പട്ട് നൽകിയ പുത്തൻ പകിട്ട്, പോച്ചംപള്ളിക്ക് ഐക്യരാഷ്ട്രസഭയുടെ അം​ഗീകാരം


ഇന്ത്യയുടെ പട്ടുന​ഗരം എന്നാണിവിടം അറിയപ്പെടുന്നത്.

പോച്ചംപള്ളി ​ഗ്രാമത്തിലെ പട്ടുസാരി നെയ്ത്ത് |ഫോട്ടോ: എ.എഫ്.പി

നൽ​ഗൊണ്ട ( തെലങ്കാന): മികച്ച വിനോദസഞ്ചാര ​ഗ്രാമങ്ങളിലൊന്നായി തെലങ്കാനയിലെ പോച്ചംപള്ളിയെ തിരഞ്ഞെടുത്ത് യുണൈറ്റഡ് നേഷൻസ് വേൾഡ് ടൂറിസം ഓർ​ഗനൈസേഷൻ (യു.എൻ.ഡബ്ലിയൂ.ടി.ഓ). സ്പെയിനിലെ മാഡ്രിഡിൽ ഡിസംബർ 2-ന് നടക്കുന്ന 24-ാമത് ടൂറിസം ഓർ​ഗനൈസേഷൻ ജനറൽ അസംബ്ലിയിൽ പുരസ്കാരം വിതരണം ചെയ്യും.

വടക്കുപടിഞ്ഞാറൻ മേഖലയുടെ ചുമതലയുള്ള കേന്ദ്ര സാംസ്കാരിക വിനോദസഞ്ചാര വകുപ്പ് മന്ത്രി ജി. കിഷൻ റെഡ്ഡി പോച്ചംപള്ളിയിലെ ജനങ്ങളെ അഭിനന്ദിച്ചു. പ്രധാനമന്ത്രിയുടെ ആത്മനിർഭർ ഭാരതിന്റെ ഭാ​ഗമായുള്ള വോക്കൽ ഫോർ ലോക്കൽ പദ്ധതി വഴി പോച്ചംപള്ളിയുടെ തനത് പട്ടുനെയ്ത്ത് രീതിക്ക് പ്രത്യേക പരി​ഗണന കിട്ടിയെന്ന് അദ്ദേഹം പറഞ്ഞു.



​ഗ്രാമീണ മേഖലകളിലെ മികച്ച ഉദാഹരണങ്ങളായി ചൂണ്ടിക്കാട്ടാവുന്ന വിനോദസഞ്ചാര കേന്ദ്രങ്ങൾക്കാണ് യു.എൻ.ഡബ്ലിയൂ.ടി.ഓ പുരസ്കാരം നൽകുന്നത്. വിവിധ പരിശീലന പരിപാടികളിലൂടെ ​ഗ്രാമങ്ങൾക്ക് അവരുടെ വിനോദസഞ്ചാര സാധ്യതകൾക്ക് കരുത്തേകാനും പുരസ്കാരം നൽകുന്നതുവഴി യു.എൻ.ഡബ്ലിയൂ.ടി.ഓ ലക്ഷ്യമിടുന്നു.

മേഘാലയയിലെ കോങ്തോങ്, മധ്യപ്രദേശിലെ ലധ്പുര ഖാസ് എന്നിവയാണ് പോച്ചംപള്ളിക്ക് പുറമേ പുരസ്കാരത്തിന് ഇന്ത്യയിൽ നിന്ന് വിനോദസഞ്ചാര മന്ത്രാലയം നാമനിർദേശം ചെയ്ത ​ഗ്രാമങ്ങൾ.

ഹൈദരാബാദിൽ നിന്ന് 50 കിലോമീറ്റർ അകലെ തെലങ്കാനയിലെ നൽ​ഗൊണ്ട ജില്ലയിലാണ് പോച്ചംപള്ളി സ്ഥിതി ചെയ്യുന്നത്. ഇന്ത്യയുടെ പട്ടുന​ഗരം എന്നാണിവിടം അറിയപ്പെടുന്നത്. പട്ടുനെയ്ത്തിലെ വ്യത്യസ്തതകൊണ്ട് പോച്ചമ്പള്ളി ഇക്കട്ട് എന്ന ഈ ശൈലിക്ക് ഭൗമസൂചികാ പദവിയും ലഭിച്ചിട്ടുണ്ട്.

Content Highlights: Pochampally silk saree, UNWTO, best tourism village in India


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


Vizhinjam

7 min

വിഴിഞ്ഞത്തിന്റെ നിലവിളി | വഴിപോക്കൻ

Dec 2, 2022


brazil vs cameroon

2 min

ടിറ്റെയുടെ പരീക്ഷണം പാളി, ബ്രസീലിനെ അട്ടിമറിച്ച് കാമറൂണ്‍

Dec 3, 2022

Most Commented