മനോഹര കാഴ്ചകളിലേക്ക് മിഴിതുറന്ന് വേയപ്പാറ മലനിരകള്‍; ടൂറിസം കേന്ദ്രമാക്കുമെന്ന പ്രതീക്ഷയില്‍ നാട്


വേയപ്പാറ ഇക്കോ ടൂറിസം സെന്ററായി വളര്‍ത്തിയെടുത്താല്‍ ഗ്രാമീണ ടൂറിസത്തിന്റെ വളര്‍ച്ചയ്ക്ക് എറെ സഹായകമാകും.

വേയപ്പാറയുടെ മുകളിൽനിന്നുള്ള കാഴ്ച

പേരാമ്പ്ര: വേനലിലും വേയപ്പാറയിലെത്തിയാൽ ചുട്ടുപൊള്ളാതെ നല്ല തണുത്ത കാറ്റ് കിട്ടും. ചുറ്റും മലനിരകളുടെ മനോഹരമായ കാഴ്ച. സമുദ്രനിരപ്പിൽനിന്നും 300 മീറ്ററിലധികം ഉയർന്ന പ്രദേശമാണിത്.

മൂന്നുവശങ്ങളും ചെങ്കുത്തായ ചരിവോട് കൂടിയ ഭൂപ്രകൃതി. കൊയിലാണ്ടി ബീച്ച്, തിക്കോടി ലൈറ്റ് ഹൗസ്, വയനാടൻ മലനിരകൾ, കക്കയം മലനിരകൾ എന്നിവയൊക്കെ പാറയുടെ മുകളിൽ നിന്ന് ദൂരക്കാഴ്ചയായി കാണാം.

വേയപ്പാറ ഇക്കോ ടൂറിസം സെന്ററായി വളർത്തിയെടുത്താൽ ഗ്രാമീണ ടൂറിസത്തിന്റെ വളർച്ചയ്ക്ക് എറെ സഹായകമാകും. പുതിയ വരുമാന സാധ്യതകളും തുറക്കും.

ഇക്കോ ടൂറിസം സാധ്യതയേറെ

കോട്ടൂർ ഗ്രാമപ്പഞ്ചായത്തിലെ ഒന്ന്, രണ്ട് വാർഡുകളിലായി സ്ഥിതിചെയ്യുന്ന വേയപ്പാറ, കായണ്ണ, നൊച്ചാട് പഞ്ചായത്തുകൾ അതിർത്തിപങ്കിടുന്ന മേഖലയാണ്. ചെങ്ങോട് മലയുടെ പടിഞ്ഞാറെ ഭാഗം. ജൈവവൈവിധ്യം നിറഞ്ഞ മേഖല. ഉദയാസ്തമയങ്ങൾ വീക്ഷിക്കാനും പറ്റിയയിടമാണ്.

പാറയുടെ ഏറ്റവും മുകൾഭാഗത്ത് നിരപ്പായ സ്ഥലമുള്ളതിനാൽ സഞ്ചാരികൾക്ക് വിശ്രമിക്കാനും സൗകര്യമേറെ. ജലസ്രോതസ്സുള്ള മേഖല കൂടിയാണിത്. വേയപ്പാറയ്ക്കടുത്ത് നേരത്തേ നിർമിച്ച ജലസംഭരണി ഇപ്പോൾ ഉപയോഗിക്കാതെ കിടക്കുന്നുണ്ട്. സഞ്ചാരികൾക്കായി കുടിവെള്ളം ലഭ്യമാക്കാൻ ഇത് ഉപയോഗപ്പെടുത്താനും കഴിയും.

ടൂറിസം കോറിഡോറിന്റെ ഭാഗമാക്കാം

ബാലുശ്ശേരി മണ്ഡലത്തിൽ വിവിധ ടൂറിസം മേഖലകളെ ബന്ധിപ്പിച്ചുള്ള ടൂറിസം കോറിഡോർ പദ്ധതി നടപ്പാക്കുന്നുണ്ട്. ഈ മേഖലയെക്കൂടി അതിൽ ഉൾപ്പെടുത്തിയാൽ സഞ്ചാരികൾക്കും നല്ലൊരു കാഴ്ചയൊരുങ്ങും.

കരിയാത്തുംപാറയിലും കക്കയത്തുമെത്തുന്ന സഞ്ചാരികൾക്കെല്ലാം ഇവിടെയും സന്ദർശന കേന്ദ്രമാക്കാം. ഉയർന്ന പ്രദേശമെന്നനിലയിൽ വാനനിരീക്ഷണത്തിനും പറ്റിയയിടമാണ്. ഒബ്സർവേറ്ററിയും വാച്ച് ടവറും മുകളിൽ സ്ഥാപിക്കാനാകും. സമീപപ്രദേശങ്ങളിലെ കുന്നുകളുമായി റോപ്പ് വേ ഏർപ്പെടുത്തുന്നതും പരിഗണിക്കാം. സാഹസിക വിനോദസഞ്ചാരികൾക്കായി ട്രക്കിങ്ങും നടത്താനാകും.

എങ്ങനെയെത്താം

മൂലാട് നിന്നും കള്ളാത്തറവരെ നിലവിൽ റോഡ് സൗകര്യം ഉണ്ട്. അവിടെ നിന്നും പുതിയ റോഡ് നിർമിച്ചാൽ വേയപ്പാറയ്ക്കടുത്തുവരെ വാഹനത്തിൽ എത്താനാകും. നരയംകുളം ഭാഗത്തുനിന്ന് നടന്നും വേയപ്പാറയുടെ മുകളിലേക്ക് പോകാം.

Content highlights :venappara perambra hills become a eco tourism centre

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022


Jaleel-Surendran

1 min

ജലീലിന് ഇന്ത്യയില്‍ കഴിയാന്‍ അവകാശമില്ല, പാകിസ്താനിലേക്ക് പോകണം - കെ സുരേന്ദ്രന്‍

Aug 14, 2022

Most Commented