രാവണനെ വിട്ടൊരു കളിയില്ല, രാവണന്റെ റൂട്ട്മാപ്പ് കണ്ടുപിടിക്കാന്‍ പദ്ധതിയുമായി ശ്രീലങ്ക


രാവണനെക്കുറിച്ച് ഒട്ടേറെ കഥകളുള്ളതിനാല്‍ ആധികാരികമായ വിവരങ്ങള്‍ നല്‍കുക എന്നതാണ് പദ്ധതിയുടെ ലക്ഷ്യമെന്നാണ് അധികൃതരുടെ വിശദീകരണം.

പ്രതീകാത്മക ചിത്രം| Getty Images

ശ്രീലങ്ക: രാവണന്റെ വ്യോമപാതയെക്കുറിച്ച് പഠിക്കാന്‍ ഗവേഷണപദ്ധതിക്ക് നേതൃത്വം നല്‍കി ശ്രീലങ്കന്‍ ഏവിയേഷന്‍ അതോറിറ്റി. രാവണന്റെ സഞ്ചാരപാതയെക്കുറിച്ച് സൂചനനല്‍കുന്ന രേഖകളോ സാഹിത്യമോ കൈവശമുള്ളവര്‍ വ്യോമയാന അധികൃതരുമായി ബന്ധപ്പെടുക എന്നു പറഞ്ഞുകൊണ്ടുള്ള പത്രപ്പരസ്യവും കഴിഞ്ഞ ദിവസം ഒരു സിംഹള ദിനപത്രത്തില്‍ ശ്രീലങ്കന്‍ സിവില്‍ ഏവിയേഷന്‍ അതോറിറ്റി പ്രസിദ്ധീകരിച്ചു.

'രാവണരാജാവും അദ്ദേഹത്തിന്റെ നഷ്ടപ്പെട്ട വ്യോമപാതയും' എന്നാണ് ഗവേഷണപദ്ധതിയുടെ പേര്.

Ravanan
വര : മദനന്‍/ മാതൃഭൂമി ലൈബ്രറി

രാവണനെക്കുറിച്ച് ഒട്ടേറെ കഥകളുള്ളതിനാല്‍ ആധികാരികമായ വിവരങ്ങള്‍ നല്‍കുക എന്നതാണ് പദ്ധതിയുടെ ലക്ഷ്യമെന്നാണ് അധികൃതരുടെ വിശദീകരണം. രാവണന്‍ പുഷ്പകവിമാനത്തില്‍ പറന്നതിനെക്കുറിച്ച് ഒട്ടേറെ കഥകള്‍ നിലനില്‍ക്കേ, ശ്രീലങ്കയിലെ വ്യോമയാനവകുപ്പ് എന്ന നിലയില്‍ രാവണന്‍ സ്വീകരിച്ച വ്യോമപാതകളെക്കുറിച്ച് ആധികാരികമായി അറിയണമെന്നുള്ളതിനാലാണ് പദ്ധതിയെന്നും അധികൃതര്‍ വ്യക്തമാക്കുന്നു.

ഇന്ത്യയില്‍നിന്നുള്ള വിനോദസഞ്ചാരികള്‍ക്കായി രാമായണയാത്ര സംഘടിപ്പിക്കുന്നുണ്ടെങ്കിലും ശ്രീലങ്കന്‍ ടൂറിസത്തിന്റെ പ്രധാന ആകര്‍ഷണം ലങ്കാധിപതിയും രാക്ഷസരാജാവുമായ രാവണന്റെ വീരകഥകളാണ്. കഴിഞ്ഞ ജൂണില്‍ ശ്രീലങ്ക വിക്ഷേപിച്ച ആദ്യ ഉപഗ്രഹത്തിന് രാവണ-1 എന്ന പേരാണ് അവര്‍ നല്‍കിയത്. ആധുനിക വ്യോമയാനത്തിന്റെ തുടക്കം റൈറ്റ് സഹോദരങ്ങളിലൂടെയാണെങ്കിലും തങ്ങളുടെ ധീരരാജാവ് രാവണന്‍ 'ദണ്ഡു മോനര' എന്ന പറക്കുംയന്ത്രം ഉപയോഗിച്ചതായി ഇതിഹാസങ്ങളില്‍ പറയുന്നുണ്ടെന്ന് ശ്രീലങ്കന്‍ വ്യോമയാനമന്ത്രി നിമല്‍ സിരിപാല 2016-ല്‍ പറഞ്ഞത് ചര്‍ച്ചയായിരുന്നു.

Content Hoghlights: Sri Lanka to Trace Route of Ravana, Sri Lanka Civil Aviation, Travel News

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022


image

1 min

അബുദാബിയില്‍ പാചകവാതക സിലിണ്ടര്‍ പൊട്ടിത്തെറിച്ച് രണ്ട് മരണം; 120 പേര്‍ക്ക് പരിക്ക്

May 23, 2022

More from this section




Most Commented