ഞായറാഴ്ചയെത്തിയത് പതിനായിരക്കണക്കിന് പേർ; വീണ്ടുമുണർന്ന് മലപ്പുറത്തെ സഞ്ചാരകേന്ദ്രങ്ങൾ


ദിൽന ദേവദാസ്‌

പുലിഭീതി നിലനിൽക്കുന്നതിനാൽ കേരളാംകുണ്ടിൽ സന്ദർശകർക്ക് പ്രവേശനം അനുവദിച്ചിട്ടില്ല.

മലപ്പുറം കോട്ടക്കുന്ന് പാർക്കിൽ കളികളിലേർപ്പെട്ടിരിക്കുന്ന കുട്ടികൾ. പതിനായിരത്തിനടുത്താളുകളാണ് ഞായറാഴ്ച പാർക്ക് സന്ദർശിക്കാനെത്തിയത് | ഫോട്ടോ: മാതൃഭൂമി ഇ പേപ്പർ

മലപ്പുറം: ജില്ലയിലെ വിനോദസഞ്ചാരകേന്ദ്രങ്ങൾ പൂർണമായും തുറന്നു. ഞായറാഴ്ച ആയിരക്കണക്കിന് പേരാണ് ജില്ലയിലെ വിവിധ കേന്ദ്രങ്ങളിലെത്തിയത്.

പ്രതികൂല കാലാവസ്ഥ നിലനിന്നിരുന്നതിനാൽ പ്രവേശനം നിരോധിച്ചിരുന്ന ആഢ്യൻപാറ, കോട്ടക്കുന്ന് പാർക്ക് എന്നിവയുടെ വിലക്കുകൾകൂടി നീക്കിയതോടെ വിനോദസഞ്ചാരമേഖല ജില്ലയിൽ സജീവമായി. എന്നാൽ പുലിഭീതി നിലനിൽക്കുന്നതിനാൽ കേരളാംകുണ്ടിൽ സന്ദർശകർക്ക് പ്രവേശനം അനുവദിച്ചിട്ടില്ല.



സമീപത്തുള്ള ഇക്കോ-വില്ലേജിൽ സഞ്ചാരികളെത്തിത്തുടങ്ങി. അവധിദിനം കൂടിയായിരുന്നതാവാം ആളുകൾ കൂടുതൽ എത്താൻ കാരണം.

നിറഞ്ഞുകവിഞ്ഞ് കോട്ടക്കുന്ന്

കോട്ടക്കുന്ന് പാർക്കിൽ എത്തിയവരിലേറെപ്പേരും ജില്ലയ്ക്കുള്ളിൽ തന്നെയുള്ളവരായിരുന്നു. എളുപ്പത്തിൽ എത്താവുന്ന കേന്ദ്രമെന്നനിലയിൽ സമീപവാസികളുൾപ്പെടെയുള്ളവർ കോട്ടക്കുന്നിലാണെത്തിയത്. രാത്രി എട്ടുമണിവരെ ഏകദേശം പതിനായിരത്തിനടുത്താളുകൾ എത്തിയെന്നാണ് കണക്ക്. നാളെമുതൽ പ്രഭാതസവാരിക്കെത്തുന്നവർക്ക് പാർക്ക് പുലർച്ചെ അഞ്ചുമണി മുതൽ എട്ടുവരെ തുറന്നുനൽകുമെന്നും അധികൃതർ അറിയിച്ചു.

പുഴയിലിറങ്ങി കളിവേണ്ട

നിലമ്പൂരിനടുത്ത് ആഢ്യൻപാറ വെള്ളച്ചാട്ടം ഒരിടവേളയ്ക്കുശേഷം വീണ്ടും തുറന്നപ്പോൾ എണ്ണൂറോളം പേരാണ് ആദ്യദിനംതന്നെ എത്തിയത്. എന്നാൽ കണ്ടാസ്വദിക്കാൻ മാത്രമേ അനുമതിയുള്ളൂ. അപകടഭീഷണിയുള്ളതിനാൽ പുഴയിലിറങ്ങുന്നതിന് വിലക്കുകളുണ്ട്.

വേണം കോവിഡ് ജാഗ്രത

വിനോദസഞ്ചാരകേന്ദ്രങ്ങൾ വീണ്ടും തുറന്നെങ്കിലും കോവിഡ് മുൻകരുതലുകൾ മറക്കരുത്. കോവിഡ് വാക്‌സിൻ നിർബന്ധമായും എടുത്തിരിക്കണം. ഒമിക്രോൺ വകഭേദം വിവിധരാജ്യങ്ങളിൽ റിപ്പോർട്ട് ചെയ്ത സാഹചര്യത്തിൽ ജനങ്ങൾ ജാഗ്രത കൈവിടരുതെന്ന് ജില്ലാ വിനോദസഞ്ചാര അധികൃതർ അറിയിച്ചു.

Content Highlights: tourists destinations in Malappuram, Kottakkunnu park, Adyanpara waterfall


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


Vizhinjam

7 min

വിഴിഞ്ഞത്തിന്റെ നിലവിളി | വഴിപോക്കൻ

Dec 2, 2022


04:19

ഇത് കേരളത്തിന്റെ മിനി ശിവകാശി, പടക്കങ്ങളുടെ മായാലോകം

Oct 24, 2022

Most Commented