കായല്‍പ്പരപ്പുകള്‍ക്ക് അനക്കമായി; പുരവഞ്ചികളും ശിക്കാരകളും ഓടിത്തുടങ്ങി


കോവിഡ് പ്രതിരോധ കുത്തിവെപ്പ് എടുത്ത ജീവനക്കാരെ ഉപയോഗിച്ചുമാത്രമേ വള്ളങ്ങള്‍ പ്രവര്‍ത്തിപ്പിക്കുവാന്‍ പാടുള്ളൂ.

ദീർഘനാളുകൾക്കു ശേഷം പുരവഞ്ചിക്ക്‌ വ്യാഴാഴ്ച ആലപ്പുഴ പുന്നമടയിൽ യാത്ര ചെയ്യാനെത്തിയവർ ബോട്ടിൽ കയറാനായി പോകുന്നു

ലപ്പുഴ: നാളുകളായി അനക്കമില്ലാതിരുന്ന കായലോരവിനോദസഞ്ചാരമേഖലയ്ക്കു ജീവൻ വച്ചു. വ്യാഴാഴ്ച മുതൽ കോവിഡ് മാനദണ്ഡപ്രകാരം ജില്ലയിൽ പുരവഞ്ചികളും ശിക്കാരകളും പ്രവർത്തിച്ചുതുടങ്ങി. യാത്രയ്ക്ക് ഡി.ടി.പി.സി.യിൽനിന്നുള്ള ബോർഡിങ് പാസുള്ള വള്ളങ്ങൾക്കു മാത്രമേ അനുമതിയുള്ളു. പാസില്ലാത്ത വള്ളങ്ങൾക്കെതിരേ കർശനനടപടി സ്വീകരിക്കും.

ആദ്യദിവസം 15 പുരവഞ്ചികൾക്കും അഞ്ചു ശിക്കാരകൾക്കും ബോർഡിങ് പാസ് നൽകി. കോവിഡ് പ്രതിരോധ കുത്തിവെപ്പ് എടുത്ത ജീവനക്കാരെ ഉപയോഗിച്ചുമാത്രമേ വള്ളങ്ങൾ പ്രവർത്തിപ്പിക്കുവാൻ പാടുള്ളൂ. സഞ്ചാരികൾ 72 മണിക്കൂറിനുള്ളിൽ എടുത്ത ആർ.ടി.പി.സി.ആർ. നെഗറ്റീവ് സർട്ടിഫിക്കറ്റോ കോവിഡ് വാക്സിൻ ഒരു ഡോസ് സ്വീകരിച്ചതിന്റെ സർട്ടിഫിക്കറ്റോ ഹാജരാക്കണം. ഇതു രണ്ടുമില്ലാതെ എത്തിയ സഞ്ചാരികളെ തിരിച്ചയച്ചു.

എല്ലാദിവസവും അണുവിമുക്തമാക്കിയതിനു ശേഷമേ പുരവഞ്ചികളും ശിക്കാരവള്ളങ്ങളും യാത്രയ്ക്കായി തയ്യാറാകുവാൻ പാടുള്ളൂ. ഇതിലേക്കായി യൂസർ ഫീയിനത്തിൽ പുരവഞ്ചിക്കു ദിവസം 100 രൂപയും ശിക്കാരവള്ളത്തിന് 20 രൂപയും ഡി.ടി.പി.സിക്കു നൽകണം.

പുന്നമട ഫിനിഷിങ് പോയിന്റ്, പള്ളാത്തുരുത്തി ഹൗസ് ബോട്ട് ടെർമിനൽ എന്നിവിടങ്ങളിൽനിന്നു ബോർഡിങ് പാസുകൾ ഡി.ടി.പി.സി. വഴി വിതരണം ചെയ്യും. ഓണാവധിയോടെ കുടുതൽ സഞ്ചാരികൾ എത്തി ഈ രംഗം വീണ്ടും പച്ചപിടിക്കുമെന്ന പ്രതീക്ഷയിലാണു പുരവഞ്ചി ഉടമകളും തൊഴിലാളികളും.

Content highlights :house boat service started in alappuzha after a long time tourists comeback


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


anas

2 min

പോയത് നാലുകോടി രൂപ; ജീവിതം അവസാനിപ്പിക്കുമെന്ന് പറഞ്ഞ് മുഖ്യമന്ത്രിക്ക് കത്തയച്ച് സംരംഭകന്‍

Oct 7, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented