കാരമാട്ടെ മധുവിന് പുത്തന്‍ ക്യാമറ സ്വന്തമാവുന്നു, സമ്മാനിക്കല്‍ ഈ മാസം 25 ന്


നല്ല ക്യാമറ കിട്ടിയാല്‍ നല്ല ചിത്രങ്ങളെടുക്കാമെന്ന മോഹം മധു നേരത്തെ മാതൃഭൂമി ഡോട്ട്‌കോമിനോട് പങ്കുവെച്ചിരുന്നു.

Photo: Facebook

കല്പറ്റ: തിരുനെല്ലി കാരമാട് കോളനിയിലെ മധുവിന് ഇനി കാടിനെ പകര്‍ത്താന്‍ പുത്തന്‍ ക്യാമറ സ്വന്തമാവും. മധുവിന്റെ ഫോട്ടോഗ്രാഫി മികവ് തിരിച്ചറിഞ്ഞ മാതൃഭൂമി വായനക്കാരുടെ സ്‌നേഹസമ്മാനമായി പുതിയ ക്യാമറ 25-ന് പത്ത് മണിക്ക് ഹോട്ടല്‍ ബ്രഹ്മഗിരിയില്‍ നടക്കുന്ന ചടങ്ങില്‍ ഒ.ആര്‍. കേളു എം.എല്‍.എ. കൈമാറും. മാതൃഭൂമി ഡോട്ട് കോമിലൂടെ മധുവിനെക്കുറിച്ചറിഞ്ഞ ദുബായ് ഗ്രാന്‍ഡ് സ്റ്റോര്‍സിന്റെ മീഡിയ ആന്‍ഡ് മാര്‍ക്കറ്റിങ് കമ്യൂണിക്കേഷന്‍സ് മേധാവി ഗോപാല്‍ സുധാകരനാണ് പുതിയ ക്യാമറ സമ്മാനിക്കുന്നത്.

നിക്കോണിന്റെ ഡി 5600 ക്യാമറയും നികോര്‍ 70-300 എം.എം. എ.എഫ്.പി.വി.ആര്‍. ലെന്‍സുമാണ് ദുബായിയില്‍നിന്നും മധുവിനെ തേടിയെത്തുന്നത്. നിക്കോണ്‍ ക്യാമറകളുടെ മിഡില്‍ ഈസ്റ്റിലെ അംഗീകൃത വിതരണക്കാരാണ് ദുബായ് ആസ്ഥാനമായുള്ള ഗ്രാന്‍ഡ് സ്റ്റോര്‍. ദുബായ് മീഡിയ സിറ്റിയിലെ മാതൃഭൂമി ഓഫീസിലെത്തിയ ഗോപാല്‍ സുധാകരന്‍ ക്യാമറാക്കിറ്റ് മാതൃഭൂമി ജോയന്റ് മാനേജിങ് ഡയറക്ടര്‍ എം.വി. ശ്രേയാംസ് കുമാറിനെ ഏല്പിച്ചിരുന്നു. കാട്ടില്‍ ജോലിക്ക് പോകുമ്പോഴായിരുന്നു മധു ചിത്രങ്ങളെടുത്തിരുന്നത്.

നല്ല ക്യാമറ കിട്ടിയാല്‍ നല്ല ചിത്രങ്ങളെടുക്കാമെന്ന മോഹം മധു നേരത്തെ മാതൃഭൂമി ഡോട്ട്‌കോമിനോട് പങ്കുവെച്ചിരുന്നു. തൃശ്ശൂര്‍ നാട്ടിക സ്വദേശി അബ്ദുള്‍ ജിഷാദ് തന്റെ കൈവശമുള്ള നിക്കോണ്‍ ക്യാമറ നേരത്തെ മധുവിന് സമ്മാനിച്ചിരുന്നു. ഈ വാര്‍ത്തയും ശ്രദ്ധയില്‍പ്പെട്ടതോടെയാണ് ഗ്രാന്‍ഡ് സ്റ്റോര്‍സ് അധികൃതര്‍ മധുവിന് പുതിയ ക്യാമറ കൈമാറാന്‍ തീരുമാനിച്ചത്.

Content Highlights: Madhu Karamat, Wildlife Photographer Thirunelli, Nicon D 5600, Mathrubhumi.com Impact


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


mallikarjun kharge

2 min

അപ്രതീക്ഷിത നീക്കങ്ങള്‍; തരൂരിനെ തള്ളി ഖാര്‍ഗെയ്‌ക്കൊപ്പം നിരന്ന് ജി23യും, മുന്നില്‍ നിന്ന് ഗഹ്‌ലോത്

Sep 30, 2022


Mohan Bhagwat

1 min

തെറ്റായ ഭക്ഷണം കഴിക്കുന്നവര്‍ തെറ്റായ  വഴിയിലൂടെ സഞ്ചരിക്കും-നോണ്‍വെജിനെതിരെ മോഹന്‍ ഭാഗവത്

Sep 30, 2022

Most Commented