ദൂരക്കാഴ്ചയായി കടലും വിമാനത്താവളവും, മലയും പാറക്കെട്ടുകളും ചേർന്ന വിരുന്നൊരുക്കി പാലുകാച്ചിപ്പാറ


കോടമഞ്ഞ് വർധിച്ചതോടെ പുലർച്ചെമുതൽ സന്ധ്യമയങ്ങുംവരെ നൂറുക്കണക്കിനാളുകൾ ഇവിടെയെത്തുന്നു.

പാലുകാച്ചിപ്പാറയിൽനിന്നുള്ള ദൃശ്യം. സഞ്ചാരികൾ ഉപേക്ഷിച്ച കുപ്പികളടക്കമുള്ള മാലിന്യം കൂടിക്കിടക്കുന്നതും കാണാം | ഫോട്ടോ: മാതൃഭൂമി ഇ പേപ്പർ

മാലൂർ: കണ്ണൂർ ജില്ലയിലെ മാലൂർ പാലുകാച്ചിപ്പാറയിൽ പ്രകൃതിസൗന്ദര്യം ആസ്വദിക്കാൻ സഞ്ചാരികളുടെ തിരക്കേറുന്നു. മലയും പാറക്കെട്ടുകളും ചേർന്ന അപൂർവ ദൃശ്യവിരുന്നാണ് പുരളിമലയുടെ ഭാഗമായ പാലുകാച്ചിപ്പാറയിലുള്ളത്.

സമുദ്രനിരപ്പിൽനിന്ന് 3000 അടി ഉയരത്തിലുള്ള പാറയുടെ സൗന്ദര്യം കാണാൻ ജില്ലയുടെ വിവിധ ഭാഗങ്ങളിൽനിന്നും ആളുകൾ എത്തുന്നുണ്ട്. കോടമഞ്ഞ് വർധിച്ചതോടെ പുലർച്ചെമുതൽ സന്ധ്യമയങ്ങുംവരെ നൂറുക്കണക്കിനാളുകൾ ഇവിടെയെത്തുന്നു.



മാലൂർ പഞ്ചായത്തിലെ പാലുകാച്ചിപ്പാറയുടെ മുകളിലെത്തിയാൽ വിദൂര കാഴ്ചകൾ വിസ്മയകരമാണ്. പഴശ്ശിരാജാവിന്റെ ഒളിപ്പോർ സങ്കേതമായിരുന്ന പുരളിമലയുടെ ഭാഗമാണ് പാലുകാച്ചിപ്പാറ. ഇവിടം ഇക്കോ ടൂറിസം പദ്ധതിയിൽ പെടുത്താൻ ശ്രമങ്ങൾ നടക്കുന്നുണ്ട്. വർഷങ്ങൾക്ക് മുൻപുതന്നെ ഇവിടെ മൈക്രോവേവ് ടവർ സ്ഥാപിച്ചിരുന്നു. അക്കാലത്ത് ദൂരദർശൻ ഭൂതല സംപ്രേഷണ ടവർ, എസ്.ടി.ഡി. സംവിധാന യന്ത്രങ്ങൾ തുടങ്ങിയവയും സ്ഥാപിച്ച് ശ്രദ്ധേയമായിരുന്നു. അപൂർവ സസ്യങ്ങളുടെയും പക്ഷികളുടെയും ആവാസകേന്ദ്രമാണ് പാലുകാച്ചിപ്പാറയും സമീപ പ്രദേശങ്ങളും.

പാറയുടെ മുകളിൽനിന്നാൽ മട്ടന്നൂർ വിമാനത്താവളവും അറബിക്കടലും അടക്കമുള്ള വിദൂരദൃശ്യങ്ങൾ കാണാം. അവധിദിവസങ്ങളിലും മറ്റും സ്കൂൾ, കോളേജ് വിദ്യാർഥികൾ ഉൾപ്പെടെയുള്ളവരുടെ തിരക്കാണ്. ചില സംഘങ്ങൾ ഭക്ഷണവും മദ്യവുമായാണ് വരവെന്ന് നാട്ടുകാർ പറയുന്നു. ചിലർ അലക്ഷ്യമായി മദ്യക്കുപ്പികൾ വലിച്ചെറിയുന്നത് സമീപവാസികൾക്ക് ബുദ്ധിമുട്ടുണ്ടാക്കുന്നുണ്ട്.

കോവിഡ് വർധനയുണ്ടായ അവസരത്തിൽ സഞ്ചാരികൾക്ക് ഇവിടത്തേക്ക് പ്രവേശനം നിരോധിച്ചിരുന്നു. നിരോധനം പിൻവലിച്ചതിനെ തുടർന്ന് ധാരാളം ആളുകൾ എത്തുന്നുണ്ട്. മാലൂർ ഇൻസ്പെക്ടർ എം.വി. ബിജു, സബ് ഇൻസ്പെക്ടർ ബി.വി. അബ്ദുറഹ്മാൻ എന്നിവരുടെ നേതൃത്വത്തിൽ പോലീസ് പട്രോളിങ്‌ ശക്തമാക്കിയിട്ടുണ്ട്.

Content Highlights: palukachippara, puraluimala, unknown tourism destinations, kerala tourism


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


photo: Getty Images

1 min

മനോഹരം...മെസ്സി.... മാറഡോണയുടെ ഗോള്‍നേട്ടം മറികടന്നു

Dec 4, 2022


argentina vs australia

3 min

ആളിക്കത്തി അര്‍ജന്റീന! ഓസ്‌ട്രേലിയയെ തകര്‍ത്ത് മെസ്സിയും സംഘവും ക്വാര്‍ട്ടര്‍ ഫൈനലില്‍

Dec 4, 2022

Most Commented