കടലുകാണിയിലെത്തിയാല്‍ കാറ്റുകൊള്ളാം, കടലും പൊന്മുടിയും കാണാം


കടലുകാണി ടൂറിസം പദ്ധതി രണ്ടാംഘട്ടത്തിന് 1.87 കോടി

പുളിമാത്ത് പഞ്ചായത്തിലെ കടലുകാണിപ്പാറ | ഫോട്ടോ: മാതൃഭൂമി

കിളിമാനൂര്‍: കുന്നിന്‍മുകളില്‍നിന്ന് താഴ് വാര സൗന്ദര്യമാസ്വദിക്കാനും കാറ്റുകൊള്ളാനും ഒപ്പം തെളിഞ്ഞ ആകാശത്തിനൊപ്പം അറബിക്കടലും പൊന്മുടിക്കുന്നും കാണാനും കടലുകാണിയിലെത്തണം.

ഈ പ്രകൃതി സൗന്ദര്യമാസ്വദിക്കാന്‍ കുന്നിന്റെ മുകള്‍ത്തട്ടുവരെ വാഹനത്തില്‍ എത്താം. അതിനാല്‍ ഏതു പ്രായത്തിലുള്ളവര്‍ക്കും ഇവിടെയെത്തി കാഴ്ചകള്‍ ആസ്വദിക്കാം. മനോഹരമായ ഗുഹാക്ഷേത്രവും ഇവിടെ കാണാനുണ്ട്.

പുളിമാത്ത് ഗ്രാമപ്പഞ്ചായത്തിലാണ് പ്രകൃതിഭംഗി നിറഞ്ഞ കടലുകാണിപ്പാറ. കാരേറ്റ്-കല്ലറ റോഡില്‍ താളിക്കുഴിയില്‍നിന്നു അരകിലോമീറ്റര്‍ സഞ്ചരിച്ചാല്‍ കടലുകാണിയിലെത്താം. സഞ്ചാരികള്‍ക്കായി ഇരിപ്പിടവും നടപ്പാതയും സുരക്ഷാവേലിയടക്കമുള്ള ക്രമീകരണങ്ങളും ടൂറിസം വകുപ്പ് ഒരുക്കിയിട്ടുണ്ട്.

അടുത്തഘട്ടമായി 1.87 കോടിയുടെ പദ്ധതികള്‍ക്കുള്ള നിര്‍മാണം ആരംഭിച്ചു. വാച്ച് ടവര്‍, കുട്ടികള്‍ക്കുള്ള കളിയിടവും കളിയുപകരണങ്ങളും, ഉദ്യാനം, പുല്‍ത്തകിടി, ലാന്‍ഡ് സ്‌കേപ്പിങ്, ദീപസംവിധാനങ്ങള്‍, ഇരിപ്പിടങ്ങള്‍ എന്നിവയും വാഹനങ്ങള്‍ നിര്‍ത്തിയിടാനുള്ള സ്ഥലവും ഒരുക്കും. നാലുമാസത്തിനുള്ളില്‍ നിര്‍മാണം പൂര്‍ത്തിയാക്കുകയാണ് ലക്ഷ്യം.

ആവശ്യമായ സൗകര്യങ്ങള്‍ ഒരുക്കുന്നതോടെ സഞ്ചാരികള്‍ക്ക് വര്‍ക്കല- പൊന്മുടിയാത്രയുടെ ഇടയ്ക്ക് മനോഹരദൃശ്യമൊരുക്കുന്ന ഇടത്താവളമായി കടലുകാണിയെ കാണാം. ഇരു സ്ഥലങ്ങളിലേക്കും ഇവിടെനിന്ന് ഒരേ ദൂരമെന്നതും പ്രത്യേകതയാണ്.

Content Highlights: Kadalukani, Ponmudi, Thiruvananthapuram Tourism, Kerala Tourism, Travel News

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
nedumbassery airport

1 min

ബാഗില്‍ എന്താണെന്ന വിമാന ജീവനക്കാരിയുടെ ചോദ്യം ഇഷ്ടപ്പെട്ടില്ല, ബോംബെന്ന് മറുപടി; അറസ്റ്റിലായി

Jul 3, 2022


lemon

1 min

കളിയാക്കിയവര്‍ക്ക് മറുപടി; അഷ്ടമുടിക്കായലോരത്ത് ഡോക്ടറുടെ ചെറുനാരങ്ങാവിപ്ലവം

Jul 3, 2022


rahul office

1 min

'ഗാന്ധി ചിത്രം തകര്‍ത്തത് SFI-ക്കാര്‍ പോയശേഷം'; കോണ്‍ഗ്രസിനെ വെട്ടിലാക്കി പോലീസ് റിപ്പോര്‍ട്ട്

Jul 4, 2022

Most Commented