മണലി ഇനി സുന്ദരി


ഹരിതകേരളം പദ്ധതിയിലൂടെ മണലിപ്പുഴയുടെ ആറിടങ്ങളെ കേന്ദ്രീകരിച്ചാണ് നവീകരണമാരംഭിച്ചിരിക്കുന്നത്

ഏഴുവര്‍ഷമായി നവീകരണമൊന്നും നടക്കാതെ കിടന്ന മണലിപ്പുഴയ്ക്ക് ഹരിതകേരളം പദ്ധതി പുതുജീവനേകുന്നു. പായല്‍മൂടിയും ഓരമിടിഞ്ഞും മരിക്കാറായ മണലിയിലെ മാലിന്യം നീക്കാന്‍ വിപുലമായ പദ്ധതികളാണ് നടപ്പാക്കുന്നത്.

ഹരിതകേരളം പദ്ധതിയിലൂടെ മണലിപ്പുഴയുടെ ആറിടങ്ങളെ കേന്ദ്രീകരിച്ചാണ് നവീകരണമാരംഭിച്ചിരിക്കുന്നത്. പായലും ചണ്ടിയും കൈയടക്കിയ മണലിപ്പാലം പരിസരം, കാഴ്ചക്കടവ്, നെന്മണിക്കര നടൂക്കര കടവ്, എറവക്കാട് പമ്പ് ഹൗസ്, ഓടന്‍ചിറ ഷട്ടര്‍, ആറാട്ടുകടവ് എന്നീ ഭാഗങ്ങളെ കേന്ദ്രീകരിച്ചാണ് നവീകരണം.



പുഴയില്‍ അടിഞ്ഞുകൂടി രൂപപ്പെട്ട മണല്‍ത്തിട്ടകള്‍ നീക്കം ചെയ്യുന്നതിനും പുഴയോരം വ്യാപകമായി തകര്‍ന്നതിനും പരിഹാരമായി തുടര്‍ പദ്ധതികള്‍ നടപ്പാക്കും. ഇതിനായി ഇറിഗേഷന്‍, ജിയോളജി വകുപ്പുകളുമായി സഹകരിക്കും.എറവക്കാട് കുടിവെള്ള പദ്ധതിയും ഓടന്‍ചിറ ഷട്ടറും നവീകരിക്കുന്നതോടെ നെന്മണിക്കരയുടെ കുടിവെള്ള പ്രശ്‌നത്തിന് ശാശ്വത പരിഹാരമാ കും.മാലിന്യങ്ങള്‍ മൂലം നീരൊഴുക്ക് തടസ്സപ്പെട്ട പുഴയിലെ കുടിവെള്ള ജലസേചന പദ്ധതികളുടെ നവീകരണവും ഹരിതകേരളത്തിന്റെ ഭാഗമായി നടക്കും. നെന്മണിക്കര, തൃക്കൂര്‍, പുത്തൂര്‍, അളഗപ്പനഗര്‍, പാണഞ്ചേരി പഞ്ചായത്തുകള്‍ക്ക് മണലിപ്പുഴയിലെ വെള്ളം ആശ്രയമാണ്.

പുഴയിലേക്ക് തുറന്നു വിടാന്‍ പീച്ചിഡാമില്‍ വെള്ളം ഇല്ലാത്തതും പുഴയിലെ വെള്ളം താഴുന്നതും വരള്‍ച്ചയ്ക്ക് കാരണമായിട്ടുണ്ട്. പുഴയില്‍ രൂപപ്പെട്ട മണ്‍ത്തിട്ടകളും മാലിന്യക്കൂമ്പാരവും നീക്കംചെയ്യണമെന്നാവശ്യപ്പെട്ട് നെന്മണിക്കര പഞ്ചായത്ത് ഭരണസമിതി ഇറിഗേഷന്‍ വകുപ്പിന് പരാതി നല്‍കിയിരുന്നു. ഹരിതകേരളം പദ്ധതിയില്‍ ഉള്‍പ്പെടുത്തി പുഴ സംരക്ഷിക്കണമെന്നത് നെന്മണിക്കര
പഞ്ചായത്തിന്റെ ആവശ്യമായിരുന്നു.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


swami santheepanathagiri

1 min

ആശ്രമത്തിന് തീയിട്ട സംഭവത്തില്‍ വീണ്ടും ട്വിസ്റ്റ്; സഹോദരനെതിരായ മൊഴി മാറ്റി പ്രശാന്ത്

Dec 3, 2022


crime

1 min

കൊച്ചിയില്‍ വെട്ടേറ്റ് യുവതിയുടെ കൈ അറ്റു; പരിക്കേറ്റത് കഴുത്തിന് വെട്ടാനുള്ള ശ്രമം തടഞ്ഞപ്പോള്‍

Dec 3, 2022

Most Commented