'ഡി' കാറ്റഗറി മറന്ന് സഞ്ചാരികള്‍; വിനോദസഞ്ചാരകേന്ദ്രങ്ങളില്‍ തിരക്കേറുന്നു


യൂട്യൂബ്, വാട്‌സാപ്പ്, ഫെയ്‌സ്ബുക്ക്, ഇന്‍സ്റ്റഗ്രാം തുടങ്ങിയ മാധ്യമങ്ങളുടെ സ്വാധീനം സാഹസിക സഞ്ചാരം നടത്താന്‍ യുവാക്കള്‍ക്ക് പ്രേരണയാകുന്നുണ്ട്.

നടുവിൽ പഞ്ചായത്തിലെ വെള്ളച്ചാട്ടത്തിലേക്കിറങ്ങി സഞ്ചാരികൾഫോട്ടോയെടുക്കുന്നു

ടുവിൽ: കോവിഡ് മാനദണ്ഡങ്ങൾ വകവെക്കാതെ വിനോദസഞ്ചാര കേന്ദ്രങ്ങളിലേക്ക് സന്ദർശകരുടെ ഒഴുക്ക്. ഡി കാറ്റഗറിയിൽപ്പെട്ട പഞ്ചായത്തുകളിലെ വിനോദസഞ്ചാരകേന്ദ്രങ്ങളിലേക്കാണ് വലിയ തോതിൽ ആളുകൾ എത്തുന്നതെന്നാണ് പരാതി. പ്രധാനമായും യുവാക്കളുടെ കൂട്ടങ്ങളാണ് എത്തുന്നത്.

മഴ ശക്തിപ്പെട്ട് തോടുകളിൽ നീരൊഴക്ക് കൂടിയതോടെ വെള്ളച്ചാട്ടങ്ങളുള്ള സ്ഥലങ്ങളാണ് ഇവരുടെ ലക്ഷ്യം. പല സ്ഥലങ്ങളും വിജനമായ ഇടങ്ങളാണ്. അപകടം സംഭവിച്ചാൽ വിളിച്ചുകരഞ്ഞാൽപോലും കേൾക്കാൻ ആളുണ്ടാവില്ലെന്ന് നാട്ടുകാർ പറയുന്നു.

ഏഴരക്കുണ്ടിൽ കഴിഞ്ഞ വർഷമുണ്ടായ അപകടം അങ്ങനെ നടന്നതാണ്. അപരിചിത സ്ഥലങ്ങളിൽ ആദ്യമായെത്തുന്നവർ സാഹസികമായി വെള്ളത്തിലിറങ്ങി ഫോട്ടോയെടുക്കുകയും കുളിക്കുകയും ചെയ്യുന്നുണ്ട്. തളിപ്പറമ്പ്, കണ്ണൂർ ഭാഗത്തുനിന്നാണ് കൂടുതലാളുകളും എത്തുന്നത്. വഴുക്കലുള്ള പാറക്കെട്ടുകളിൽ കയറുന്നതും അപകടം വിളിച്ചുവരുത്തുന്ന രീതിയിലാണ്. സന്ധ്യാസമയങ്ങളിൽപോലും ചെറുപ്പക്കാരുടെ സംഘങ്ങളെ വെള്ളച്ചാട്ടങ്ങളുടെ സമീപങ്ങളിൽ കാണാൻ കഴിയും.

വൈതൽക്കുണ്ട്, വായിക്കമ്പ, ചീക്കാട്, കൂളിക്കുണ്ട്, ജാനകിപ്പാറ, മുന്നൂർകൊച്ചി, പന്ത്രണ്ടാംചാൽ തുടങ്ങിയ വെള്ളച്ചാട്ടങ്ങളിലാണ് കൂടുതലാളുകളെത്തുന്നത്. ഏഴരക്കുണ്ട് വെള്ളച്ചാട്ടത്തിൽ പ്രവേശനം അനുവദിക്കുന്നില്ല. എന്നാൽ ഇതിന്റെ സമീപത്തൊക്കെ യുവാക്കൾ എത്തുന്നുണ്ട്.

ശക്തമായ ഒഴുക്കും വഴുക്കലുമുള്ള കിഴക്കാംതൂക്കായ പാറകളുമാണ് മലയോരത്തെ തോടുകളിലുള്ളത്. രാജവെമ്പാലയെപ്പോലുള്ള ഇഴജീവികളും മുൻകാലങ്ങളെ അപേക്ഷിച്ച് കൂടുതലാണ്.

കുടുംബസമേതം സഞ്ചാരികൾ

പാലക്കയം, പൈതൽമല, കുട്ടിപ്പുല്ല് തുടങ്ങിയ സ്ഥലങ്ങളിൽ കുടുംബസമേതം വാഹനങ്ങളിലെത്തുന്നവർ കൂടിവരികയാണ്. ഡി.ടി.പി.സി.യുടെ കേന്ദ്രങ്ങളിൽ ആളുകളെ കയറ്റുന്നില്ലെങ്കിലും ദൂരസ്ഥലങ്ങളിൽ നിന്നെത്തിയവർ ഇതിനു സമീപസ്ഥലങ്ങളിൽ കറങ്ങുന്നത് കോവിഡ് വ്യാപനം വർധിപ്പിക്കുമെന്ന ആശങ്ക ഉയർത്തുന്നു.

നവമാധ്യമ സ്വാധീനം

യൂട്യൂബ്, വാട്സാപ്പ്, ഫെയ്സ്ബുക്ക്, ഇൻസ്റ്റഗ്രാം തുടങ്ങിയ മാധ്യമങ്ങളുടെ സ്വാധീനം സാഹസിക സഞ്ചാരം നടത്താൻ യുവാക്കൾക്ക് പ്രേരണയാകുന്നുണ്ട്. ലഹരിവസ്തുക്കൾ ഉപയോഗിച്ചാണ് പലരുമെത്തുന്നത്. മലയോരത്തെ വിനോദസഞ്ചാരകേന്ദ്രങ്ങൾ ലഹരി, മയക്കുമരുന്ന് വിൽപ്പനക്കാരുടെ താവളമായിട്ടുണ്ട്. നാടൻചാരായ വാറ്റും വില്പനയും തകൃതിയാണ്. വിനോദസഞ്ചാരികളെ ലക്ഷ്യം വെച്ചാണ് ഇതും നടക്കുന്നത്.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022


Joe Biden

01:00

ബൈഡന് എന്തുപറ്റി ? വൈറലായി വീഡിയോകൾ

Oct 1, 2022


Kodiyeri Balakrishnan

2 min

കോടിയേരി ബാലകൃഷ്ണന്‍  അന്തരിച്ചു

Oct 1, 2022

Most Commented