മൂന്ന് മണിക്കൂർ, കായൽ കാഴ്ചകൾ ആസ്വദിക്കാം, ഒപ്പം ലഘുഭക്ഷണവും; സീ-കവ്വായിയുമായി ജലഗതാഗത വകുപ്പ്


ജലഗതാഗത വകുപ്പിന്റെ ഒരു ബോട്ട് മാത്രമാണ് ഇപ്പോൾ സർവീസ് നടത്തുന്നത്. ടൂറിസ്റ്റ്‌ ബോട്ട്‌ കൂടി വരുന്നത് ഈ മേഖലയ്ക്ക് ഗുണംചെയ്യും.

ആയിറ്റി ജലഗതാഗതവകുപ്പ് കാര്യാലയത്തിലെത്തിച്ച ബോട്ട് |ഫോട്ടോ: മാതൃഭൂമി ഇ പേപ്പർ

തൃക്കരിപ്പൂർ: വിനോദസഞ്ചാരികൾക്കായി കവ്വായി കായലിൽ സംസ്ഥാന ജലഗതാഗതവകുപ്പിന്റെ സീ കവ്വായി ബോട്ട് ഒരുങ്ങുന്നു. പുതുവർഷത്തിൽ ബോട്ട് യാത്രക്കായി തയ്യാറാക്കുന്ന പ്രവൃത്തിയിലാണ് അധികൃതർ.

ജലഗതാഗതവകുപ്പ് നേരത്തേ സർവീസ് നടത്തിയ ബോട്ടിൽ രൂപമാറ്റം വരുത്തിയാണ് സ്റ്റീൽ ബോട്ട് സഞ്ചാരികൾക്കായി ഒരുക്കുന്നത്. കവ്വായി കായൽ കാഴ്ചകൾ ആസ്വദിക്കാനും ഒപ്പം പ്രധാന വിനോദകേന്ദ്രങ്ങളിൽ ഇറങ്ങി പ്രകൃതിസൗന്ദര്യം ആസ്വദിക്കാവുന്ന തരത്തിലാണ് ബോട്ടുയാത്ര ഒരുക്കുന്നത്.



സ്വകാര്യ യാർഡിൽ പണി തീർത്ത് ആയിറ്റിയിലെ ജലഗതാഗത കാര്യാലയത്തിലെത്തിച്ചു. ബോട്ടിനകത്തെ ഇരിപ്പിടങ്ങൾ ആകർഷകമാക്കാനുള്ള പ്രവൃത്തി ബാക്കിയുണ്ട്. 75 പേർക്ക് യാത്രചെയ്യാവുന്ന ബോട്ടിൽ സഞ്ചാരികൾക്ക് ലഘു ഭക്ഷണ-പാനീയം വിതരണം ചെയ്യുന്ന കൗണ്ടറും സംഗീതാസ്വാദനത്തിനുള്ള സൗകര്യങ്ങളുമുണ്ടാവും. ശൗചാലയവും ഒരുക്കിയിട്ടുണ്ട്.

ഏഴിമലയുടെ താഴ്‌വാരവും കായലിനോട് ചേർന്നുള്ള വിവിധ പ്രദേശങ്ങളും ചുറ്റിവരുന്നതിന് ഏതാണ്ട് മൂന്നുമണിക്കൂർ യാത്രയാണ് കണക്കാക്കുന്നത്. അഞ്ച് ജീവനക്കാർ ഓരോ ഷെഡ്യൂളിലുമുണ്ടാവും. സുരക്ഷാസംവിധാനവുമുണ്ടാവും. ജലഗതാഗത വകുപ്പിന്റെ ഒരു ബോട്ട് മാത്രമാണ് ഇപ്പോൾ സർവീസ് നടത്തുന്നത്. ടൂറിസ്റ്റ്‌ ബോട്ട്‌ കൂടി വരുന്നത് ഈ മേഖലയ്ക്ക് ഗുണംചെയ്യും. വിനോദ സഞ്ചാരികളെ ലക്ഷ്യമിട്ട് സ്വകാര്യമേഖലയിൽ നിരവധി പുരവഞ്ചികൾ കവ്വായിക്കായലിൽ ഓടുന്നുണ്ട്. വിനോദയാത്രക്കാരുടെ എണ്ണത്തിലും ഗണ്യമായ വർധന ഉണ്ടായിട്ടുണ്ട്. സീ കവ്വായി ബോട്ട് പ്രാദേശികമായുള്ള യാത്രക്കാർക്കും അനുഗ്രഹമാകും.

Content Highlights: kerala water transport department, kavvayi lake boat service, kavvayi island travel


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


vote

5 min

അടുത്തവര്‍ഷം ലോക്‌സഭാ തിരഞ്ഞെടുപ്പ്; ഇത്തവണ ഒരു രാജ്യം ഒരു തിരഞ്ഞെടുപ്പോ?

Nov 25, 2022


arif muhammad khan

1 min

രാജ്ഭവനിലെ അതിഥിസത്കാരം: നാല് വര്‍ഷത്തിനിടെ 9 ലക്ഷത്തോളം ചെലവഴിച്ചെന്ന് കണക്കുകള്‍

Nov 25, 2022

Most Commented