ഇടവേളയ്ക്ക് അറുതി; രണ്ടുവർഷത്തിന് ശേഷം വിയറ്റ്നാമിലെ ഏറ്റവും വലിയ ദ്വീപിൽ സഞ്ചാരികളെത്തി


രാജ്യത്തെത്തിയ സമയത്ത് നടത്തിയ പരിശോധനയിൽ നെ​ഗറ്റീവ് ഫലം ലഭിച്ച സഞ്ചാരികൾക്ക് ദ്വീപിലെ എല്ലാ വിനോദങ്ങളിലും ഏർപ്പെടാം.

ഫു ക്വോക്ക് ദ്വീപിലെത്തിയ ദമ്പതിമാരായ വിനോദസഞ്ചാരികൾ സെൽഫിയെടുക്കുന്നു | ഫോട്ടോ: എ.പി

ഹാനോയി: രണ്ടുവർഷത്തെ ഇടവേളയ്ക്ക് ശേഷം വിയറ്റ്നാമിലെ ഏറ്റവും വലിയ ദ്വീപായ ഫു ക്വോക്ക് ദ്വീപിൽ വിനോദസഞ്ചാരികളെത്തി. കോവിഡ് മൂലം അടച്ചിട്ട ദ്വീപിലേക്ക് 200-ഓളം സഞ്ചാരികളാണ് ശനിയാഴ്ചയെത്തിയത്. തെക്കൻ കൊറിയയിൽ നിന്നെത്തിയ വാക്സിൻ നടപടികൾ പൂർത്തിയാക്കിയ സഞ്ചാരികളാണ് ദ്വീപിലെത്തിയത്. ഇവർക്ക് 14 ദിവസത്തെ ക്വാറന്റൈൻ ആവശ്യമില്ല. രാജ്യത്തെത്തിയ സമയത്ത് നടത്തിയ പരിശോധനയിൽ നെ​ഗറ്റീവ് ഫലം ലഭിച്ച സഞ്ചാരികൾക്ക് ദ്വീപിലെ എല്ലാ വിനോദങ്ങളിലും ഏർപ്പെടാം.

വിയറ്റ്നാം ടൂറിസ്റ്റ് അഡ്മിനിസ്ട്രേഷൻ ചെയർമാൻ ​ഗുയെൻ ട്രങ് ഖാൻ സഞ്ചാരികളെ വിമാനത്താവളത്തിൽ സ്വീകരിച്ചു. വിനോദസഞ്ചാരകേന്ദ്രങ്ങൾ തുറക്കുന്നത് രാജ്യത്തിന്റെ വിനോദസഞ്ചാര മേഖലയെ പുനരുജ്ജീവിപ്പിക്കുന്നതിന്റെ ഭാ​ഗമായിട്ടാണെന്ന് അദ്ദേഹം പറഞ്ഞു. ആരോ​ഗ്യമന്ത്രാലയത്തിന്റെ കണക്കനുസരിച്ച് മേഖലയിൽ പ്രവർത്തിക്കുന്നവരും ദ്വീപിലെ 99 ശതമാനം മുതിർന്ന താമസക്കാരും എല്ലാ ഡോസ് വാക്സിനുമെടുത്തതാണ്. അടുത്തമാസത്തോടെ 12-നും 17നും ഇടയിൽ പ്രായമുള്ളവർക്ക് അടുത്തമാസം മുതൽ വാക്സിൻ നൽകാൻ അധികൃതർക്ക് പദ്ധതിയുണ്ട്.

2020-ൽ ആദ്യ കോവിഡ് കേസ് റിപ്പോർട്ട് ചെയ്യപ്പെട്ടപ്പോൾത്തന്നെ രാജ്യം അടച്ചുപൂട്ടിയിരുന്നു. അന്നുമുതൽ ഏതാനും അന്താരാഷ്ട്ര വിമാനങ്ങൾക്ക് മാത്രമേ രാജ്യത്തിനകത്തേക്ക് വരാൻ അനുവാദമുണ്ടായിരുന്നുള്ളു. നയതന്ത്രജ്ഞർ, വിയറ്റ്നാമിലേക്ക് തിരിച്ച് വരുന്ന തദ്ദേശീയർ എന്നിവരായിരുന്നു അതിലുണ്ടായിരുന്നത്. ഇവർ നിയുക്ത ഹോട്ടലുകളിലോ സർക്കാർ നടത്തുന്ന സൗകര്യങ്ങൾ ഉപയോ​ഗിച്ചോ നിർബന്ധമായും 14 ദിവസത്തെ ക്വാറന്റൈനിൽ കഴിയണമായിരുന്നു.

വാക്സിൻ ഡോസുകൾ പൂർത്തിയാക്കിയ സഞ്ചാരികൾക്കായി പൂർണ്ണമായി തുറന്ന് തുടങ്ങുന്ന ഏറ്റവും പുതിയ ഏഷ്യൻ രാഷ്ട്രമാണ് വിയറ്റ്നാം.

Content Highlights: Vietnam welcomes tourists to resort island after two years, Phu Quoc island


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented