അതിമനോഹരം, സൂക്ഷിച്ചില്ലെങ്കില്‍ അപകടകാരിയും; തൂവലില്‍ തിങ്കളാഴ്ച നഷ്ടപ്പെട്ടത് രണ്ടുജീവന്‍


അനൂപ് ഹരിലാല്‍

ഇടുക്കി ജില്ലയില്‍ മുകളില്‍നിന്നും താഴെ നിന്നും ആസ്വദിക്കാന്‍ കഴിയുന്ന ഏക വെള്ളച്ചാട്ടമാണ് തൂവലരുവി.

തൂവൽ വെള്ളച്ചാട്ടം | ഫോട്ടോ: മാതൃഭൂമി

നെടുങ്കണ്ടം : അതിമനോഹരമാണ് തൂവല്‍ വെള്ളച്ചാട്ടം. സൂക്ഷിച്ചില്ലെങ്കില്‍ അപകടകാരിയും. അതിനാലാണ് ഇവിടെ മുന്നറിയിപ്പ് ബോര്‍ഡ് സ്ഥാപിച്ച് സുരക്ഷാ ജീവനക്കാരെ നിയോഗിക്കണമെന്ന് നാട്ടുകാര്‍ നിരന്തരം ആവശ്യപ്പെട്ടുകൊണ്ടിരുന്നത്. അതുണ്ടായിരുന്നെങ്കില്‍ ഒരുപക്ഷേ, തിങ്കളാഴ്ച രണ്ട് യുവാക്കളുടെ ജീവന്‍ നഷ്ടപ്പെടില്ലായിരുന്നു.

തൂവല്‍ അരുവിയില്‍ രണ്ട് യുവാക്കള്‍ മുങ്ങിമരിക്കാന്‍ കാരണം അനധികൃതരുടെ അവഗണനയും അനാസ്ഥയും മൂലമെന്ന് ആരോപിച്ച് നാട്ടുകാര്‍ രംഗത്തെത്തി. അപകടസാധ്യത കൂടിയ പ്രദേശത്ത് ആവശ്യമായ സംവിധാനങ്ങള്‍ ഒരുക്കിയിരുന്നെങ്കില്‍ യുവാക്കള്‍ അപകടത്തില്‍പ്പെട്ട സാഹചര്യം ഒഴിവാക്കാനാകുമായിരുന്നെന്നും രക്ഷാ പ്രവര്‍ത്തനം നടത്തിയ നാട്ടുകാര്‍ പറയുന്നു.

കോവിഡ് നിയന്ത്രണങ്ങളില്‍ അയവുവന്നതോടെ വിനോദസഞ്ചാര കേന്ദ്രമായ തൂവലിലേക്ക് നൂറുകണക്കിന് സഞ്ചാരികളാണ് എത്തുന്നത്. ജില്ലയില്‍ മുകളില്‍നിന്നും താഴെ നിന്നും ആസ്വദിക്കാന്‍ കഴിയുന്ന ഏക വെള്ളച്ചാട്ടമാണ് തൂവലരുവി.

Thooval Waterfalls 2
തൂവല്‍ വെള്ളച്ചാട്ടത്തിന് മുകളില്‍ നിര്‍മിച്ചിരിക്കുന്ന പാലവും സുരക്ഷാ വേലിയും | ഫോട്ടോ: മാതൃഭൂമി

വേണം സുരക്ഷ

സഞ്ചാരികള്‍ക്ക് സുരക്ഷിതമായി വെള്ളച്ചാട്ടം ആസ്വദിക്കാന്‍ പരിമിതമായ സൗകര്യങ്ങള്‍ മാത്രമാണ് ഇവിടെയുള്ളത്. നിര്‍ദേശങ്ങള്‍ നല്‍കാന്‍ ആളില്ലാത്തതിനാല്‍ സഞ്ചാരികള്‍ അപകടക്കുഴികളില്‍ കുളിക്കാനിറങ്ങുകയും വെള്ളച്ചാട്ടത്തിന് കീഴിലെ കൂറ്റന്‍ പാറകളില്‍ സെല്‍ഫിയെടുക്കാനടക്കം അലക്ഷ്യമായി കയറിയിറങ്ങുകയും ചെയ്യുന്നത് അപകടഭീഷണി ഉയര്‍ത്തിയിരുന്നു.

പ്രദേശവാസികളെക്കാള്‍ മറ്റ് സ്ഥലങ്ങളില്‍നിന്ന് എത്തുന്നവരാണ് സഞ്ചാരികളില്‍ അധികവും. അതിനാല്‍ സൂരക്ഷാ ബോര്‍ഡുകളും നിര്‍ദേശങ്ങള്‍ നല്‍കാന്‍ സുരക്ഷാ ജീവനക്കാരും ഇല്ലാത്തത് അപകട സാധ്യത വര്‍ധിപ്പിക്കുന്നു.

നിലവില്‍ നെടുങ്കണ്ടം ബ്ലോക്ക് പഞ്ചായത്ത് നിര്‍മിച്ചിട്ടുള്ള ഇരുമ്പുവേലിയും വെള്ളച്ചാട്ടത്തിന് മുകളില്‍ നിര്‍മിച്ചിരിക്കുന്ന പാലവുമാണ് ആകെയുള്ള സുരക്ഷ. ആറ് വിദ്യാര്‍ഥികളാണ് സമീപകാലത്ത് തൂവല്‍ അരുവിയില്‍ മുങ്ങിമരിച്ചത്.

ദുരന്തങ്ങള്‍ ആവര്‍ത്തിക്കപ്പെടാതിരിക്കാന്‍ ഉടന്‍തന്നെ ആവശ്യമായ സുരക്ഷാ സന്നാഹങ്ങള്‍ തൂവലില്‍ ഒരുക്കണമെന്നാണ് പ്രദേശവാസികളുടെ ആവശ്യം.

Content Highlights: Thooval Waterfalls, Security Issues in Thooval, Idukki Tourism, Kerala Tourism, Travel News

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


Nitish Kumar, Tejashwi Yadav

1 min

നിതീഷ് കുമാറിന്റെ സത്യപ്രതിജ്ഞ ബുധനാഴ്ച ഉച്ചയ്ക്ക് രണ്ടിന്; തേജസ്വി യാദവ് ഉപമുഖ്യമന്ത്രിയാകും

Aug 9, 2022


AKHIL

1 min

വിവാഹിതയായ വീട്ടമ്മ ഒപ്പം വരാത്തതില്‍ പ്രതികാരം, വെട്ടുകത്തിയുമായി വീട്ടിലെത്തി ആക്രമിച്ചു

Aug 10, 2022

Most Commented