ഷിംലയിലെ ഇപ്പോഴത്തെ കാലാവസ്ഥ | ഫോട്ടോ: പി.ടി.ഐ
ഷിംല: രാവിലെ എഴുന്നേറ്റ് ജനല്‍ തുറന്നാല്‍ മഞ്ഞാണ് കണ്മുന്നില്‍. കെട്ടിടങ്ങളും റോഡും എന്നുവേണ്ട പ്രകൃതി മൊത്തം വെളുത്തനിറം പുതച്ചുകിടക്കുന്നു. കഴിഞ്ഞ കുറച്ചുനാളുകളായി ഇതാണ് ഹിമാചല്‍ പ്രദേശിലെ ഷിംലയിലെ അവസ്ഥ. ഈ മാസം 25 വരെ ഹിമാചല്‍ പ്രദേശിന്റെ വിവിധ ഭാഗങ്ങളില്‍ ശക്തമായ മഞ്ഞുവീഴ്ചയ്ക്ക് സാധ്യതയുണ്ടെന്നാണ് കാലാവസ്ഥാ നിരീക്ഷണകേന്ദ്രം അറിയിച്ചിരിക്കുന്നത്.
മനോഹരമായ കാഴ്ചകള്‍ക്കാണ് ഈ കാലാവസ്ഥ വഴിവെച്ചത്. മഞ്ഞ് പൊതിഞ്ഞ മരങ്ങള്‍ മുതല്‍ റെയില്‍വേ സ്റ്റേഷനുകള്‍ വരെയുള്ള കാഴ്ചകള്‍ ഓരോരുത്തരിലും കൗതുകം ജനിപ്പിക്കുകയാണ്. മഞ്ഞിന്റെ കാഴ്ചകള്‍ കാണാന്‍ സ്വിറ്റ്‌സര്‍ലന്‍ഡ് വരെ പോവുകയൊന്നും വേണ്ട എന്നാണ് മഞ്ഞുനിറഞ്ഞ ട്രാക്കിലൂടെ നീങ്ങുന്ന തീവണ്ടിയുടെ വീഡിയോ ട്വിറ്ററില്‍ പങ്കുവെച്ചുകൊണ്ട് ബി.ജെ.പി നേതാവ് മഞ്ജീന്ദര്‍ സിങ് പറഞ്ഞത്.
മഞ്ഞില്‍ കുളിച്ചുനില്‍ക്കുന്ന ഷിംല റെയില്‍വേ സ്റ്റേഷന്റെ ചിത്രങ്ങള്‍ പിമാചല്‍ പ്രദേശ് ട്രാഫിക്, ടൂറിസ്റ്റ് ആന്‍ഡ് റെയില്‍വേ പോലീസ് ട്വീറ്റ് ചെയ്തിട്ടുണ്ട്. മഞ്ഞുമൂടിയ മനോഹരമായ ഷിംല റെയില്‍വേ സ്‌റ്റേഷന്‍ എന്നാണ് അവര്‍ തലവാചകമായി കുറിച്ചിരിക്കുന്നത്.
ഹിമാചല്‍ പ്രദേശ് പ്ലാനിങ് ബോര്‍ഡ് അംഗവും അഭിഭാഷകയുമായ പ്രജ്വാള്‍ ബസ്റ്റയും മഞ്ഞുവീഴ്ചയുടെ വീഡിയോ ട്വീറ്റ് ചെയ്തിട്ടുണ്ട്. ഞായറാഴ്ച ഈ കാഴ്ചയിലേക്കാണ് എഴുന്നേറ്റത് എന്നാണ് അവര്‍ വീഡിയോക്കൊപ്പം എഴുതിയത്.
കാലാവസ്ഥാ നിരീക്ഷണ കേന്ദ്രത്തിന്റെ കണക്കനുസരിച്ച്, ജനുവരി 25 വരെ ഷിംലയില്‍ മഞ്ഞുവീഴ്ചയ്ക്കും മഴയ്ക്കും സാധ്യതയുണ്ട്. കൂടാതെ, ജമ്മു കശ്മീരിലും ഉത്തരാഖണ്ഡിലും കനത്ത മഴയോ മഞ്ഞുവീഴ്ചയോ പ്രവചിക്കപ്പെട്ടിട്ടുണ്ട്. ജനുവരി 24 വരെ ഹിമാചല്‍ പ്രദേശില്‍ മോശം കാലാവസ്ഥയുണ്ടാകുമെന്ന് പ്രതീക്ഷിക്കുന്നതായി ഐഎംഡി നേരത്തെ വ്യക്തമാക്കിയിരുന്നു.
Content Highlights: Shimla Fresh Snow On Sunday, Shimla Weather Updates, Shimla Snowfall
RELATED STORIES
IN CASE YOU MISSED IT
.jpg?$p=dd6a0d8&f=1x1&w=100&q=0.8)
.jpg?$p=d83648f&q=0.8&f=16x11&w=104)
.jpg?$p=e7fe736&q=0.8&f=16x11&w=104)
.jpg?$p=3784dd7&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..