ഇനി നായകൾ കണ്ടെത്തുമത്രേ യാത്രക്കാരിലെ കോവിഡ് ബാധ


പ്രത്യേക പരിശീലനം ലഭിച്ച നായ്ക്കളാണ് ഇനിമുതല്‍ ദുബായ് എയര്‍പോര്‍ട്ടില്‍ കോവിഡ് രോഗികളുണ്ടോ എന്ന് കണ്ടെത്തുക. നായ്ക്കള്‍ക്ക് കോവിഡ് വൈറസിനെ മണത്ത് കണ്ടുപിടിക്കാനാകുമെന്നാണ് അധികൃതരുടെ വാദം.

-

ഞ്ചാരികൾക്കുള്ള വിലക്കുകൾ ഭാഗികമായി എടുത്തുകളഞ്ഞതോടെ ദുബായ് മണ്ണിലേക്ക് പറന്നിറങ്ങാനുളള തയ്യാറെടുപ്പിലാണ് സഞ്ചാരികൾ. ദുബായ് എയർപോർട്ടിലെത്തുന്ന യാത്രികർക്ക് കോവിഡ് രോഗമുണ്ടോ എന്ന് കണ്ടെത്താൻ അധികൃതർ പുതിയൊരു വഴി കണ്ടെത്തിയിരിക്കുകയാണ്.

പ്രത്യേക പരിശീലനം ലഭിച്ച നായ്ക്കളാണ് ഇനിമുതൽ ദുബായ് എയർപോർട്ടിൽ കോവിഡ് രോഗികളുണ്ടോ എന്ന് കണ്ടെത്തുക. നായ്ക്കൾക്ക് കോവിഡ് വൈറസിനെ മണത്ത് കണ്ടുപിടിക്കാനാകുമെന്നാണ് അധികൃതരുടെ വാദം. നിരവധി രാജ്യങ്ങൾ ഇപ്പോഴും ഇതിന്റെ പരീക്ഷണത്തിലാണ്.

പ്രത്യേക പരിശീലനം നേടിയ സ്നിഫർ നായകൾക്ക് കാൻസർ, ട്യൂബർക്കുലോസിസ്, മലേറിയ, ഡയബറ്റിക്സ് തുടങ്ങിയ രോഗങ്ങൾ കണ്ടെത്താനാകുമെന്നും അതേപോലെ കോവിഡ് വൈറസിനെയും കണ്ടെത്താൻ കഴിയുമെന്നും എയർപോർട്ട് അധികൃതർ ഉറപ്പിച്ച് പറയുന്നു. ടൈംസ് ഓഫ് ഇന്ത്യയാണ് ഇക്കാര്യം റിപ്പോർട്ട് ചെയ്തിരിക്കുന്നത്.

ദുബായ് ഹെൽത്ത് അതോറിറ്റിയും ഡോഗ് ട്രെയിനർമാരും ചേർന്നാണ് പുതിയ പരീക്ഷണമേറ്റെടുത്തിരിക്കുന്നത്. യാത്രികരിൽ നിന്നും എടുക്കുന്ന സ്രവം പ്രത്യേക മുറിയിലുള്ള നായയ്ക്ക് മണക്കാൻ കൊടുക്കുകയും അതുവഴി നായയ്ക്ക് സ്രവത്തിൽ കോവിഡ് വൈറസിന്റെ അംശമുണ്ടോ എന്ന് കണ്ടെത്താനാകും. യാത്രക്കാർക്ക് നേരിട്ട് നായയുടെ അടുത്തേക്ക് പോകേണ്ട ആവശ്യമില്ല.

ദുബായ് ഈ പരീക്ഷണത്തിൽ വിജയിച്ചാൽ ഇന്ത്യയടക്കമുള്ള പല രാജ്യങ്ങളിലും സ്നിഫർ നായ്ക്കളെ കോവിഡ് വൈറസ് കണ്ടെത്തുന്നതിനായി ഉപയോഗപ്പെടുത്തിയേക്കും.

Content Highlights: Dubai Airport becomes the first to deploy dogs to sniff and detect Coronavirus

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
poornima indrajith

'ഓക്കേ അല്ലേ..ഇതു പെര്‍ഫെക്റ്റ് ആണ്'; വീട് നിര്‍മാണത്തിനിടെ ഭിത്തി തേച്ച് പൂര്‍ണിമ

May 16, 2022


sabu jacob and pv sreenijan

1 min

കുന്നംകുളത്തിന്റെ മാപ്പുണ്ടോ, ഒരാള്‍ക്ക് കൊടുക്കാനാണ്- സാബുവിനെ പരിഹസിച്ച് ശ്രീനിജിന്‍

May 16, 2022


hotel

1 min

ഹോട്ടലിലെ ഭക്ഷണസാധനങ്ങള്‍ ശൗചാലയത്തില്‍; ഫോട്ടോയെടുത്ത ഡോക്ടര്‍ക്ക് മര്‍ദനം, മൂന്നുപേര്‍ അറസ്റ്റില്‍

May 16, 2022

More from this section




Most Commented