പെരിയാര്‍ കടുവാ സങ്കേതം : ഇക്കോ ടൂറിസം പരിപാടികള്‍ ഓണ്‍ലൈന്‍ ബുക്കിങ്ങിലേക്ക്


ടൂറിസം മേഖലയുമായി ബന്ധപ്പെട്ട് ഉപജീവനം നടത്തുന്നവർ ആശങ്കയിൽ

തേക്കടി

കുമളി :പെരിയാർ കടുവാ സങ്കേതത്തിലെ ഇക്കോ ടൂറിസം പരിപാടികൾ 90 ശതമാനവും ഓൺലൈൻ ബുക്കിങ്ങിലേക്ക്. 50 ശതമാനം ബോട്ടിങ് ബുക്കിങ് പഴയതുപോലെ നിലനിർത്തിക്കൊണ്ടാണ് പുതിയ പദ്ധതി നടപ്പാക്കുന്നത്. 13 പരിപാടികളാണ് ഇക്കോ ടൂറിസത്തിന്റെ ഭാഗമായി ഉൾപ്പെടുത്തിയിരിക്കുന്നത്. വനംവകുപ്പ് മന്ത്രി എ.കെ.ശശീന്ദ്രൻ വിളിച്ചുചേർത്ത ജനപ്രതിനിധികൾ ഉൾപ്പെടെയുള്ളവർ പങ്കെടുത്ത പെരിയാർ ടൈഗർ കൺസർവേഷൻ ഫൗണ്ടേഷന്റെ (പി.ടി.സി.എഫ്.) ഗവേണിങ് ബോർഡ് യോഗത്തിലാണ് പുതിയ തീരുമാനം. തേക്കടിയിലെ വിനോദസഞ്ചാരമേഖലയെ മാത്രം ആശ്രയിച്ച് ഉപജീവനം നടത്തുന്ന കുമളിയിലെ ആളുകളെ പുതിയ തീരുമാനം പ്രതികൂലമായി ബാധിക്കുമോയെന്ന ആശങ്ക ഉയരുന്നുണ്ട്.

കോവിഡ് തരംഗം ടൂറിസം മേഖലയെ പ്രതികൂലമായി ബാധിച്ചതോടെയാണ് ഓൺലൈൻ സംവിധാനം കൂടുതലായി നടപ്പാക്കാൻ പെരിയാർ കടുവാസങ്കേതം നിർബന്ധിതമായത്. നിലവിൽ 75 ശതമാനമാണ് ഇക്കോ ടൂറിസം പരിപാടികളുടെ ബുക്കിങ്ങിനായി മാറ്റിവച്ചിരുന്നത്. ഇക്കോ ടൂറിസം പരിപാടികൾ ഏറ്റവും കൂടുതൽ ബുക്ക് ചെയ്തിരുന്നവരിൽ പകുതിയിലധികവും വിദേശികളായിരുന്നു. അഞ്ചുമുതൽ എട്ടുവരെ ശതമാനം ഇതരസംസ്ഥാനത്തുനിന്നുള്ളവരും രണ്ടുമുതൽ അഞ്ചുവരെ ശതമാനം സംസ്ഥാനത്തുനിന്നുള്ളവരുമാണ്. എന്നാൽ, പെരിയാർ കടുവാ സങ്കേതത്തിന്റെ കണക്കുകൾ പ്രകാരം ഇക്കോ ടൂറിസം പരിപാടികൾക്ക് കുറേ വർഷങ്ങളായി ബുക്കിങ് പലപ്പോഴും 70 മുതൽ 80 വരെ ശതമാനമാണ്. ഓൺലൈൻ ബുക്കിങ് മിക്കപ്പോഴും 95 മുതൽ 100 ശതമാനംവരെ നിലനിർത്തിയിരുന്നതായി ഉദ്യോഗസ്ഥർ പറയുന്നു. നേരിട്ടെത്തി ടിക്കറ്റുകൾ വാങ്ങി ഇക്കോ ടൂറിസം പരിപാടികളിൽ പങ്കാളികളാകുന്നവർ നാമമാത്രമായതും ഓൺലൈൻ ബുക്കിങ്ങിന് കൂടുതലാക്കാൻ ഇവരെ നിർബന്ധിതരാക്കുന്നത്.

വാദം, മറുവാദം

കോവിഡ് തരംഗം മാറുന്നതോടെ കൂടുതൽ വിനോദസഞ്ചാരികളെ ഇവിടേക്ക് ആകർഷിക്കുന്നതിന് ഓൺലൈൻ സംവിധാനം കൂടുതൽ പ്രയോജനം ചെയ്യുമെന്നാണ് ഉദ്യോഗസ്ഥർ നൽകുന്ന മറുപടി.

എന്നാൽ, പുതിയ തീരുമാനത്തിനെ കൂട്ടുപിടിച്ച് തേക്കടിയിലേക്കുള്ള വിനോദസഞ്ചാരികളുടെ ഒഴുക്ക് തടയാനാണ് വനംവകുപ്പ് ശ്രമിക്കുന്നതെന്ന് ടൂറിസം മേഖലയിൽ പ്രവർത്തിക്കുന്നവർ പറയുന്നു.

പ്രതിദിനം അയ്യായിരത്തിലധികം പേർ സീസണിലെത്തുന്ന തേക്കടിയിൽ ഓൺലൈൻ ബുക്കിങ് വ്യാപകമാക്കിയാൽ പലർക്കും അനുമതി കിട്ടാത്ത സ്ഥിതിയാകുമെന്നാണ് പുതിയ തീരുമാനത്തെ എതിർക്കുന്നവർ പറയുന്നത്. മൂന്നാർ, വാഗമൺ പോലെയുള്ള വിനോദസഞ്ചാര കേന്ദ്രങ്ങളിലെത്തുന്ന സഞ്ചാരികൾക്ക് പെട്ടെന്ന് തേക്കടിയിലെ ടൂറിസം പരിപാടികൾ ആസ്വദിക്കണമെന്നാഗ്രഹിച്ചാൽപോലും പുതിയ തീരുമാനം വിലങ്ങുതടിയാകും.

നിലവിലുണ്ടായിരുന്ന സംവിധാനംമുഖേന സഞ്ചാരികൾക്ക് ഒരുപരിധിവരെ ഇക്കോ ടൂറിസം പരിപാടികൾ ആസ്വദിക്കാനുള്ള സൗകര്യമൊരുക്കാൻ ടൂർ ഗൈഡുകൾക്കും ടുറിസവുമായി ബന്ധപ്പെട്ട് ജീവിക്കുന്നവർക്കും കഴിഞ്ഞിരുന്നു.

പുതിയ തീരുമാനം നടപ്പാകുന്നതോടെ ഈ സാധ്യത വിരളമാകും. ഈ പദ്ധതിയിലൂടെ പേരിൽ 50 ശതമാനം ഓൺലൈൻ ബുക്കിങ്ങുള്ള ബോട്ടിങ് 100 ശതമാനം ഓൺലൈനാക്കാനുള്ള നീക്കം വനംവകുപ്പ് പ്രാവർത്തികമാക്കാനുള്ള സാധ്യതയേറെയാണെന്ന് പ്രദേശിക ടൂറിസംമേഖലയിൽ പ്രവർത്തിക്കുന്നവർ പറയുന്നു.

Content highlights :periyar tiger reserve eco tourism programmes boating is online booking

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022

Most Commented