ഒമിക്രോൺ മുൻകരുതലുകൾ; മുതുമലയിൽ വിനോദസഞ്ചാരികളുടെ വരവ്‌ കുറഞ്ഞു


കേരളത്തെയും കർണാടകത്തെയും തമിഴ്നാടിനെയും ബന്ധിപ്പിക്കുന്ന മുതുമല, ഗൂഡലൂർ, മസിനഗുഡി മേഖലകളിൽ ഇപ്പോൾ വിനോദസഞ്ചാരികളുടെ വരവ് കുറവാണ്.

മുതുമല ആനത്താവളത്തിൽ വളർത്താനകളെ കാണുന്ന വിനോദസഞ്ചാരികൾ | ഫോട്ടോ: ഇ പേപ്പർ

ഗൂഡല്ലൂർ: ഒമിക്രോൺ ആശങ്കയിൽ നിയന്ത്രണങ്ങൾ ഏർപ്പെടുത്തിയതോടെ മുതുമലയിലേക്കുള്ള വിനോദസഞ്ചാരികളുടെ വരവ്‌ കുറഞ്ഞു. മുതുമലയിലേക്ക്‌ അയൽ സംസ്ഥാനങ്ങളിൽ നിന്നുമെത്തുന്ന വിനോദസഞ്ചാരികളുൾപ്പെടെയുള്ളവർക്ക് കർശന വൈദ്യപരിശോധന നടത്താൻ ജില്ലാഭരണകൂടം തീരുമാനിച്ചിരുന്നു.

ഇതോടെ അന്തഃസംസ്ഥാനാതിർത്തികളിലെത്തുന്നവർക്ക് കോവിഡ് പരിശോധനാഫലം നെഗറ്റീവ് സർട്ടിഫിക്കറ്റ് വേണമെന്ന നിബന്ധന ബാധകമാക്കിയിരിക്കുകയാണ്. ടൂറിസ്റ്റ് കേന്ദ്രങ്ങളിൽ സർട്ടിഫിക്കറ്റ് നിർബന്ധമാക്കിയതോടെ വിനോദസഞ്ചാരികളുടെ എണ്ണം നവംബർ മാസത്തിലേതിനേക്കാൾ കുത്തനെ കുറഞ്ഞു.

അടുത്തിടെയാണ് വിനോദസഞ്ചാരകേന്ദ്രങ്ങളിലേക്കുള്ള പൊതുപ്രവേശന നിയന്ത്രണങ്ങളിൽ സർക്കാർ ഇളവ് വരുത്തിയത്. ഇതിനെത്തുടർന്ന് നീലഗിരിയിലെത്തുന്ന വിനോദസഞ്ചാരികളുടെ എണ്ണം ക്രമാതീതമായി വർധിച്ചു. കനത്ത മഴ പെയ്തതോടെ ഇതു നിലച്ചു. പിന്നീട് മഴയുടെ ശക്തി കുറഞ്ഞതോടെ രണ്ടാഴ്ചയായി സഞ്ചാരികളുടെ വരവ് ക്രമാതീതമായി വർധിക്കാൻ തുടങ്ങി. ഇതിനിടയിലാണ് ഒമിക്രോണിന്റെ വരവ്.

കേരളത്തെയും കർണാടകത്തെയും തമിഴ്നാടിനെയും ബന്ധിപ്പിക്കുന്ന മുതുമല, ഗൂഡലൂർ, മസിനഗുഡി മേഖലകളിൽ ഇപ്പോൾ വിനോദസഞ്ചാരികളുടെ വരവ് കുറവാണ്. ഇതോടെ ഭക്ഷണശാലകൾ ഉൾപ്പെടെയുള്ള വ്യാപാര സ്ഥാപനങ്ങളിൽ ആവശ്യത്തിന് കച്ചവടമില്ലാതായി. ക്രിസ്മസ്-പുതുവത്സരാഘോഷങ്ങൾക്ക് ഒരാഴ്ചയിലേറെ ബാക്കിയുള്ളതിനാൽ കൂടുതൽ സഞ്ചാരികൾ എത്തുമെന്നാണ് പ്രതീക്ഷ.

നീലഗിരിയിൽ വിനോദസഞ്ചാരികൾക്ക് വേണ്ടത്

നീലഗിരിയിലെത്തുന്ന വിനോദസഞ്ചാരികൾക്ക് ആർ.ടി.പി.സി.ആർ. പരിശോധന നടത്തി നെഗറ്റീവ് സർട്ടിഫിക്കറ്റ് നിർബന്ധമാക്കിയിട്ടുണ്ട്. വിനോദസഞ്ചാരകേന്ദ്രങ്ങളിൽ 72 മണിക്കൂറിനകമുള്ള പരിശോധനാ സർട്ടിഫിക്കറ്റാണ് നൽകേണ്ടത്. രണ്ടുതവണ വാക്സിനേഷൻ നടത്തിയവർക്കും വിനോദസഞ്ചാരകേന്ദ്രങ്ങളിൽ സർട്ടിഫിക്കറ്റ് നിർബന്ധം. വിദേശ ടൂറിസ്റ്റുകൾക്കും പ്രത്യേക പരിശോധനയുണ്ട്. കുട്ടികൾക്കും വയോജനങ്ങൾക്കും പ്രവേശനമില്ല.

Content Highlights: omicron alert, mudumalai wildlife sanctury, masinagudi travel


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
chintha jerome

2 min

വാഴക്കുലയില്‍ കുടുങ്ങിയ ചിന്ത; നന്ദി പിണറായിക്ക്, ഡോക്ടറേറ്റ് റദ്ദാക്കാന്‍ വകുപ്പുണ്ട്

Jan 30, 2023


kt jaleel, madani

3 min

മഅദനിയെക്കണ്ടു, കണ്ണുനിറഞ്ഞു; ഈ കൊല്ലാക്കൊല കൊടിയ അനീതിയെന്ന് കെ.ടി. ജലീല്‍ 

Jan 28, 2023


Premium

09:50

വീടിനെക്കാള്‍ വില മതിച്ച പൂവ്; ഞെട്ടിച്ച തകര്‍ച്ച, ടുലിപ് മാനിയ!

Jan 30, 2023

Most Commented