അയ്യപ്പന്‍കോവിലിലെ കയാക്കിങ് ഫെസ്റ്റിന് തുടക്കമായി


കേരളത്തിലെ കായികവിനോദത്തിന് കൂടി പൂര്‍ണമായും മുതല്‍കൂട്ടാകുന്ന തരത്തിലാണ് കയാക്കിങ് ഫെസ്റ്റ് ക്രമീകരിച്ചിരിക്കുന്നത്.

പ്രതീകാത്മക ചിത്രം | Photo-Mathrubhumi

ഉപ്പുതറ : കായികവിനോദത്തിന് മുതല്‍കൂട്ടായി അയ്യപ്പന്‍കോവിലില്‍ കയാക്കിങ് ഫെസ്റ്റിന് തുടക്കമായി. ഇടുക്കി ജലാശയത്തിന്റെ ദൃശ്യഭംഗി നുകര്‍ന്ന് അനവധി കായിക വിനോദസഞ്ചാരികളാണ് കയാക്കിങ്ങിന്റെ ഭാഗമാകാനായിയെത്തിയത്. ടൂറിസം വികസനത്തിന്റെ അനന്ത സാധ്യതകളിലേക്കാണ് ഇതോടെ അയ്യപ്പന്‍കോവില്‍ വാതില്‍ തുറക്കുന്നത് .

ഇടുക്കി ജലാശയത്തിനു കുറുകെയുള്ള കേരളത്തിലെ ഏറ്റവും നീളംകൂടിയ തൂക്കുപാലം അയ്യപ്പന്‍ കോവിലിലാണ്. തൂക്കുപാലത്തില്‍ കയറാനും, ജലാശയത്തിന്റെ ദൂരക്കാഴ്ച ആസ്വദിക്കാനും നൂറുകണക്കിന് വിനോദസഞ്ചാരികളാണ് ഇവിടെയെത്തുന്നത്.

ഇതുകൂടി കണക്കിലെടുത്താണ് അയ്യപ്പന്‍കോവിലില്‍ കയാക്കിങ് ഫെസ്റ്റ് സംഘടിപ്പിച്ചത്. കയാക്കിങ് അടക്കമുള്ള വിനോദസഞ്ചാര പദ്ധതികള്‍ തുടര്‍ന്നും നടക്കും.

ജില്ലാ ഭരണകൂടം, ഡി.ടി.പി.സി, അയ്യപ്പന്‍കോവില്‍-കാഞ്ചിയാര്‍ പഞ്ചായത്തുകള്‍, വനം-വന്യജീവി, വൈദ്യതി വകുപ്പുകള്‍ സംയുക്തമായാണ് ഫെസ്റ്റ് നടത്തുന്നത്. വയനാട് വൈറ്റല്‍ ഗ്രീന്‍സ് ഇന്റഗ്രേറ്റഡ് സര്‍വീസസ് ആണ് ഇതിനുള്ള സാങ്കേതിക സൗകര്യങ്ങള്‍ ഒരുക്കിയത്.

ഞായറാഴ്ച വൈകീട്ട് ഫെസ്റ്റ് അവസാനിക്കും. അഡ്വഞ്ചര്‍ ടൂറിസം രംഗത്ത് അന്തര്‍ദേശീയ ശ്രദ്ധനേടാന്‍ കഴിയുന്ന വിനോദമാണ് കയാക്കിങ്. ഒറ്റയ്ക്കും രണ്ടാള്‍ വീതവും സാഹസിക യാത്രചെയ്യാന്‍ കഴിയുന്ന കയാക്കുകളാണ് അയ്യപ്പന്‍കോവിലില്‍ സജ്ജീകരിച്ചിരിക്കുന്നത്.

കയാക്കിങ്ങിന് ലൈഫ് ജാക്കറ്റ് ഉള്‍പ്പെടെയുള്ള എല്ലാ സുരക്ഷാ സംവിധാനങ്ങളും സഞ്ചാരികള്‍ക്കായി ഒരുക്കിയിട്ടുണ്ട്. ഒരാള്‍ക്ക് ഒരു മണിക്കൂര്‍ നേരം കയാക്കിങ് വിനോദത്തില്‍ പങ്കെടുക്കാന്‍ 100 രൂപയാണ് തുക ഈടാക്കുന്നത്.

Content Highlights: kayaking fest kickstarted in ayappankovil


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


xi jinping

2 min

ചൈനയില്‍ അട്ടിമറിയോ? 9000-ലേറെ വിമാനങ്ങള്‍ റദ്ദാക്കിയെന്ന് അഭ്യൂഹം; ഹൈസ്പീഡ് ട്രെയിനുകള്‍ നിര്‍ത്തി?

Sep 25, 2022

Most Commented