകളുടെ പഴയ കോപ്പികളും ശേഖരത്തിലുണ്ട്. 1967ല്‍ ഗ്രാമ വിദ്യാലയമായി തുടങ്ങിയ കെട്ടിടം 92 മുതലാണ് മ്യൂസിയമായി മാറിയത്. നിരവധി വിശിഷ്ട വ്യക്തികള്‍ സന്ദര്‍ശനം നടത്തി. 2005 ല്‍ അന്നത്തെ പ്രധാനമന്ത്രി ഡോ.മന്‍മോഹന്‍സിങ് ആശ്രമവും മ്യൂസിയവും സന്ദര്‍ശിച്ചിരുന്നു. ദേശീയനേതാക്കള്‍, സാമൂഹ്യ പ്രവര്‍ത്തകര്‍ തുടങ്ങി സാധാരണ ജനങ്ങളുള്‍പ്പെടെ സന്ദര്‍ശകര്‍ ഏറെയാണ്. വിവിധ സ്‌കൂളുകളില്‍ നിന്നുമുള്ള വിദ്യാര്‍ഥികള്‍ മ്യൂസിയം സന്ദര്‍ശിക്കാനെത്തുന്നതു പതിവാണ്. പ്രൈമറി വിഭാഗം വരെ പ്രവേശനം സൗജന്യം. ഹൈസ്‌കൂള്‍ തലം മുതല്‍ ഒരാള്‍ക്ക് 10 രൂപയാണ് പ്രവേശന ഫീസ്. മലയോരമേഖലക്ക് അഭിമാനമായ വിനോബനികേതനിലെ പുരാവസ്തു മ്യൂസിയം ആചാര്യവിനോബഭാവെ നട്ട മാവിന്റെ തണലില്‍ തലയുയര്‍ത്തി നില്‍ക്കുന്നു.

Content highlights : vinobha nikethan historical museum waiting for visitors with many attarctive things

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Modi, Shah

9 min

മോദി 2024-ൽ വീണ്ടും ബി.ജെ.പിയെ നയിക്കുമ്പോൾ | വഴിപോക്കൻ

Aug 6, 2022


08:52

ഒറ്റ രാത്രിയില്‍ രജീഷിന് നഷ്ടം 40 ലക്ഷം; ഒലിച്ചുപോയത് നാലേക്കര്‍ പൈനാപ്പിള്‍ തോട്ടം

Aug 5, 2022


04:08

എന്താണ് ലോൺ ബോൾസ്? കോമണ്‍വെല്‍ത്ത് ഗെയിംസില്‍ ഇന്ത്യ സ്വര്‍ണമണിഞ്ഞ ലോണ്‍ ബോള്‍സിനെ കുറിച്ച് അറിയാം..

Aug 6, 2022

Most Commented