.jpg?$p=86ad0de&f=16x10&w=852&q=0.8)
കെ.എസ്.ആർ.ടി.സി. കോഴിക്കോട്ട് നഗരയാത്ര സർവീസിന് എത്തിയ സഞ്ചാരികൾ | ഫോട്ടോ: സാജൻ വി നമ്പ്യാർ
കെ.എസ്.ആര്‍.ടി.സി. കോഴിക്കോട്ട് നഗരയാത്ര സര്‍വീസിന് തുടക്കമായി. തിരുവനന്തപുരത്ത് നഗരക്കാഴ്ചകള്‍ കാണാന്‍ ആരംഭിച്ച ബസ് സര്‍വീസിന്‍റെ മാതൃകയിലാണ് കോഴിക്കോട്ടെയും സര്‍വീസ്. കെ.എസ്.ആര്‍.ടി.സി. ഓര്‍ഡിനറി ബസിലാണ് യാത്ര ആരംഭിച്ചത്. യാത്രയുടെ ഭാഗമായി തളി ക്ഷേത്രത്തിലെത്തിയ സഞ്ചാരികള്‍ക്ക് ക്ഷേത്ര പരസരത്ത് സ്വീകരണം നല്‍കി.
'കോഴിക്കോടിനെ അറിയാന്‍ സാമൂതിരിയുടെ നാട്ടിലൂടെ ഒരുയാത്ര' എന്ന പേരില്‍ ആരംഭിച്ച സര്‍വീസ് കെ.എസ്.ആര്‍.ടി.സി. ബസ്സ്റ്റാന്‍ഡില്‍നിന്ന് തുടങ്ങി പ്ലാനറ്റോറിയം, തളിക്ഷേത്രം, കുറ്റിച്ചിറ മിശ്കാല്‍ പള്ളി, കുറ്റിച്ചിറ കുളം, കോതി ബീച്ച്, നൈനാംവളപ്പ്, സൗത്ത് ബീച്ച്, ഗാന്ധി പാര്‍ക്ക്, ഭട്ട്‌റോഡ് ബീച്ച്, ഇംഗ്ലീഷ് പള്ളി, മാനാഞ്ചിറ സ്‌ക്വയര്‍ എന്നിവ വഴിയാണ് കടന്നുപോവുക.
200 രൂപയാണ് ചാര്‍ജ്. ഉച്ചയ്ക്ക് ഒന്നുമുതല്‍ രാത്രി എട്ടുവരെ നഗരം ചുറ്റിക്കാണാം. ദിവസവും ഒരു സര്‍വീസാണുണ്ടാവുക. ഓരോ സ്ഥലങ്ങളിലും ഇറങ്ങി കാണാനും ഫോട്ടോയെടുക്കാനും സൗകര്യമുണ്ടാകും. എന്നാല്‍, സര്‍വീസ് തുടങ്ങിയാല്‍ ഇടയ്ക്കുള്ള സ്റ്റോപ്പുകളില്‍വെച്ച് ബസില്‍ കയറാനാവില്ല. മ്യൂസിക് സിസ്റ്റം ഉള്‍പ്പെടെയുളള സൗകര്യങ്ങള്‍ ബസിലുണ്ട്.
ഓര്‍ഡിനറി ബസ് സര്‍വീസിനിടെ യാത്രയുടെ സാധ്യതകള്‍പഠിച്ച് അടുത്തഘട്ടത്തില്‍ കോഴിക്കോട് ബീച്ച്, സരോവരം തുടങ്ങി കൂടുതല്‍ സ്ഥലങ്ങള്‍ ഉള്‍പ്പെടുത്താനും പദ്ധതിയുണ്ട്. ഭാവിയില്‍ ഡബിള്‍ ഡക്കര്‍ ബസുകള്‍ ഉപയോഗിക്കുന്നതിനെ കുറിച്ച് ആലോചിക്കുമെന്നും കെ.എസ്.ആര്‍.ടി.സി വ്യക്തമാക്കിയിട്ടുണ്ട്.
മറ്റു ജില്ലകളില്‍നിന്ന് ട്രെയിനിലും മറ്റും നഗരത്തിലെത്തുന്നവര്‍ക്ക് കുറഞ്ഞ ചെലവില്‍ നഗരംകാണാന്‍ അവസരമൊരുക്കുകയാണ് യാത്രയുടെ ലക്ഷ്യം. രാവിലെ 9.30 മുതല്‍ രാത്രി ഒമ്പതുവരെ 9544477954, 9846100728 എന്നീ നമ്പറുകളില്‍ ട്രിപ്പുകള്‍ മുന്‍കൂട്ടി ബുക്കുചെയ്യാം.
Content Highlights: KSRTC sightseeing service Kozhikode
Also Watch
RELATED STORIES
.jpg?$p=8b480bb&f=1x1&w=100&q=0.8)
.jpg?$p=8b480bb&f=1x1&w=100&q=0.8)
.jpg?$p=8b480bb&f=1x1&w=100&q=0.8)
IN CASE YOU MISSED IT
%20(1).jpg?$p=6221210&q=0.8&f=16x11&w=104)
.png?$p=0e70431&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..