മുന്നൂറേക്കർ, വിരുന്നെത്തുക 209-തരം പക്ഷികൾ; ലോകം ശ്രദ്ധിക്കുന്നു, ചങ്ങരത്തെ ചിറകടി ശബ്ദങ്ങൾ


കെ.ആർ. സേതുരാമൻ

ഏറ്റവും വലിയ ജലപക്ഷിയായ രാജഹംസം (ഗ്രേറ്റർ ഫ്ളെമിംഗോ), വയൽ കുരുവി (െപ്ലയിൻ പീനിയ), പട്ടുവാലൻ സൂചിക്കൊക്ക് (ബ്ലാക്ക് ടെയിൽഡ് ഗോഡ് വിറ്റ്), സൈബീരിയൻ മണൽക്കുരുവികൾ തുടങ്ങി ചെറിയ മീൻകൊത്തി വരെ ഇവിടെയുണ്ടാകും.

ചങ്ങരം പാടത്തെ പക്ഷികൾ | ഫോട്ടോ: മാതൃഭൂമി ഇ പേപ്പർ

അരൂർ: മുന്നൂറേക്കർ വരുന്ന ചങ്ങരം പാടശേഖരത്തിൽ സീസണിലെത്തുക 209-തരം പക്ഷികൾ. ആയിരക്കണക്കിന് മൈലുകൾ താണ്ടിയെത്തുന്ന തൂവെള്ള സൈബീരിയൻ പക്ഷികളും രാജഹംസം അടക്കമുള്ള പക്ഷികളും ഇക്കൂട്ടത്തിലുണ്ട്. കോടംതുരുത്തിലെ ചങ്ങരം എന്ന ചെറിയ പാടത്ത് മാത്രമല്ല സമീപത്തെ നൂറുകണക്കിന് പാടശേഖരങ്ങളിലും പക്ഷികൾ ഹാജർ വെക്കും.

ജനുവരി അവസാനം മുതൽ നാലു മാസത്തോളം ഇവിടം പക്ഷികളുടെ സ്വർഗമാകും. ഒപ്പം വിദേശങ്ങളിൽ നിന്നടക്കം പക്ഷി നിരീക്ഷകരുമെത്തും. മത്സ്യകൃഷിക്കു ശേഷം വെള്ളം വറ്റിക്കുന്നതോടെ തെളിയുന്ന ചെറുമീനുകളെ അകത്താക്കാനാണ് പക്ഷികൾ എത്തുന്നത്.

ഏറ്റവും വലിയ ജലപക്ഷിയായ രാജഹംസം (ഗ്രേറ്റർ ഫ്ളെമിംഗോ), വയൽ കുരുവി (െപ്ലയിൻ പീനിയ), പട്ടുവാലൻ സൂചിക്കൊക്ക് (ബ്ലാക്ക് ടെയിൽഡ് ഗോഡ് വിറ്റ്), സൈബീരിയൻ മണൽക്കുരുവികൾ തുടങ്ങി ചെറിയ മീൻകൊത്തി വരെ ഇവിടെയുണ്ടാകും.

Changarm 1

10 വർഷം മുൻപാണ് ചങ്ങരത്ത് പക്ഷിനിരീക്ഷണ കേന്ദ്രം എന്ന ആശയം വന്നത്. വനംവകുപ്പ് റോഡരികുകളിൽ വൃക്ഷങ്ങൾ പിടിപ്പിച്ചു. പക്ഷിവേട്ടക്കാരെ പിന്തിരിപ്പിക്കാൻ 40 അംഗങ്ങളുള്ള ബേർഡ്‌സ് എഴുപുന്ന എന്ന സംഘവും നിലവിൽ വന്നു.

സീസണായാൽ യു.കെ., സ്വീഡൻ എന്നിവിടങ്ങളിൽ നിന്നുപോലും പക്ഷിനിരീക്ഷകർ ഇവിടെയത്തും. കൊച്ചിയോടുള്ള അടുപ്പവും ഗ്രാമീണചാരുതയും പക്ഷികളുടെ സാന്നിധ്യവും ഒക്കെ ചങ്ങരത്തെ വിനോദസഞ്ചാരികൾക്ക് പ്രിയപ്പെട്ടതാക്കുന്നു.

ഇവിടത്തെ വികസന സാധ്യത മുന്നിൽ കണ്ട് ജില്ലാ ടൂറിസം െപ്രാമോഷൻ കൗൺസിലും വിശദമായ വികസന പദ്ധതികൾ സർക്കാരിന് സമർപ്പിച്ചിട്ടുണ്ട്. പക്ഷിസങ്കേതത്തിലേക്കുള്ള റോഡരികുകൾ ടൈൽ പാകി മോടി പിടിപ്പിക്കുന്നതിനും മിനി വാച്ച് ടവർ സ്ഥാപിക്കുന്നതിനുമായി എട്ട് ലക്ഷം രൂപയുടെ പദ്ധതി അംഗീകരിച്ചിട്ടുണ്ടെന്ന് കോടംതുതുരുത്ത് പഞ്ചായത്ത് പ്രസിഡന്റ് ബിനീഷ് ഇല്ലിക്കൽ പറഞ്ഞു.

Content Highlights: migratory birds in kerala, changaram birds, Greater flamingo


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


xi jinping

2 min

ചൈനയില്‍ അട്ടിമറിയോ? 9000-ലേറെ വിമാനങ്ങള്‍ റദ്ദാക്കിയെന്ന് അഭ്യൂഹം; ഹൈസ്പീഡ് ട്രെയിനുകള്‍ നിര്‍ത്തി?

Sep 25, 2022

Most Commented