വേറെ ഏത് വാഹനത്തിൽ കിട്ടും ഇതുപോലൊരു യാത്ര? ഹിറ്റായി ആനവണ്ടിയുടെ കോതമം​ഗലം-മൂന്നാർ ജം​ഗിൾ സഫാരി


സൗഹാർദപരമായി പെരുമാറുന്ന ജീവനക്കാർ തന്നെയാണ് യാത്രയുടെ പ്ലസ് പോയിന്റെന്ന് യാത്രക്കാർ പറയുന്നു.

പ്രതീകാത്മക ചിത്രം | ഫോട്ടോ: സിദ്ദിഖുൽ അക്ബർ മാതൃ‍ഭൂമി

ഞ്ചാരികളുടെ പ്രിയകേന്ദ്രമായ മുന്നാറിലേക്ക് കെ.എസ്.ആർ.ടി.സി ആരംഭിച്ച ജംഗിൾ സഫാരിക്ക് വൻ സ്വീകരണം. കോതമംഗലത്ത് നിന്ന് വനമേഖലയിലൂടെ മൂന്നാറിലെത്തുന്ന യാത്രക്ക് സംസ്ഥാനത്തിന്റെ വിവിധ ഭാഗങ്ങളിൽ നിന്നാണ് യാത്രക്കാർ എത്തുന്നത്. 550 രൂപയാണ് ഒരാൾക്കുള്ള ടിക്കറ്റ് നിരക്ക്.

വന്യമൃ​ഗങ്ങളേ കണ്ടുകൊണ്ട് ശുദ്ധവായു ശ്വസിച്ചുകൊണ്ടുള്ള യാത്രയാണിതെന്ന് കെ.എസ്.ആർ.ടി.സി ബജറ്റ് ടൂറിസം കോതമം​ഗലം കോർഡിനേറ്റർ രാജീവ് എൻ.ആർ പറഞ്ഞു. കുട്ടമ്പുഴ, മാമലക്കണ്ടം, പഴമ്പിള്ളിച്ചാൽ, കുരങ്ങാട്ടി, മാങ്കുളം വഴിയാണ് ബസ് മൂന്നാറിലെത്തുക. ഉച്ചയൂണും വൈകിട്ടത്തെ ചായയും ഉൾപ്പെടുന്നതാണ് പാക്കേജ്. ദിവസം ആയിരത്തോളം വിളികളാണ് വന്നുകൊണ്ടിരിക്കുന്നതെന്നും കോർഡിനേറ്റർ പറഞ്ഞു.

തുടങ്ങിയ സമയത്ത് ഞായറാഴ്ചകളിൽ മാത്രമായിരുന്നു ട്രിപ്പ് നടത്താൻ പദ്ധതിയുണ്ടായിരുന്നത്. പക്ഷേ പിന്നീട് ബുക്കിങ് കൂടി. 14 ബസുകൾ നിലവിൽ ബുക്കിങ്ങാണെന്ന് ഡ്രൈവർ കിഷോർ പറഞ്ഞു. കുടുംബശ്രീ, വിദ്യാർത്ഥികൾ എന്നിവരെല്ലാം യാത്ര ചെയ്യാനായി ബുക്ക് ചെയ്ത് കാത്തിരിക്കുകയാണ്. അപകടം നിറഞ്ഞ വഴികളിലൂടെയുള്ള യാത്ര സഞ്ചാരികൾ ഏറെ ആസ്വദിക്കുന്നുണ്ട്. പോകുംവഴി ആനയേയും മയിലിനേയുമെല്ലാം കാണാനാവുമെന്നും അദ്ദേഹം പറഞ്ഞു.

സൗഹാർദപരമായി പെരുമാറുന്ന ജീവനക്കാർ തന്നെയാണ് യാത്രയുടെ പ്ലസ് പോയിന്റെന്ന് യാത്രക്കാർ പറയുന്നു. വേറെ ഏത് വാഹനത്തിലാണ് ഇതുപോലെ കാടിനകത്ത് യാത്ര ചെയ്യാൻ പറ്റുകയെന്നാണ് മറ്റുചിലർ ചോദിക്കുന്നത്. ഈ രീതിയിൽ കേരളത്തിൽ എല്ലായിടത്തും തുടങ്ങുകയാണെങ്കിൽ ഒരുവർഷം കൊണ്ട് കെ.എസ്.ആർ.ടി.സിയിൽ നല്ല മാറ്റം വരുമെന്നും സഞ്ചാരികൾ അഭിപ്രായപ്പെടുന്നു.

രാവിലെ എട്ടുമണിക്ക് പുറപ്പെട്ട് വൈകിട്ട് ആറുമണിയോടെ മൂന്നാറിലെത്തിച്ചേരുമ്പോൾ കെ.എസ്.ആർ.ടി.സി സമ്മാനിച്ച കാഴ്ചയുടെ ഒരു നിറവസന്തത്തിന് സമാപനമാവും.

Content Highlights: KSRTC tourism packages, ksrtc jungle safari, kothamangalam to munnar trip

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kolumban boat

1 min

വീണ്ടും സൂപ്പര്‍ ഹിറ്റായി ഇടുക്കി ഡാമിലെ കൊലുമ്പന്‍; രണ്ട് മാസത്തെ വരുമാനം 3.47 ലക്ഷം

Feb 6, 2023


Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023


.

1 min

ഇഡ്ഡലിയോട് ഈ കടുംകൈ വേണ്ടെന്ന് വിമര്‍ശനം; പാഴായി പരീക്ഷണം

Feb 5, 2023

Most Commented