രണ്ടുമാസത്തേക്ക് എല്ലാ യാത്രകളും ഹൗസ്‌ഫുൾ, ഹരിപ്പാട്-മലക്കപ്പാറ ആനവണ്ടി സർവീസ് സൂപ്പർ ഹിറ്റ്


മാവേലിക്കര ഡിപ്പോയിലെ സൂപ്പർഫാസ്റ്റ് ബസാണ് ഹരിപ്പാട്ടുനിന്നുള്ള വിനോദയാത്രയ്ക്ക് ഉപയോഗിക്കുന്നത്. മൂന്നാറിലേക്കും സർവീസ് പരിഗണനയിലുണ്ട്.

ഹരിപ്പാട് ഡിപ്പോയിൽനിന്നു മലക്കപ്പാറയ്ക്കുപോയ ആദ്യസംഘം യാത്രയ്ക്കിടെ | ഫോട്ടോ: മാതൃഭൂമി

ഹരിപ്പാട്: കെ.എസ്.ആർ.ടി.സി. ഹരിപ്പാട് ഡിപ്പോയിൽനിന്ന്‌ അവധിദിനങ്ങളിൽ മലക്കപ്പാറയ്ക്കു വിനോദയാത്ര തുടങ്ങി. മുൻകൂട്ടി പണംനൽകി സീറ്റുറപ്പിക്കുന്ന 50 പേരുമായാണ് യാത്ര. 600 രൂപയാണ് ടിക്കറ്റുനിരക്ക്. മലക്കപ്പാറ വിനോദയാത്ര തുടങ്ങുന്ന ജില്ലയിലെ ആദ്യ ഡിപ്പോയാണ് ഹരിപ്പാട്. ആദ്യയാത്രയിൽ മൂന്നുവയസ്സുള്ള കുഞ്ഞുമുതൽ 80 പിന്നിട്ടവർ വരെയുണ്ടായിരുന്നു.

രണ്ടാഴ്ച മുൻപാണ് ഞായറാഴ്ചകളിലെ മലക്കപ്പാറ സർവീസ് പ്രഖ്യാപിച്ചത്. അധികൃതരെ അമ്പരപ്പിക്കുന്ന പ്രതികരണമാണുണ്ടായത്. നവംബർ, ഡിസംബർ മാസങ്ങളിലെ എല്ലാ ഞായറാഴ്ചകളിലേക്കും രണ്ടാം ശനിയാഴ്ചകളിലേക്കുമുള്ള സീറ്റുകൾ ഇതിനോടകം നിറഞ്ഞുകഴിഞ്ഞു. 350 പേരോളം കാത്തിരിപ്പുപട്ടികയിലുണ്ട്. ഇവർക്കായി പ്രവൃത്തിദിവസങ്ങളിൽക്കൂടി യാത്ര നടത്താനുള്ള ശ്രമമാണ് ബന്ധപ്പെട്ടവർ നടത്തുന്നത്. അതിരപ്പിള്ളി വ്യൂ പോയിന്റ്, ചാർപ്പ് വെള്ളച്ചാട്ടം, പെരിങ്ങൽക്കുത്ത് ഡാം, ആനക്കയം പാലം, ഷോളയാർ ഡാം, വാൽവ് ഹൗസ്, പെൻസ്റ്റോക്ക്, നെല്ലിക്കന്ന് എന്നിവിടങ്ങളിലൂടെ മലക്കപ്പാറ ടീ എസ്റ്റേറ്റ് വരെയാണ് യാത്ര. രാത്രി 11 മണിയോടെ ഹരിപ്പാട്ട് മടങ്ങിയെത്തും.

മാവേലിക്കര ഡിപ്പോയിലെ സൂപ്പർഫാസ്റ്റ് ബസാണ് ഹരിപ്പാട്ടുനിന്നുള്ള വിനോദയാത്രയ്ക്ക് ഉപയോഗിക്കുന്നത്. മൂന്നാറിലേക്കും സർവീസ് പരിഗണനയിലുണ്ട്. പ്രത്യേക സർവീസുകൾക്ക് ഓൺലൈനായി ടിക്കറ്റെടുക്കാനുള്ള സൗകര്യവും ഏർപ്പെടുത്തും.

ഡിസംബറിലെ അവസാന ഞായറാഴ്ചവരെയുള്ള സീറ്റുകൾ ബുക്കുചെയ്തിട്ടുണ്ടെങ്കിലും നവംബർ ഏഴിലെ യാത്രയ്ക്കുവരെയുള്ള ടിക്കറ്റുകൾ മാത്രമേ വിതരണം ചെയ്തിട്ടുള്ളൂ. മറ്റുള്ളവർ ഡിപ്പോയിൽ ഫോണിൽ വിളിച്ച ക്രമത്തിൽ പേരെഴുതിയിരിക്കുകയാണ്.

രണ്ടാഴ്ച മുൻകൂട്ടി മാത്രമേ യാത്രക്കാരിൽനിന്ന്‌ പണം വാങ്ങുകയുള്ളൂ. വനയാത്രയുള്ളതിനാൽ കാലാവസ്ഥ അനുകൂലമല്ലെങ്കിൽ മാറ്റിവെക്കേണ്ടിവരും. പണം മടക്കിക്കൊടുക്കേണ്ടിവരുന്നതുൾപ്പെടെയുള്ള സാങ്കേതികപ്രശ്നങ്ങൾ ഒഴിവാക്കാനാണിത്.

Content Highlights: Malakkappara Travel, KSRTC Special Service to Malakkappara, Kerala Tourism, Harippad to Malakkappara


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022


Aravind Kejriwal

1 min

ഗുജറാത്തില്‍ എഎപി അധികാരത്തിലെത്തും; ഐ.ബി റിപ്പോര്‍ട്ടുണ്ട്, അവകാശവാദവുമായി കെജ് രിവാള്‍

Oct 2, 2022

Most Commented